Wanawake

Naibu KM aonya "Afrika imepwelewa kutekeleza MDGs"

Naibu KM Asha-Rose Migiro aliwasilisha ripoti mpya ya UM kuhusu maendeleo katika utekelezaji wa Malengo ya Maendeleo ya Milenia (MDGs)katika mataifa ya Afrika yaliopo kusini ya Sahara. Alionya ya kuwa juhudi za kuyakamilisha malengo hayo kwa wakati ziko nyuma na zinazorota.

Mashirika ya UM yajumuika kukomesha utapiamlo Ethiopia

Shirika la WFP pamoja na Shirika la UM juu ya Mfuko wa Maendeleo kwa Watoto (UNICEF) yamenuia kuisaidia Ethiopia kukabili tatizo la kuviza na kudumaza kwa watoto, tatizo ambalo huchochewa na ukosefu wa lishe bora katika mwili. Mradi huo unatazamiwa kufadhiliwa kutoka msaada wa Kamisheni ya Ulaya (EC) ambayo itajumuika na WFP na UNICEF pamoja na Serekali ya Ethiopia kusaidia wale mama na watoto waliokabiliwa na hali duni kupata huduma za kuboresha lishe na, hatimaye, kuwaepusha vijana na tatizo la kudumaa na kukua na kimo kidogo.

Hapa na pale

Dktr Margaret Chan, Mkurugenzi Mkuu wa Shirika la Afya Duniani (WHO) alihimiza viongozi na wajumbe waliohudhuria kikao cha mwaka cha sita cha bodi linaloandaa sera na miradi ya afya ya kimataifa, kinachokutana hivi sasa Geneva, Uswiss kwamba kunatakikana hima kuu ya jumla kutoka kwao wote, kujenga kile alichokiita “urithi wa afya”, kadhia ambayo alitumai ikikamilishwa itasaidia kuaboresha siha za wanawake na afya ya umma wa Afrika, kwa ujumla; kwa sababu, Dktr Chan anaamini kidhati kuwa wanawake ni fungu muhimu la umma wa kimataifa, linaloongoza kwenye harakati kadha wa kadha za maendeleo ulimwenguni.

Msaada mpya kwa WFP kuashiria mwisho wa mgawo wa dharura Uganda

Shirika la UM juu ya Miradi ya Chakula Duniani (WFP) imepokea msaada wa yuro milioni 5 kutoka Ofisi ya Misaada ya Kiutu ya Kamisheni ya Ulaya (ECHO) pamoja na mchango ziada mwengineo ambao tuliarifiwa utatumiwa kugawa chakula kwa watu milioni 1.28 waliong\'olewa makwao nchini Uganda. Msaada huu utaipatia WFP fursa ya kurudisha posho kamili ya chakula kwa umma huo muhitaji ambao siku za nyuma walialzimika kupatiwa posho haba kwa sababu ya upungufu wa misaada ya kuendeleza shughuli hizo.

Hapa na pale

KM Ban Ki-moon aliwanasihi wajumbe wa kimataifa waliohudhuria Kikao cha Saba juu ua Demokrasia, Maendeleo na Biashara Huru, kilichofanyika Doha, Qatar kuhakikisha duru yao ya mazungumzo itawasilisha mafanikio ya kuridhisha, maana bila ya kuyafannya hayo, alionya, nchi masikini zitaporomoka zaidi kimaendeleo, hali ambayo anaamini itafumsha mitafaruku na kueneza hali ya wasiwasi kwenye mfumo mzima wa biashara katika soko la kimataifa.~

Uchambuzi wa Mjumbe wa Kenya juu ya kikao cha 51 cha CSW

Kamisheni ya UM juu ya Haki za Wanawake (CSW)ilikamilisha kikao cha mwaka cha wiki mbili hivi karibuni ambapo maelfu ya wajumbe wa kiserekali na mashirika ya kiraia walijumuika kuzungumzia taratibu za kuchukuliwa kipamoja, ili kuharakisha utekelezaji wa maazimio na mikataba iliopitishwa siku za nyuma iliokuwa na makusudio ya kuliziba pengo la tofauti za kijinsia.

Mijadala ya mwaka ya CSW inazingatia haki za wanawake na mabinti

Kamisheni ya Baraza Kuu juu ya Haki za Wanawake, au Kamisheni ya CSW, kabla ya kukamilisha kikao cha mwaka, kwa 2007, ilipitisha mswada wenye mapendekezo manne muhimu: awali, jumuiya ya kimataifa ilitakiwa kuwatekelezea wanawake wa Kifalastina haki halali za kimsingi; pili, watoto wa kike walitakiwa wapatiwe hifadhi bora dhidi ya VVU/UKIMWI; tatu, tabia ya kutahiri mabinti ikomeshwe, na mwishowe, kuhakikisha mila ya kuoza watoto wa kike wenye umri mdogo inasitishwa. Mapendekezo haya manne yanalingana na kiini cha mijadala ya kikao cha 51 cha Kamisheni ya CSW.

Fafanuzi za kikao cha 51 cha Kamisheni ya CSW kuhusu haki za wanawake

Kamisheni ya Baraza Kuu la UM juu ya Hadhi na Haki za Wanawake, au Kamisheni ya CSW, karibuni ilikutana kwenye Makao Makuu ya UM mjini New York, na kuzingatia utaratibu wa kuchukuliwa na nchi wanachama kuharakisha utekelezaji wa ile mikataba na miradi iliopitishwa na kuidhinishwa kimataifa, inayohusu haki za wanawake, ili kulipatia fungu hili la kijinsia ulinzi halali dhidi ya vitendo vya kibaguzi.~

Idadi ya Watu Duniani kuongezeka kwa bilioni 2.5 mwaka 2050

Mapema wiki hii, bibi Hania Zlotnik, Mkurugenzi wa Idara ya UM juu ya Udhibiti wa Muongezeko wa Idadi ya Watu Duniani alizungumza na waandishi habari kwenye Makao Makuu, na kuwasilisha ripoti mpya yenye matokeo ya utafiti kuhusu viashirio vya viwango vya uzazi duniani kwa miaka ijayo.

Sikukuu ya Wanawake wa Kimataifa

Tarehe 08 Machi kila mwaka huadhimishwa na walimwengu kuwa ni Sikukuu ya Wanawake wa Kimataifa. Hapa kwenye Makao Makuu ya UM, mjini New York, kulifanyika taadhima mbalimbali za kuiheshimu siku hiyo, zikijumuisha mikutano, warsha za wataalamu na tafrija aina kwa aina.