Ripoti mpya iliyotolewa na shirika la afya la Umoja wa Mataifa WHO inasema kiwango cha wanawake kujifungua kwa njia ya upasuaji kinaongezeka duniani kwa idadi inayoashiria taratibu zisizo za lazima za kiafya na zinazoweza kuletya madhara. Flora nducha amefuatilia ripoti hiyo na kuandaa taarifa hii
Uwekezaji wa fedha katika sayansi duniani kote yaliongezeka kwa asilimia 19 kati yam waka 2014 na 2018, sambamba na ongezeko la idadi ya wanasayansi ambalo ni kwa asilimia 12.7, imesema ripoti mpya ya shirika la Umoja wa Mataifa la Elimu, Sayansi na Utamaduni, UNESCO iliyozinduliwa leo huko Paris nchini Ufaransa.
Wajumbe wa Baraza la Usalama la Umoja wa Mataifa, wamepongeza uamuzi uliofikiwa Mei 27 2021, na viongozi wa nchi ya Somalia baada ya Waziri mkuu wa nchi hiyo Mohamed Hussein Roble kuitisha mkutano wa kutekeleza makubaliano waliyojiwekea September 17 juu ya kuwa na uchaguzi mkuu wa kihistoria.
Shirika La Umoja wa Mataifa la idadi ya watu duniani, UNFPA limeongeza idadi ya watendaji wake kwenye jimbo la Tigray nchini Ethiopia kwa lengo la kusaidia mamia ya maelfu ya wanawake na barubaru wa kike kupata huduma za dharura za afya na ulinzi.
Mshindi wa tuzo ya Umoja wa Mataifa ya mwanajeshi mwanaharakati wa masuala ya kijinsia kwa mwaka 2020 Meja Steplyne Nyaboga kutoka Kenya amesema wanawake walinda amani wako na jukumu muhimu katika ulinzi wa amani ni motisha kwa kila mwanamke mlinda amani kwamba ana uwezo wa kutekeleza majukumu yake licha ya mazingira magumu.
Ndoa za utotoni zimeendelea kuwaathiri wasichana wengi nchini Tanzania katika eneo la Afrika Mashariki, lakini kwa sasa juhudi mbalimbali zinazoungwa mkono na shirika la Umoja wa Mataifa la idadi ya watu duniani UNFPA zinatoa fursa kwa watoto na wbarubaru kupata msaada unaohitajika ili kuepuka mahusiano wasiyoyataka na yenye athari mbaya katika maisha yao.
Julian Omalla ambaye alitinga fainali za kinyang’anyiro cha tuzo ya wanawake wajasiriamali ilyoandaliwa na kamati ya Umoja wa Mataifa ya biashara na maendeleo, UNCTAD amekabidhiwa na serikali ya nchi yake Uganda mkopo nafuu wa dola milioni 10 ili ajenge kiwanda endelevu cha kutengeneza juisi.
Kuelekea siku ya wakunga duniani hapo kesho, Chama cha wakunga nchini Tanzania, TAMA kupitia kwa ufadhili wa shirika la Umoja wa Mataifa la idadi ya watu duniani, UNFPA, limeeleza kuwa litaitumia siku hiyo kujadili umuhimu wa kuwekeza kwa mkunga.
