Nchini Jordan shirika la kazi duniani, ILO limechukua hatua kurahisisha wakimbizi kutoka Syria wanaofanya kazi kwenye sekta ya kilimo na ujenzi wanapata vibali vya kazi kwa njia rahisi zaidi tofauti na sasa. 

Katibu Mkuu wa Umoja wa Mataifa Antonio Guterres amesema dunia hivi sasa iko katika hali ya taharuki na sintofahamu ikikabiliwa na mambo makubwa manne ambayo yanatishia mustakbali wa mamilioni ya watu na sayari yenyewe.

Kamishna Mkuu wa haki za binadamu wa Umoja wa Mataifa Michelle Bachelet amewasili Bunia, mji mkuu wa jimbo la Ituri nchini Jamhuri ya Kidemokrasia ya Congo, DRC leo asubuhi kwa saa za huko na kuwa na mazungumzo na Waziri wa Mambo ya haki za binadamu na wajumbe wa kamati ya usalama wa jimbo hilo ambalo hivi hivi karibuni limekuwa limegubikwa na changamoto za kiusalama kutokana na mapigano ya kati ya wahema na walendu.

Hatimaye mpango wa kujumuisha vikosi vya upinzani kwenye jeshi la Sudan Kusini umeanza kutekelezwa ikiwa ni katika kutekeleza makubaliano mapya ya amani yaliyotiwa saini mwezi Septemba mwaka 2018.