Habari Mpya

Wataalamu huru wa UN: “Hali ni mbaya Afghanistan kwenye masuala ya Haki za Binadamu”

Kundi la wataalamu huru wa haki za binadamu wa Umoja wa Mataifa limesema  jumuiya ya kimataifa lazima iongeze juhudi kubwa kuitaka mamlaka nchini Afghanistan kuzingatia kanuni za msingi za haki za binadamu.

Zaidi ya wahudumu wa kibinadamu 140 waliuawa mwaka jana, wengi wao wa kitaifa

Kuelekea siku ya usaidizi wa kibinadamu duniani tarehe 19 mwezi huu wa Agosti, Umoja wa Mataifa leo umesema kadri majanga yanavyozidi kuongezeka duniani maisha ya watoa misaada yako hatarini zaidi na kwamba mwaka jana pekee wa 2021 wahudumu zaidi ya 140 wa kiutu waliuawa duniani kote.

Baada ya zaidi ya nusu karne ya kutokuwa na utaifa, Washona wapiga kura kwa mara ya kwanza Kenya

Wakati raia wengine wa Kenya wakisubiri historia ya kumshuhudia Rais wa 5 wa nchi hiyo ya Afrika Mashariki, watu jamii ya Shona waliowasili Kenya mwanzoni mwa miaka ya 1960 wakitokea Zimbabwe wakieneza dini na wakiwa vijakazi wa waingereza hatimaye wameonja moja ya faida za uraia kwa kupiga kura kwa mara ya kwanza kwani tangu Kenya ilipopata uhuru mwaka 1963.

Vizazi vyote tuungane kuwasaidia vijana : Guterres

Ikiwa leo ni siku ya vijana duniani, Katibu Mkuu wa Umoja wa Mataifa Antonio Guterres ametoa wito kwa jamii kuwasaidia vijana kwa kuwekeza kwenye kuwapatia elimu na kuwajengea uwezo wa kiujuzi kupitia mikutano pamoja na kufanya mabadiliko katika mifumo ya elimu.

Mshikamano wa marika yote unawasaidia vijana kufikia malengo yao kwa haraka

Tarehe 12 mwezi Agosti kila mwaka ni siku ya vijana duniani, siku hii inakuja na ujumbe aina tofauti kila mwaka na mwaka huu vizazi vyote vinatakiwa kushirikiana na vijana ili kufanikisha kufikia Malengo ya Maendeleo Endelevu SDGs ifikapo mwaka 2030. 

Umoja wa Mataifa wasikitishwa na mauaji ya watoto katika ukanda wa Gaza

Kamishna Mkuu wa Haki za Kibinadamu wa Umoja wa Mataifa Michelle Bachelet leo ameelezea kusikitishwa kwake na idadi kubwa ya Wapalestina, wakiwemo watoto, waliouawa na kujeruhiwa katika ardhi ya Palestina inayokaliwa kwa mabavu mwaka huu, ikiwa ni pamoja na uhasama mkali unaoendelea kati ya Israel na makundi ya wapalestina wenye silaha huko Gaza mwishoni mwa juma lililopita.

Liberia yapiga hatua! Mtoto anaweza kuchukua uraia wa mama, UNHCR yapongeza

Shirika la Umoja wa Mataifa la kuhudumia wakimbizi, UNHCR limepongeza Liberia kwa marekebisho makubwa ya kisheria ambayo sasa yanawezesha mtoto kuchukua uraia wa mama tofauti na awali ambapo mtoto alilazimika kuchukua uraia wa baba pekee, moja ya sababu ya watu kutokuwa na utaifa.

Umoja wa Mataifa wataka kusitishwa mapigano karibu na kiwanda cha nyuklia nchini Ukriane

Katibu Mkuu wa Umoja wa Mataifa Antonio Guterres ameeleza kuwa na wasiwasi mkubwa kwa hali inayoendelea ya mapigano ndani na karibu na kiwanda cha nyuklia cha Zaporizhzhia kilichoko kusini mwa nchi ya Ukriane. 

Wakimbizi wa ndani nchini Somalia wafikia milioni moja

Shirika la Umoja wa Mataifa la kuhudumia wakimbizi, UNHCR nchini Somalia limesema kiwango cha ukame nchini humo sio cha kawaida na kwamba kimesababisha idadi ya watu waliosajiliwa kuwa wakimbizi wa ndani kutokana na ukame kufikia milioni Moja, idadi ambayo ni ya juu. 

Ajira kwa vijana duniani inasuasua; hali ngumu zaidi kwa vijana wa kike- ILO

Suala la vijana kupata ajira tena kujikwamua kutoka hali ngumu ya maisha baada ya janga la ugonjwa wa Corona au COVID-19 limeendelea kusuasua, imesema ripoti mpya ya shirika la Umoja wa Mataifa la kazi duniani, ILO iliyotolewa leo kuelekea siku ya vijana hapo kesho, ambapo shirika hilo linasema hali hiyo inathibitisha kuwa COVID-19 iliathiri zaidi vijana kuliko marika mengine, vijana wa kike wakiathirika zaidi.