Ripoti ya mfumo wa vikosi vya amani kwa Darfur imekamilishwa

25 Mei 2007

KM Ban Ki-moon amemtumia Raisi wa Baraza la Usalama kwa mwezi Mei, Balozi Zalmay Khalilzad wa Marekani na vile vile Baraza la Usalama la Umoja wa Afrika (AU), ripoti yenye kuelezea, kwa ukamilifu, mfumo wa vikosi vya mseto vya AU na UM vinavyotazamiwa kupelekwa kwenye jimbo la Sudan magharibi la Darfur.

Kadhalika, Mwenyekiti wa Tume Kuu ya AU, Alpha Oumar Konare, baada ya kushauriana na KM wa UM Ban Ki-moon wameafikiana kumteua Jenerali Martin L. Agwai wa Nigeria kuwa Kamanda Mkuu wa Vikosi vya Ulinzi wa Amani vya AU Sudan (AMIS), kwa matarajio kuwa katika siku zijazo atachukua madaraka ya kuongoza, vile vile, Vikosi vya Mseto vya AU/UM kwa Darfur.

 

♦ Kupata takwimu za waathirika vitani Ukraine bofya  hapa.
♦ Iwapo ungependa kupokea taarifa kutoka UN News Kiswahili kila wakati zinapochapishwa jisajili  hapa.
♦ Pia unaweza kupakua apu ili kusikiliza matangazo yetu wakati wowote popote ulipo.
♦ Tembelea pia chaneli yetu ya Youtube na pia Soundcloud na Twitter