Operesheni za awali za Polisi wa UNAMID zaanzishwa rasmi Darfur Kaskazini

5 Machi 2008

Ikiwa miongoni mwa juhudi za kuimarisha ushirikiano bora na hali ya kuaminiana, baina ya Umoja wa Mataifa pamoja na wenyeji na polisi katika Darfur, operesheni za kwanza za polisi wa Vikosi Mseto vya UM/UA kwa Darfur (UNAMID) zilianzishwa mapema wiki hii katika sehemu za Darfur ya Kaskazini kujenga imani. Eneo hili linasimamiwa na kundi la Mini Minawi, tawi la wanamgambo waasi wa SLA.

Kwa mujibu wa takwimu za Umoja wa Mataifa ofisa wa polisi 1,600 kutoka nchi wanachama 32 – wakijumuisha pia polisi wanawake 252 – hivi sasa wanatumikia Shirika la UNAMID katika Darfur.

 

♦ Kurambaza ukurasa mahsusi wa Siku ya Kiswahili Duniani bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter