Wanawake

Kituo cha UN Women ni matumaini kwa wanawake wanaokimbia ukatili wa kijinsia Ethiopia

Ukatili dhidi ya wanawake ni changamoto kubwa nchini Ethiopia na ili kuwanusuru wanawake na wasichana ambao maisha yao yameathirika na ukatili wa kingono, Shirika la Umoja wa Mataifa linalohusika na maswala ya wanawake, UN Women kwa ushirikiano na serikali ya Denmark wameanzisha kituo salama kwa ajili ya wanawake wanaokabiliwa na ukatili wa kijinsia.

Mila na desturi Kilimanjaro bado ni kikwazo cha haki ya mwanamke:Minde

Mila na desturi zimeendelea kuwa mtihani mkumu katika juhudi za ukombozi wa mwanamke katika kupata haki na sheria  sehemu mbalimbali duniani ikiwemo mkoani Kilimanjaro nchini Tanzania, kwa nini? .

Wanawake kutokuwa na sauti kunachochea ndoa za utotoni na ukeketaji Kajiado, Kenya- Bi. Parit

Mkutano wa kamisheni ya hali ya wanawake kikao cha 63 unaendelea hapa New York, Marekani ambapo vikao mbali mbali vinafanyika katika kupaza sauti za wanawake na kujadili changamoto wanazokabiliana nazo lakini pia jinsi ya kuzitatua.

Mchango wa wanawake katika amani ya kudumu Kenya ni dhahiri-Embrace

Mkutano wa 63 wa kamisheni ya hali ya wanawake duniani, CSW63 umeingia siku ya sita hii leo Jumatatu kwenye makao makuu ya Umoja wa Mataifa jijini New York, Marekani ambako kunafanyika mikutano kando ikiratibiwa na nchi wanachama ili kuonyesha kwa kina kile inachofanya mashinani kumnasua mwanamke.

Tanzania na mbinu bunifu za kuboresha huduma za afya kwa wanawake na watoto

Ni mkutano ambao umewaleta pamoja takribani washiriki 9000 kutoka nchi 193 wanachama wa Umoja wa Mataifa. Kuanzia nchi za kipato cha juu, kati na cha chini ili kila mmoja apate kujifunza kutoka kwa mwingine. Na katika tukio lililoandaliwa na Tanzania kandoni mwa mkutano huo ndipo Dkt Ellen Mkondya Senkoro, Afisa Mtendaji Mkuu wa taasisi ya Benjamin Mkapa na Wakili Haika Harrison Ngowi wa shirika la Save the Children katika mahojiano haya na Arnold Kayanda wameieleza UN News Kiswahili kile ambacho wamekuja kubadilishana na wenzao wa mataifa mengine. 

Ushiriki wa wanawake katika maamuzi ya ngazi zote za serikali umeiweka pazuri Rwanda.

Wawakilishi wa Rwanda kwenye mkutano wa unaotathmini hali ya wanawake unaoendelea mjini New York, Marekani wamesema tangu wanawake walipoanza kushirikishwa moja kwa moja katika shughuli za serikali, Rwanda imepiga hatua kubwa katika nyanja zote. 

Kenya tuna mikakati kabambe ya kumkomboa mwanamke:Waziri Yatani

Kamisheni ya hali ya wanawake CSW kando na mambo mengine inatoa fursa kwa nchi kujitathmini hatua ambazo imepiga katika kufanukisha usawa wa kijinsia katika nyanja mbali mbali. 

Bila ushiriki wa wanawake hatutakuwa na Tanzania ya viwanda:waziri Mwalimu

Serikali ya Tanzania imesema bila ushiriki kamilifu wa wanawake haitoweza kutimiza azma ya kuwa na maendeleo ya viwanda itakayoleta tija kwa wote.

Kauli hiyo imetolewa na waziri wa afya maendeleo ya jamii wazee na watoto wa nchi hiyo Ummy Mwalimu akizungumza na Flora Nducha wa UN News kandoni mwa mkutano wa kamisheni ya hali ya wanawake duniani kikao cha 63 kinachoendelea kwenye mako makuu ya Umoja wa Mataifa jijini New York Marekani na kuongeza kuwa na huo ndio ujumbe wao pia kwenye mkutano huu

(MAHOJIANO NA UMMIE MWALIM)

Lazima tukaze mkanda asilimia 7 tu ya wanawake ndio viongozi wa nchi:UN

Usawa wa kijinsia bado ni changamoto kubwa duniani na ni jukumu la kila mtu kuhakikisha wanawake wanapata fursa na usawa unaostahili kwa vitendo amesema Katibu Mkuu wa Umoja wa Mataifa wakati wa ufunguzi wa kikao cha 63 cha kamisheni ya hali ya wanawake duniani kilichoanza leo.

Wanawake Afrika Mashariki na namna wanavyoleta mbadiliko katika jamii

Dunia ikiadhimisha siku ya wanawake duniani masuala mengi yameangaziwa, ikiwemo umuhimu wa kumwezesha mwanamke lakini suala ambalo ni la msingi na wakati mwingine halimulikwi ni mchango wa wanawake wenyewe katika kujikwamua na hata kuikwamua jamii kupitia shughuli wanazozifanya.