Wanawake

Bangladesh hakikisheni mnafanya uchaguzi huru na wa haki: UN

Kuelekea uchaguzi mkuu nchini Bangladesh unaotarajiwa kufanyika jumapili hii ya tarehe 30 mwezi huu wa Desemba, Katibu Mkuu wa Umoja wa Mataifa Antonio Guterres kupitia taarifa iliyotolewa hii leo mjini New York Marekani na msemaji wake, amewasihi wadau wote Bangladesh wahakikishe wanaweka mazingira yasiyo na vurugu, vitisho wala kulazimishwa, kabla, wakati na baada ya uchaguzi, ili kuwezesha uchaguzi wa amani, halali na unaohusisha watu wote.

Mzozo wa Yemen ni ‘mwiba’ kwa mama na mtoto

Mzozo nchini Yemen ukiwa umedumu kwa miaka minne sasa, wananchi wanaelezea vile ambavyo mazingira yamekuwa magumu kiasi kwamba hawawezi kukidhi mahitaji muhimu ya kila siku ikiwemo chakula.

Msichana mkimbizi aongoza kwa alama za juu KCPE kambini Dadaab Kenya

Maryan Mohamed, mkimbizi kutoka Somalia anayeishi kambini Daadab nchini Kenya ameongoza kwa kupata alama za juu kuliko wanafunzi wenzake kwenye mtihani wa kuhitimu elimu ya msingi, KCPE, kwa mwaka huu wa 2018. 

Tuzo ya Umoja wa Mataifa ni heshima kwangu na nchi yangu-Rebeca Gyumi

Leo washindi wa tuzo ya mwaka huu ya haki za binadamu ya Umoja wa Mataifa akiwemo Rebeca Gyumi kutoka Tanzania wanakabidhiwa tuzo hizo katika Makao Makuu ya Umoja wa Mataifa Mjini New York Marekani.

Mama Katarina ni mfano wa jinsi nishati endelevu inavyobadili maisha-FAO

Nchini Tanzania mradi mpya wa shirika la chakula na kilimo duniani, FAO wa kuzalisha umeme kwa kutumia samadi ya wanyama, umekuwa mkombozi kwa wafugaji wa ng’ombe ambao kwa muda mrefu wamejikuta kiwango kikubwa cha maziwa kinaharibika kutokana na ukosefu wa majokofu ya kuhifadhi.

Ndoa za utotoni bado zawanyemelea watoto wa kike Malawi- Ripoti

Nchini Malawi, licha ya mafanikio  yaliyopatikana katika kupunguza ndoa za utotoni kwa watoto wa kike, bado mtoto mmoja kati ya wanne anaozwa kabla ya kutimiza umri wa miaka 18.

Changamoto za maisha zilinisukuma kuwa mchechemuzi- Rebeca Gyumi mshindi wa tuzo ya haki za binadamu 2018!

Mshindi wa tuzo ya mwaka huu haki za binadamu ya Umoja wa Mataifa Rebeca Gyumi kutoka Tanzania ambaye mwezi huu wa desemba tarehe 18 atakabidhiwa tuzo hiyo amezungumzia kile kilichomsukuma kuwa mchechemuzi wa  haki hususan za watoto wa kike kwenye taifa lake hilo la Afrika Mashariki.

Elimu si karatasi, ni kuelimika

Makadirio ya shirika la kazi duniani ILO yaliyotolewa mwaka uliopita wa 2017, yalionesha kuwa upatikanaji wa ajira kwa vijana utaendelea kuzorota kwa  mwaka huu wa 2018 ambapo vijana milioni 71.1 sawa na asilimia 13.1 ya vijana wote kote duniani hawatakuwa na ajira. Miongoni mwa vijana hao wasiokuwa na fursa ya kupata ajira rasmi ni Situmai Simba msichana mwenye umri wa miaka 24 aliyeanzisha biashara ya uji, ambao kutokana na ubunifu, anamudu kupambana na hali hii ya ukosefu wa ajira kwa kubuni miradi mipya inayowaajiri wao na wenzao.

Wachunguzi wa haki za binadamu wamiminika Bentiu Sudan Kusini kuchuguza visa vya ubakaji.

Wachunguzi wa masuala ya haki za binadamu wanamiminika huko Bentiu  nchini Sudan Kusini kuchunguza madai ya visa vya kubakwa kwa wanawake na wasichana 150 kwa siku 10 mwishoni mwa mwezi uliopita.

Ubaguzi wa utaifa wapunguza idadi ya wafanyakazi wanawake wahamiaji

Shirika la kazi duniani ILO kupitia ripoti yake iliyotolewa leo  mjini Geneva Uswisi, linakadiria kuwa watu milioni 164 ni wafanyakazi wahamiaji , idadi hiyo ikiwa ni sawa na ongezeko la asilimia tisa tangu mwaka 2013 wakati idadi ilipokuwa watu milioni 150.