Masuala ya UM

Mnigeria Tijjan Muhammad-Bande ateuliwa kuongoza mkutano wa 74 wa Baraza Kuu la Umoja wa Mataifa

Baraza Kuu la Umoja wa Mataifa, leo limemchagua mwanadiplomasia na mwanazuoni kutoka Nigeria Tijjani Mohammad Bande kuwa rais wa mkutano wa 74 wa baraza hilo utakaoanza mwezi Septemba mwaka  huu hadi Septemba mwakani.

Idadi kubwa ya wanawake hawana sauti ya maamuzi kuhusu miili yao-UNFPA

Haki za afya ya uzazi na chaguo ni jambo la uhalisi kwa wanawake wengi hivi sasa kuliko wakati mwingine wowote, imesema ripoti mpya ya shirika la umoja wa mataifa la idadi ya watu, UNFPA kuhusu hali ya idadi ya watu duniani mwaka 2019 iliyotolewa leo Jumatano.

Ajabu wanawake 5 watwanga mtama kwa mlo mmoja, tubadilike- FAO

Katika kuadhimisha siku ya wanawake duniani hii leo, shirika la chakula na kilimo duniani, FAO limesema kuwekeza kwa wanawake na wasichana ni hatua mujarabu katika kutokomeza njaa ifikapo mwaka 2030. 

Hatuwezi kutothamini mchango wa nusu ya watu duniani :Guterres

Katika kuadhimisha siku ya wanawake duniani ambayo kila mwaka huwa Mach inane wito umetolewa kuhakikisha uwezeshaji wanawake na usawa jinsia vitu ambavyo ni muhimu kwa maendeleo ya dunia. Wito huo umetolewa na viongozi mbalimbali wanawake kwenye Umoja wa Mataifa lakini pia Katibu Mkuu Antonio Guterres. Kaulimbiu ya mwaka huu ikiwa ni “fikra sawa, jenga kwa ufanisi na kuwa mbunifu kwa mabadiliko 

Redio bado ni chombo chenye nguvu-Antonio Guterres

Jumatano hii, kama ilivyo ada kila mwaka Februari 13, dunia inaadhimisha siku ya redio duniani ujumbe ukiwa majadiliano, uvumilivu na amani ambapo Katibu Mkuu wa Umoja wa Mataifa Antonio Guterres kupitia ujumbe wake kwa ulimwengu kuhusu siku hii amesema redio ni chombo chenye nguvu. 

Mchango wa wanawake na wasichana katika sayansi ni muhimu sana:Guterres

Ujuzi katika sayansi, teknolojia, uhandisi na hisabati unachagiza ubunifu na ni muhimu katika kufikia malengo ya maendeleo endelevu, SDGs amesema Katibu Mkuu wa Umoja wa Mataifa Antonio Guterres hii leo katika kuadhimisha siku ya kimataifa ya wanawake na wasichana katika sayansi.

UNHCR yaomba radhi kwa Tanzania kutokana na sakata la nguo za msaada kwa wakimbizi zilizofanana na sare za kijeshi.

Kamishna Mkuu wa shirika la Umoja wa Mataifa la kuhudumia wakimbizi, UNHCR, Filipo Grandi akiwa ziarani nchini Tanzania  amesema Tanzania kwa muda mrefu imekuwa ni karimu hususan kwa wakimbizi ambao wanakimbia machafuko na rais wake John Magufuli amerejelea kuwa ukarimu huo hautafika mwisho.

 

Changamoto za sasa duniani ni za pamoja lakini utatuzi “segemnege”-  Guterres

Jukwaa la uchumi duniani likiendelea huko Davos nchini Uswisi, Katibu Mkuu wa Umoja wa Mataifa Antonio Guterres ameweka bayana changamoto zinazokabili dunia hivi sasa akisema jawabu muhimu ni ushirikiano wa kimataifa ambao chombo anachoongoza ndio msingi wake. Assumpta Massoi na taarifa zaidi. 

Tuhakikishe watu ni msingi wa kila jambo tunalofanya 2019- Guterres

Katibu Mkuu wa Umoja wa Mataifa Antonio Guterres ametaja maeneo matatu ya utekelezaji kwa mwaka huu wa 2019. 

Dau lilitengenezwa kwa mabaki ya taka za plastiki litasafiri kati ya miji mikongwe ya Afrika Mashariki.

Dau la kijadi lililotengenezwa na taka za plastiki zilizookotwa pwani ya Kenya na miji mbalimbali litaanza safari yake ya kwanza tarehe 24 mwezi huu kutoka mji mkongwe wa Lamu nchini Kenya hadi mji mkongwe huko Zanzibar nchini Tanzania tarehe 7 mwezi ujao, ikiwa ni safari ya umbali wa kilometa 500.