Masuala ya UM

KM akariri mwito wa kuimarisha ushirikiano na Afrika, na kusifu mchango wa Ufaransa katika Afrika

Alkhamisi Mshauri wa KM juu ya Masuala ya Kisiasa, Tuliameni Kalomoh aliwasilisha risala maalumu ya KM Ban Ki-moon kwenye Mkutano Mkuu wa siku tano juu ya hatua za kuimarisha uhusiano kati ya Afrika na Ufaransa uliofanyika kwenye mji wa Cannes, Ufaransa. Viongozi wa kutoka mataifa kadha ya Afrika pamoja na Ufaransa walihudhuria mkusanyiko huo.

KM Ban Ki-moon ameliarifu Baraza la Usalama juu ya ziara yake Afrika

Mapema wiki hii KM Ban Ki-moon alikutana na wajumbe wa Baraza la Usalama, kwenye kikao cha faragha, na walizingatia matokeo ya mazungumzo aliyokuwa nayo KM na viongozi wa Umoja wa Nchi Huru za Afrika (AU) walipokutana kwenye pambizo za Mkutano Mkuu uliofanyika karibuni katika mji wa Addis Ababa, Ethiopia.

Naibu KM mpya aahidi usimamizi wa kazi za UM kwa nidhamu za fungamano

Ijumatatu, Februari 05 (2007) Asha-Rose Migiro, aliyekuwa Waziri wa Mambo ya Nje na Maendeleo wa Tanzania aliapishwa rasmi kuwa Naibu KM mpya wa UM. Baada ya Bi Migiro kuapishwa na kutia sahihi waraka za UM alijulishwa na KM Ban Ki-moon na waandishi habari wa kimataifa waliopo Makao Makuu ya Umoja wa Mataifa. Naibu KM Migiro aliwaambia wanahabari hawo kwamba atajitahidi kama awezavyo kuziongoza kazi za UM kwa nidhamu iliyoungana, na kwa taratibu zinazoeleweka kwa masilahi na natija za taasisi hii pekee ya kimataifa.

Juhudi za kimataifa za kuboresha maisha kwa wakazi wa mitaa ya mabanda Afrika Mashariki (Sehemu ya Kwanza)

Hivi karibuni, aliyekuwa mwandishi habari wa Idhaa ya Redio ya UM, Michele Montas alizuru Kenya kuangalia namna mashirika wenzi na UM yanavyoendeleza huduma za kupunguza umasikini, hasa miongoni mwa ule umma wenye kuishi kwenye mazingira ya hali duni.

Katibu Mkuu ziarani Ulaya na Afrika

KM Ban Ki-moon alianza ziara rasmi Ijumanne kuyatembelea mataifa saba ya Ulaya na Afrika. Hii ni ziara kuu ya kwanza ya KM tangu alipochukua madaraka ya kuuongoza UM Janauari mosi.

Katibu Mkuu ana wasiwasi na operesheni za serekali katika Darfur kaskazini

Mapema wiki hii KM Ban aliripoti kuingiwa wasiwasi kuhusu athari za operesheni za Serekali ya Sudan katika Darfur Kaskazini, ambako inasemekena ndege zake za kijeshi zilishambulia hivi karibuni raia na kujeruhi idadi kubwa yao.

KM apendekeza muda wa ulinzi amani Ethiopia na Eritrea uongezwe

Ripoti ya KM juu ya hali mipakani kati ya Ethiopia na Eritrea imependekeza Baraza la Usalama liongeze kwa miezi sita ziada operesheni za ulinzi wa amani za UM katika eneo hilo.

Kumbukumbu za miaka 10 ya uongozi wa KM mstaafu Kofi Annan katika UM (Sehemu ya Pili)

Sehemu ya pili ya makala hii inaendelea na mahojiano aliyokuwa nayo KM mstaafu Kofi Annan na wanahabari wa kimataifa kwenye kikao cha mwisho kabla ya kukhitimisha kazi na Umoja wa Mataifa (UM).

Kumbukumbu za miaka 10 ya uongozi wa KM mstaafu Kofi Annan katika UM (Sehemu ya Kwanza)

KM mstaafu Kofi Annan, siku chache kabla ya kumaliza uongozi wake wa miaka 10 katika Umoja wa Mataifa, aliitisha kikao cha mwisho cha mahojiano na waandishi habari wa kimataifa waliopo Makao Makuu mjini New York. Alizungumzia masuala mbalimbali na kuchambua taratibu zinazohitajika kutekelezwa ili kuboresha uhusiano wa kimataifa miongoni mwa Mataifa Wanachama.

Ziara ya Katibu Mkuu katika Ikulu ya Marekani

Ijumanne KM Ban Ki-Moon alizuru Ikulu ya Marekani mjini Washington DC na kufanya mkutano rasmi, wa awali, na Raisi wa Marekani George Bush. Ziara hiyo ilihusika na hishima za kidiplomasia kwa Serekali Mwenyeji wa UM, yaani Serekali ya Marekani, ziara ambayo KM mpya anawajibika kuikamilisha.~