Wanawake

Watoto wanadai haki zao

Hivi majuzi, Baraza Kuu la UM lilifanyisha kikao makhsusi cha siku tatu, kilichokuwa na lengo la kufuatilia utekelezaji wa nchi wanachama wa zile ahadi zilizopendekezwa mwaka 2002 kwenye mkutano mkuu wa UM, ambapo kulipitishwa ‘mpango wa utendaji’ wa kujenga mazingira salama yatakayotunza haki na maisha bora kwa watoto wote, pote ulimwenguni. Mpango huo ulipewa muktadha usemao “Ulimwengu Unaostahili Kuishi Watoto kwa Utulivu na Amani.”

Wanafunzi wa Kenya kutuma kadi za kufarijia walinzi wa amani wananchi

Shirika la UM juu ya Mfuko wa Maendeleo kwa Watoto (UNICEF) limeripoti kwamba wanafunzi wa skuli kadha za Kenya, hivi karibuni waliwatumia wanajeshi wananchi 1,100 ziada, wanaoshiriki sasa kwenye operesheni nane za ulinzi wa amani za UM kadi za Noeli na Mwaka Mpya 2000, ikiwa miongoni mwa juhudi za kuwatoa kwenye upweke na kuwaliwaza ili nawo washereheke kama inavyotakiwa Siku Kuu za mwisho wa mwaka.

UM yanuia kukomesha karaha ya utumiaji mabavu dhidi ya wanawake

KM wa UM Ban Ki-moon aliwasilisha risala maalumu, na muhimu, kwenye taadhima za kuiheshimu Siku ya Kimataifa ya Kukomesha Utumiaji Mabavu dhidi ya Wanawake. Jumuiya ya Kimataifa iliafikiana kuitambua tarehe 25 Novemba, kila mwaka, kuwa ni siku kuuzindua umma wa dunia juu ya jukumu kuu, na tukufu, la kupiga vita, kipamoja, vitendo karaha vya kutumia mabavu na nguvu dhidi ya watoto wa kike na wanawake.

Juhudi za kupunguza vifo vya watoto wadogo na mama wazazi katika mataifa yanayoendelea

UNFPA ni shirika la UM linalohusika na udhibiti bora wa idadi ya watu duniani. Mchango wa UNFPA katika kuyasaidia mataifa kuchunga afya ya jamii ni mkubwa sana, hususan katika mataifa yanayoendelea.

Hapa na pale

KM Ban Ki-moon ameihimiza Pakistan kuwatoa vizuizini wafungwa wote wapinzani waliotiwa ndani majuzi, akiwemo pia Asma Jahangir, mtaalamu anayehusika na haki za uhuru wa kidini na kiitikadi; na pia KM alipendekeza kwa wenye madaraka Pakistan kuchukua hatua za haraka kurudisha tena utawala halali wa kidemokrasia nchini.

Hapa na pale

Rachel Mayanja, Mshauri Maalumu wa KM kuhusu Masuala ya Kijinsia na Maendeleo ya Wanawake amependekeza kwa jamii ya kimataifa kubuniwe kanuni za kukabiliana na vitendo haramu vya kutumia mabavu na kujamii kwa nguvu wanawake kwenye mazingira ya vita, na alitaka vitendo hivi vitafsiriwe kama uvunjaji sheria wa kiwango cha juu wenye kuvuka mipaka ya maadili ya kiutu.~

Migiro atoa mwito wa kukithirisha uekezaji dhidi ya vifo vya uzazi

Naibu KM Asha-Rose Migiro aliwaambia wajumbe waliohudhuria mkutano wa London kuhusu haki za wanawake na afya bora ya kuwa wakati umeshawadia kwa walimwengu kutimiza ahadi ya kuekeza mitaji ya maendeleo katika huduma za kustawisha afya na hali njema kwa wanawake kote duniani, ikijumuisha pia udhibiti wa vifo vya uzazi. Alionya Naibu KM kwamba bila ya kuyafanya haya mataifa yote, kote duniani, hayatofanikiwa abadan kujiepusha na athari za umasikini na hali duni.

Juhudi za Kimataifa za kupiga marufuku mila ya kukeketwa wasichana kote duniani

Watalamu kutoka sehemu mbali mbali za dunia pamoja na wajumbe wa mashirika ya Umoja wa Mataifa, makundi ya kidini, mashirika yasiyo ya kiserekali, maafisa wa idara za usalama na wa serekali, walikutana mjini Addis Abeba mapama mwezi wa Agosti kutathmini na kujadili njia za kukomesha kabisa mila ya kukeketa wasichana.

Utumizi wa musiki katika kuhamasisha watu juu ya masuala ya kijamii

Mwaka 1954 Shirika la Watoto la Umoja wa Mataifa, UNICEF lilianza kuomba msaada wa watu mashuhuri hasa wasani, waimbaji na wachezaji michezo tofauti kutumia uwezo na umashuhuri wao kuhamasisha watu juu ya haki za watoto na masuala mengine yanayo husiana na watoto. Mtu wa kwanza alikua Danny Kaye aliyekua mtumbuizaji na msani mashuhiri sana aliyefariki 1987 akiwa balozi wa nia njema wa UNICEF.

Katibu Mkuu ameitisha mkutano wa aina ya pekee kuimarisha maendeleo Afrika

Ripoti ya mwezi Juni (2007) ya Shirika la UM juu ya Miradi ya Maendeleo (UNDP) ilibainisha mataifa ya Afrika yaliopo kusini ya Sahara bado yamepwelewa sana kwenye juhudi za maendeleo, kwa ujumla, na hakuna dalili haya yatafanikiwa kuyakamilisha, kwa wakati, yale Malengo ya Maendeleo ya Milenia (MDGs) ya kupunguza kwa nusu, kabla ya 2015, umasikini, njaa, maradhi na kutojua kusoma na kuandika.