Masuala ya UM

Mwaka 2018 ulikuwa ‘tamu na chungu’ sasa tumeazimia kutokata tamaa 2019 - Guterres

Kuelekea mwaka mpya wa 2019, Katibu Mkuu wa Umoja wa Mataifa António Guterres ametumia salamu zake za mwaka mpya akifanya tathmini ya mwaka 2018 na matarajio yake kwa mwaka mpya.

Zilizovuma mwaka 2018

Mwaka 2018 ulighubikwa na changamoto nyingi hususan kwa nchi za Afrika, mizozo ikiendelea kukumba bara hilo sambamba na magonjwa. Hata hivyo kulikuwa na habari chanya, na kwa muhtasari tutaangazia pande zote za sarafu wakati huu ambapo tunafunga mwaka huu wa 2018.
 

Ujumbe wa Katibu Mkuu wa Umoja wa Mataifa katika siku ya kimataifa ya Uhamiaji.

Uhamiaji ni kichocheo kikubwa cha ukuaji wa uchumi, nguvu na ufahamu. Uhamaji unawaruhusu watu kutafuta fursa mpya, kunufaisha jamii wanakotoka na wanakohamia pia.

Wanawake walikuwa na mchango mkubwa katika kuandikwa kwa tamko la haki za binadamu

Wiki ijayo, dunia itaadhimisha miaka 70 ya tamko la Umoja wa Mataifa kuhusu haki za binadamu. Ingawa historia ya dunia inaonekana kuwasahau wanawake, mtafiti wa masuala ya haki za binadamu Dkt Rebecca Adami katika kitabu chake cha ‘Wanawake na tamko la haki za binadamu’ anasema wanawake walikuwa na mchango mkubwa katika kuliandaa na kulitekeleza tamko hilo.

Kigeugeu kwenye mkataba wa kimataifa wa uhamiaji ni taswira mbaya kwa nchi husika:Abour

Mwakilishi maalumu wa Umoja wa Mataifa kwa ajili ya uhamiaji wa kimataifa  Louise Abour amesema dhamira iliyowekwa bayana na nchi kadhaa ikiwemo Hungary, Poland , Jamhuri ya Czech na Australia ya kujiengua kwenye mkataba wa kimataifa wa wahamiaji inaonyesha picha mbaya kwao na ina athari kubwa katika ari ya ushirikiano wa kimataifa . 

Wengine wanaweza kusema huwezi kupambana na mabadiliko ya tabianchi na ukawa na uchumi mzuri. Ninakataa!-Guterres

Katibu Mkuu wa Umoja wa Mataifa Antonio Guterres leo akiwa mjini New York Marekani kabla ya kusafiri kwenda Argentina unakofanyika mkutano wa nchi 20 zilizoendelea zaidi kiuchumi G20,  amewaambia wanahabari kuwa changamoto kubwa hivi sasa ni ukosefu wa kuaminiana duniani.

 

Leo ni siku kubwa kwa watoto kote duniani.

Wakati dunia ikiadhimisha siku ya mtoto duniani, Millie Bobby Brown ametangazwa kuwa balozi mwema mpya wa Shirika la kuhudumia watoto UNICEF.  Mtoto huyu wa umri wa miaka 14 anakuwa mtu mdogo zaidi kuwa na wadhifa huo wa balozi mwema wa UNICEF. 

 

Watu 3,400 hufa kila siku kwa ajali za barabarani:WHO

 Kila siku ajali za barabarani hukatili uhai wa maelfu ya watu, kuwaacha wengine na ulemavu wa maisha na kuathiri mustakhbali wa familia nyingi duniani. Na wakati wa kuchukua hatua dhidi ya zahma hiyo ni sasa limesema shirika la afya duniani, WHO.

Siku ya UN, Guterres asema changamoto ni nyingi "lakini katu hatukati tamaa"

Leo ni siku ya Umoja wa Mataifa ikiwa ni maadhimisho yanayolenga kusherehekea kuanza kutumika kwa katiba ya chombo hicho tarehe 24 Oktoba mwaka 1945.

Sasa kuna nuru kwa Sudan na Sudan Kusini kumaliza tofauti zao- Waziri Eldirdiri

Waziri wa Mambo ya Nje wa Sudan, Mohamed Ahmed Eldirdiri amehutubia mjadala mkuu wa Baraza Kuu la Umoja wa Mataifa na kusema kuwa mazingira ya sasa yanatia moyo katika kupatia suluhu masuala yote yaliyosalia kati ya  nchi yake na Sudan Kusini.