Taarifa kuhusu Virusi vya Corona

Virusi vya Corona kama dharura ya afya ya umma:Taarifa za UN News Kiswahili

Mlipuko uliripotiwa mara ya kwanza Wuhan China Desemba 31, 2019

Ukurasa huu unaleta pamoja taarifa kuhusu muongozo kutoka kwa Shirika la afya la Umoja wa Mataifa, WHO na Umoja wa Mataifa kuhusu mlipuko wa sasa wa virusi vya corona au COVID-19, ambavyo viliripotiwa mara ya kwanza Wuhan, China mnamo Desemba 31, 2019. Tafadhali tembelea ukurasa huu kupata taarifa za kila siku. WHO inafanya kazi kwa karibu na wataalam wa kimataifa, serikali na wadau kupanua ujuzi wa kisayansi kuhusu virusi hivi vipya, kutokana na jinsi vinavyosambaa na athari zake na kutoa ushauri kwa nchi na watu, kuhusu hatua za kuchukua kwa ajili ya kulinda afya na kuzuia kuenea kwa mlipuko.

Mtoto akisoma kwa njia ya redio nchini Rwanda. Watoto wengine katika nchi nyingi zilizofunga shule ili kupambana na COVID-19, nao wanasoma kwa njia ya redio.

UNICEF/Habib Kanobana

Mwalimu aeleza changamoto za kiuchumi na kijamii kutokana na COVID-19, Uganda

1 Julai 2020

Makala

Elimu bora kwa wote ni miongoni mwa malengo ya maendeleo endelevu au SDGs, lengo ambalo limeingia mashakani kutokana na mlipuko wa COVID-19 kwani serikali nyingi zimelazimika kufunga taasisi za elimu zote kama njia za kuudhibiti. Tuelekee nchini Uganda ambako John Kibego amezungumza na Mwalimu Charles Okuta, mmoja wa walimu waliochaguliwa kutoa mafunzo kwa njia ya redio katika wilaya ya Bwikwe kwa msaada kutoka shirika la World Vision tawi la Bwikwe.

Familia ya raia wa Syria wakiwa katika kibaraza cha nyumba katika eneo la Bekaa nchini Lenano, siku kadhaa kabla ya kupatiwa makazi mapya Ufaransa.

IOM/Muse Mohammed

Mashirikisho na jumuiya 200 yaonesha mshikamano na waathirika wa COVID-19 wanaobaguliwa

1 Julai 2020

Haki za binadamu

Viongozi wa jumuiya za ughaibuni na mashirika ya kijamii kutoka kote duniani wamekuja pamoja kutuma ujumbe ulio bayana na wa mshikamano na watu wanaokabiliwa na vitendo vya chuki dhidi ya wageni, ubaguzi na hata ukatili kutokana na janga la corona au COVID-19 kwa mujibu wa shirika la Umoja wa Mataifa la uhamiaji IOM.

Wakuchi, jamii hii ya kuhamahama kutoka Afghanistan, mara nyingi hupata kipato chao kwa uchungaji wa mbuzi, kondoo na ngamia lakini mlipuko wa COVID-19 umekuwa mwiba kwao.

IFAD

Michoro na picha vyasaidia wakuchi kuelewa jinsi ya kujikinga na Corona

1 Julai 2020

Ukuaji wa Kiuchumi

Nchini Afghanistan, hatua za kuzuia watu kuchangamana kwa lengo la kuepusha kusambaa kwa ugonjwa wa virusi vya Corona, COVID-19, zimesababisha watu wapatao milioni 1.5 nchini humo kukabiliwa na njaa na ugumu wa maisha.