Raia wa Chad waliokimbilia Cameroon wahamishwa tena kwenye kambi mpya

27 Februari 2008

Shirika la Umoja wa Mataifa juu ya huduma za Wahamiaji (UNHCR) limeripoti wahamiaji 5,500 waliokimbia mapigano mwanzo wa mwezi kutoka mji wa N’Djamena, Chad na ambao walikuwa wakiishi kwenye makazi ya muda kaskazini-mashariki ya Cameroon, hivi sasa wamepelekwa uhamishoni kwenye kambi mpya ziliopo kijiji cha Maltam, kitendo ambacho kinatazamiwa kurahisisha ugawaji wa misaada ya kihali kwa umma husika kutoka mashirika ya kimataifa.Kadhalika uhamisho huu utayawezesha mashirika yanayohusika na misaaada ya kiutu kuwapatia wahamiaji hawo hifadhi kinga. Jumla ya wahamiaji 30,000 wa Chad hivi sasa wanaishi kwenye maskani ya muda katika eneo la Cameroon kaskazini.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter