Habari Mpya

Takriban wanawake 10,000 wameuawa huko Gaza tangu kuzuka kwa vita miezi sita iliyopita na mtoto mmoja anajeruhiwa au kufariki dunia kila baada ya dakika 10, yameonya mashirika ya Umoja wa Mataifa hii leo huku kukiwa na ongezeko la ghasia katika Ukingo wa Magharibi na wasiwasi wa kuongezeka kwa mzozo wa kikanda kufuatia makombora ya Iran kushambulia Israeli.

Wakati Katibu Mkuu wa Umoja wa Mataifa António Guterres akirejelea ombi lake la hali ya kujizuia kwa kiwango cha juu zaidi Mashariki ya Kati kufuatia shambulio la ndege zisizo na rubani na kombora la Iran dhidi ya Israeli, wataalam huru wa haki za binadamu wamesema madai ya utumiaji wa kijasusi wa akili mbemba au bandia kwenye maeneo ya Gaza unaofanywa na jeshi la Israeli umesababisha athari zisizo na kifani kwa raia, nyumba na huduma.

Aissata Touré, mwenye umri wa miaka 16, ndio kwanza amejifungua mtoto wake wa kwanza. Mama huyu ambaye naye ni mtoto, alikuwa na matumaini ya kjifungulia karibu na kijiji chao cha Ngouma nchini Mali, lakini mhudumu wa afya alimshauri aende hospitali kutokana na uwezekano wa kupata tatizo wakati wa kujifungua. Ilikuwa safari yenye changamoto na gharama kubwa.

Leo Aprili 15, 2024 ni mwaka mmoja kamili tangu vita ya sasa nchini Sudan ilipoanza kutokana na mvutano mkali kati ya pande mbili za wanajeshi wanaohasimiana (Vikosi vya Msaada wa Haraka, RSF na Vikosi vya jeshi la Sudan, SAF katika nchi hiyo ya kaskazini mwa Afrika.

Hii leo katika makao makuu ya Umoja wa Mataifa hapa jijini New York Marekani, Jukwaa la Kudumu la Umoja wa Mataifa la watu wa asili limeanza rasmi na litadumu kwa muda wa wiki mbili likiwaleta pamoja zaidi ya washiriki 2000 wa jamii za asili kutoka kila pembe ya dunia kujadili masuala mbalimbali. 

Nigeria inapotimiza miaka 10 tangu tukio la utekwaji nyara la watoto wa kike 275 huko Chibok, kaskazini magharibi mwa taifa hilo, hadi sasa bado watoto 90 wamesalia mateka na nchi hiyo inasalia na kumbukumbu ya tukio linguine la wanafunzi wa shule kutekwa nyara jimboni Kaduna mwezi Machi mwaka huu, hali inayosababisha Umoja wa Mataifa kutoa wito mahsusi.

Baraza la Usalama la Umoja wa Mataifa limekutana kwa dharura leo Jumapili Aprili 14, saa kumi jioni saa za New York, Marekani kujadili hali ya Mashariki ya Kati kufuatia shambulio la Iran dhidi ya Israel.

Mustakabali wa nchi ya tatu kwa ukubwa barani Afrika unakabwa na vita, ndivyo anaanza Mratibu mkuu wa misaada na masuala ya dharura wa Umoja wa Mataifa Martin Griffiths katika mahojiano yaliyochapishwa Aprili13, 2024 na gazeti la kifaransa la Le Monde.

Msemaji wa Katibu Mkuu wa Umoja wa Mataifa usiku huu kwa saa za New York, Marekani ametoa taarifa ya tamko la Katibu Mkuu wa Umoja wa Mataifa kulaani vikali vikali shambulio kubwa lililotekelezwa na Iran leo Aprili 13 dhidi ya Israel.

Justin Brady, Mkuu wa ofisi ya Umoja wa Mataifa ya kuratibu misaada ya kibinadamu (OCHA) nchini Sudan amesema, "Leo, Sudan ni mojawapo ya majanga mabaya zaidi ya kibinadamu duniani. Nusu ya wakazi wa Sudan yaani watu milioni 25 wanahitaji msaada wa kibinadamu."