Mauaji ya wahudumia misaada ya maendeleo Afghanistan yanalaaniwa na Mkuu wa UNAMA

13 Agosti 2008

Kai Eide, Mjumbe Maalumu wa KM kwa Afghanistan ambaye pia anaongoza Shirika la Usaidizi la UM Afghanistan (UNAMA) ameripoti kuchukizwa sana na taarifa aliopokea juu ya vifo vya wafanyakazi watatu wanawake, waliohudumia misaada ya kiutu pamoja dereva wao, raia wa Afghanistan, ambao waliuawa baada ya gari lao kushambuliwa leo asubuhi na watu wasiojulikana, waliokuwa wamechukua silaha, wakati wakielekea Logar kutokea Kabul.

Aliihimiza Serikali ya Afghanistan, kujitahidi kama inavyoweza, kuhakikisha waliofanya makosa hayo wanashikwa na kufikishwa mahakamani. Alitahadharisha kwamba hivi sasa Afghanistan imekabwa na vizingiti vikubwa aina kwa aina dhidi ya utu, na aliyataka makundi husika yote kutambua kwamba misaada ya kiutu inayopelekewa Afghanistan haina upendeleo, na hufadhiliwa kuhudumia idadi kubwa ya raia walio dhaifu wanaohitajia misaada ya kihali itakayowawezesha kuishi kikawaida.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter