Wanawake

UNICEF ina wahka na usalama wa watoto katika eneo la mashariki la JKK

Shirika la UNICEF limeripoti kukithirisha huduma za kugawa maji safi ya kunywa pamoja na vifaa vya kusafishia maji katika sehemu za JKK, kwa lengo la kuhakikisha umma muathiriwa unapatiwa kinga ziada dhidi ya hatari ya kufumka kipindupindu.

Uhamisho wa mara kwa mara wadhuru afya ya watoto na wanawake, yahadharisha UNICEF

Shirika la UM juu ya Mfuko wa Maendeleo kwa Watoto (UNICEF) limeeleza ya kuwa uhamisho wa mara kwa mara unadhuru sana kihali na kiakili watoto na wanawake – hali ambayo mara nyingi huchochea hatari ya kufumka maradhi ya kipindupindu na shurua, pamoja na ongezeko la utapiamlo mbaya miongoni mwa watoto.

Mahojiano na M.Shirika, mwaathiriwa wa kunajisiwa kimabavu JKK

Mnamo mwezi Septemba Shirika la UM juu ya Mfuko wa Maendeleo kwa Watoto (UNICEF), kwa ushirikiano na wanaharakati wa Marekani wanaogombania haki za wanawake wa jumuiya isiyo ya kiserikali inayoitwa V-Day, walitayarisha warsha maalumu katika majimbo ya Bukavu na Goma katika Jamhuri ya Kidemokrasi ya Kongo (JKK) ziliopewa mada isemayo “Wanawake Wavunja Ukimya na Miko ya Kijadi” – tukio ambalo, kwa mara ya kwanza, kihistoria, wale wanawake walionusurika na ajali ovu ya kunajisiwa kimabavu, walipata fursa ya kuelezea mateso yao hayo hadharani. Kitendo hiki kilitaka ujasiri mkubwa, na lengo hasa lilikuwa ni kuwasaidia waathiriwa kuyapunga yale marohani yaliowasumbua kiakili ili waweze kupiga hatua ya kusonga mbele kimaisha.

Mahojiano na L. Sinai, mwaathiriwa wa pili wa mateso ya kijinsiya katika JKK

Mnamo mwezi Septemba Shirika la UM juu ya Mfuko wa Maendeleo kwa Watoto (UNICEF), kwa ushirikiano na wanaharakati wa Marekani wanaogombania haki za wanawake wa jumuiya isiyo ya kiserikali inayoitwa V-Day, walitayarisha warsha maalumu katika majimbo ya Bukavu na Goma katika Jamhuri ya Kidemokrasi ya Kongo (JKK) ziliopewa mada isemayo “Wanawake Wavunja Ukimya na Miko ya Kijadi” – tukio ambalo, kwa mara ya kwanza, kihistoria, wale wanawake walionusurika na ajali ovu ya kunajisiwa kimabavu, walipata fursa ya kuelezea mateso yao hayo hadharani. Kitendo hiki kilitaka ujasiri mkubwa, na lengo hasa lilikuwa ni kuwasaidia waathiriwa kuyapunga yale marohani yaliowasumbua kiakili ili waweze kupiga hatua ya kusonga mbele kimaisha.~

'Vifo vya uzazi katika nchi maskini ni msiba usiostahamilika' imehadharisha UNICEF

Shirika la UM juu ya Mfuko wa Maendeleo kwa Watoto (UNICEF) umetoa ripoti juu ya vifo vya uzazi ambavyo hukutikana zaidi miongoni mwa mama waja wazito katika mataifa yanayoendelea. Ripoti iliopewa mada isemayo “Maendeleo ya Watoto: Fafanuzi juu ya Udhibiti wa Vifo vya Uzazi” ilibainisha kwamba asilimia 99 ya vifo vya uzazi hutukia zaidi katika nchi zinazoendelea, na kati ya idadi hiyo asilimia 84 humakinikia kwenye zile nchi ziliopo kusini ya Sahara na Asia ya Kusini. Mkuu wa Afya wa UNICEF, Dktr Peter Salama aliwaambia waandishi habari Geneva umuhimu wa ripoti.

UNIFEM inasema serikali na mashirika ya kimataifa yanawajibika kukamilisha ahadi za MDGs

Shirika la UM juu ya Mfuko wa Maendeleo kwa Wanawake (UNIFEM) kwenye ripoti iliowakilishwa rasmi kwenye Makao Makuu ya UM Alkhamisi ya leo, ilieleza kwamba usawa wa kijinsia hauwezi kukamilishwa kama ilivyopendekezwa na Malengo ya Maendeleo ya Milenia (MDGs) bila ya kuwepo uwajibikaji wa nguvu utakaosaidia kukamilisha ahadi zilizotolewa kusukuma mbele maendeleo ya wanawake.

Waathiriwa walionajisiwa kimabavu JKK wavunja ukimya wa mateso yao hadharani

Shirika la UM juu ya Mfuko wa Maendeleo kwa Watoto (UNICEF) likijumuika na kundi la wanaharakati wa Marekani wanaogombania haki za wanawake, wa kutoka Jumuiya ijulikanayo kama V-Day, wametayarisha warsha mbili muhimu katika miji ya Goma na Bukavu, ikiwa miongoni mwa kampeni za pamoja kukabiliana na matatizo ya udhalilishaji wa kijinsia katika JKK ambapo, mara nyingi wanawake hukamatwa kimabavu na kunajisiwa.

Vifo vya watoto wachanga vinateremka duniani, UNICEF inasisitiza

UNICEF imewasilisha ripoti mpya wiki hii yenye yenye takwimu zenye kuonyesha maendeleo kwenye juhudi za kimataifa katika kupunguza vifo vya watoto wachanga kwenye mataifa yanayoendelea, kwa kulingana na lengo la nne la Malengo ya Mandeleo ya Milenia (MDGs). Miranda Elles, Msemaji wa UNICEF aliwaambia waandishi habari Geneva kwamba katika 2007 utafiti wa UM umethibitisha kuteremka kwa kima cha kutia moyo kwa vifo vya watoto wachanga duniani.

Tathmini ya haki za wanawake Tanzania, kwa kulingana na CEDAW

Kamati ya UM ya Kuondosha Ubaguzi dhidi ya Wanawake (CEDAW) kwenye kikao chake cha 41 mwaka huu ilisikiliza ripoti iliowakilishwa na Serikali ya Muungano wa Tanzania, kuhusu utekelezaji wa haki za wanawake katika taifa hilo. Kamati ya CEDAW, ni bodi la wataalamu liliobuniwa 1982, na linawakilishwa na wataalamuwa masuala ya haki za wanawake 23 kutoka sehemu mbalimbali za dunia.

Coomaraswamy anasihi hifadhi bora kwa watoto walionaswa kwenye mazingira ya uhasama

Mjumbe Maalumu wa KM juu ya Hifadhi ya Mtoto katika Mazingira ya Vita na Mapigano, Radhika Coomaraswamy Ijumanne alihutubia Baraza la Haki za Binadamu linalokutana mjini Geneva, ambapo alikumbusha watoto karibu 300,000 walilazimishwa kujiunga, kama wapiganaji, na makundi kadha ya wanamgambo yanayoshiriki kwenye vurugu na uhasama katika sehemu kadha wa kadha za dunia.