Taswira ya vita na amani Yemen

Hend ana umri wa miaka kumi, na anatumai siku moja kuwa daktari.

Hend (mwenye umri wa miaka 12): "Tulikuwa kwenye basi, barabara ilikuwa mbaya sana, kulikuwa na shambulio la bomu na tuliweza kusikia milio ya risasi. Maisha yangu yamebadilika. Nawakumbuka rafiki zangu. Hivi sasa kuna takribani wayemen milioni 30 na kati yao hao, milioni 20 wanahitaji msaada wa kibinadamu.

Hala ana umri wa miaka 11, ni binti wa kwanza kati ya watano kwenye familia yao ambayo imejikuta wakimbizi wa ndani kutokana na vita Yemen.

Hala, (mwenye umri wa miaka 11) "Nina wanasesere wangu wote Hudaydah. Gari na wanasesere. Ninapenda zaidi mwanasesere. Halikadhalika rafiki yangu Maryam. Ninafurahia sana ninapokwenda shuleni na kucheza.

Mama yake Maryam anasema, "tukila kifungua kinywa, hatuli mlo wa mchana. Na iwapo hatutakula milo yote basi tutakula mlo wa usiku."

Umoja wa Mataifa unasema Yemen inakabiliwa na baa la njaa mwaka huu wa 2021.

Angam, mwenye umr wa miaka saba, hawezi kwenda shuleni kwa sababu familia yake haina uwezo.

Angam (mwenye umri wa miaka 11) "Ilibidi tuondoke nyumbani Hudaydah kwa sababu ya vita. Risasi na vipande vya mabomu viliingia nyumbani kwetu, kwa hiyo tuliondoka."

Watoto milioni mbili nchini Yemen hawawezi kwenda shuleni.

Kamal ana umri wa miaka 35. Baba yake aliuawa nyumba yao iliposhambuliwa kwa bomu huko Hudaydah nchini Yemen.

Kamal (mwenye umri wa miaka 35) "Mwanangu wa kiume ana ugonjwa wa moyo. Matibabu yake hayapatikani hapa; nachukua dawa kutoka Hudaydah. Kitu ninachojivunia mwanangu ni kwamba ananifanya niendelee kuishi."

Zaidi ya asilimia 80 ya wilaya za Yemen zinahitaji msaada mkubwa wa huduma za afya.

Fatima ana umri wa miaka 45. Ni mama wa watoto 11, alikimbia nyumbani kwao miaka mitatu iliyopita kutokana na vita.

Fatima (mwenye umri wa miaka 45) "Tunahitaji kukodisha chumba, hatuwezi kuishi nje kwenye hema kwa sababu ya upepo na mvua kubwa. Tunaloa wakati mwingine na hii ni ngumu mno."

Nchini Yemen kuna takribani wakimbizi wa ndani milioni tatu.

Fathi Abbas, alianguka na kuumiza uti wa mgongo na sasa hawezi tena kufanya kazi.

Fathi (mwenye umri wa miaka 48): "Nina watoto watano na sasa sina kazi kwa sababu niliumia mgongo. Sijui la kufanya kumudu yote sasa."

Umoja wa Mataifa unasaka dola bilioni 3.85 kwa ajili ya msaada kibinadamu Yemen.

Tazama picha zaidi kuhusu taswira ya Yemen hapa.