Wanawake

UNICEF imeonya, watoto milioni 3 wa Pembe ya Afrika wanakabiliwa na utapiamlo hatari

Per Engebak, Mkurugenzi wa Shirika la UM juu ya Mfuko wa Maendeleo kwa Watoto (UNICEF) kwa ukanda wa Kusini mwa Afrika na Afrika Mashariki amenakiliwa akisema watoto karibu milioni 3 wanaoishi kwenye maeneo ya Pembe ya Afrika wanakabiliwa na hatari maututi ya utapiamlo mbaya na maradhi kadha wa kadha, kwa sababu ya kupungua kwa misaada inayofadhiliwa eneo hilo kutoka wahisani wa kimataifa.

Mkutano wa DPI/NGO Paris unazingatia biashara haramu ya watoto

Mkutano wa Idara ya Habari ya UM na mashirika yasio ya kiserikali unaofanyika Paris, Ufaransa katika siku ya pili ya majadiliano, Alkhamisi mashauriano yalilenga zaidi kwenye tatizo la biashara karaha ya watoto wadogo ambao hutekwa nyara na majambazi,na baadye huvushwa mipaka kutopka makwao na hutumiwa kwenye vitendo haramu vyenye kuwanyima watoto hao haki za kimsingi na utu wao. Mathalan, watoto hawa wenye umri mdogo hulazimishwa kufanya kazi zisiolingana na umri wao, na mar nyengine hushirikishwa kwenye vitendo karaha vya kuwafanya watoto hawa kuwa watumwa wa uzinzi. ~

Wajumbe wa Afrika wanashirikiana na UM Addis Ababa kuzingatia maendeleo ya wanawake

Darzeni za wataalamu wa kutoka Wizara za Masuala ya Kijinsia na Maendeleo ya Wanawake wakijumuika pamoja na wawakilishi wa makundi ya kieneo na kutoka mashirika ya UM, na vile vile waandishi habari, wamekusanyika hii leo Addis Ababa, Ethiopia kuhudhuria mkutano wa siku mbili, ulioandaliwa bia na UM/UA, kusailia maendeleo ya wanawake, kijumla, na usawa wa kijinsia katika bara la Afrika. Majadiliano haya yatalenga zaidi juuya utekelezaji wa Sera za Kijinsiya za UA, mradi ambao unahitajia kutekelezwa na mataifa husika kuendeleza usawa wa kijinsiya na maendeleo ya wanawake Afrika.~~~

Mahojiano na mwanaharakati anayepambana na UKIMWI kutoka Kenya

Hivi karibuni kulifanyika kikao maalumu kwenye Makao Makuu mjini New York kuzingatia masuala ya UKIMWI. Miongoni mwa wajumbe waliopata fursa ya kuhudhuria kikao hiki, kutokea Afrika Kusini, alikuwemo mwalimu wa skuli ya praimari katika Kenya, Jemima Nindo.

WHO inahimiza mama wazazi wanyonyeshe watoto wachanga kuwanusuru na maradhi ya utotoni

Kuanzia tarehe mosi hadi 7 Agosti nchi 120 ziada zitashiriki kwenye kampeni maalumu ya kuhamasisha mama wazazi wa kimataifa kunyonyesha watoto, hasa katika miezi sita ya kwanza baada ya kuzaliwa, kipindi ambacho imethibitika maziwa ya mama humsaidia kumpatia mtoto kinga na afya bora dhidi ya maambukizo maututi ya maradhi ya utotoni kama ugonjwa wa kupumua na kuharisha. Kampeni hii imeandaliwa na Shirika la Umoja wa Dunia Kuendeleza Unyonyeshaji (WABA). Miongoni mwa mashirika yanayojihusisha na huduma hii ni pamoja na Shirika la Afya Duniani (WHO) na pia Shirika la Mfuko wa Maendeleo kwa Watoto (UNICEF) wakijumuika na wadau wengine wa kimataifa.

UNICEF inasema kunyonyesha watoto kunafaidisha afya

Shirika la UM juu ya Mfuko wa Maendeleo kwa Watoto (UNICEF) likijumuika na Shirika la Afya Duniani (WHO) na pia Umoja wa WABA ambao huendeleza miradi ya kimataifa ya unyonyeshaji, wametoa mwito wa pamoja unaopendekeza kuongezwe misaada ya miradi ya kuwahimiza akina mama wazazi wa kimataifa kunyonyesha watoto wao ili kuwakinga watoto wachanga na maambukizo ya magonjwa hatari na maututi ya kitoto.

Mawaziri wa Maziwa Makuu wamekusanyika Kinshasa kuzingatia taasisi ya haki za wanawake

Mawaziri wanaohusika na haki za wanawake kutoka mataifa 11 ya Maziwa Makuu katika Afrika wameanza, Alkhamisi (24/07/08) mijadala ya siku mbili kwenye mji wa Kinshasa, katika Jamhuti ta Kideomkrasi ya Kongo (JKK) kuzingatia hatua za kuchukuliwa kipamoja kuanzisha taasisi mpya ya kikanda itakayoendeleza utafiti juu ya haki za kijinsiya na kushughulikia huduma za kuhifadhi nyaraka zinazoambatana na kadhia hiyo.

Siku ya Kudhibiti Idadi ya Watu Duniani

Tarehe 11 Julai huadhimishwa kila mwaka na UM kuwa ni Siku ya Kudhibiti Idadi ya Watu Duniani. Risala ya KM Ban Ki-moon pamoja na Thoraya Ahmed Obaid, Mkurugenzi wa Shirika la UM juu ya Mfuko wa Kudhibiti Mifumko yaIdadi ya Watu (UNFPA) kuadhimisha siku hiyo imekumbusha tena kwamba lengo la 5 la MDGs la kupunguza vifo vya uzazi limezorota duniani na lipo nyuma ya maendeleo yote mengine ya milenia na linahitajia kurekibishwa haraka ili uzazi wa majira udhibitiwe vyema na kunusuru maisha ya mama na watoto kwenye nchi masikini. ~ ~~

Kikao cha CEDAW chazingatia haki za wanawake Tanzania

Wawakilishi kadha wa kimataifa walikusanyika kwenye Makao Makuu ya UM kuanzia tarehe 30 Juni kuhudhuria kikao cha mwaka cha Kamati ya Kuondosha Ubaguzi Dhidi ya Wanawake (CEDAW), kwa madhumuni ya kufanya mapitio juu ya namna Mataifa Wanachama yalioridhia Mkataba wa CEDAW yanavyowatekelezea wanawake haki zao. Miongoni mwa Mataifa manane yaliowakilisha ripoti za mapitio mbele ya Kamati mwaka huu, kwenye kikao cha 41, ilijumuisha pia Jamhuri ya Muungano wa Tanzania.

UNHCR inafuatilia kwa makini sera ya EU juu ya haki za wahamiaji

Shirika la UM juu ya Huduma za Wahamiaji (UNHCR) limetangaza kuwa linafuatilia kwa uangalizi mkubwa kabisa majadiliano ya wanachama wa Umoja wa Ulaya (EU) kuhusu mswada wa Maafikiano ya Ulaya juu ya Hifadhi ya Kisiasa na Wahamiaji. Jennifer Pagonis, Msemaji wa UNHCR, alitupatia dokezo kuhusu mswada huo alipozungumza na waandishi habari Ijumanne mjini Geneva.~~