Masuala ya UM

Mahojiano na Naibu Katibu Mkuu wa UMoja wa Mataifa, Dktr Asha-Rose Migiro

Hivi majuzi, wasikilizaji, tulikuwa na mazungumzo maalumu kwenye studio zetu za Redio ya UM na Naibu KM wa UM Asha-Rose Migiro.

Baraza Kuu laanza rasmi mjadala wa wawakilishi wote

Ijumanne, tarehe 25 Septemba (2007) wajumbe wa kimataifa walianza rasmi mahojiano ya mwaka kwenye kikao cha wawakilishi wote kilichofanyika kwenye ukumbi wa Baraza Kuu la UM. Kikao cha mwaka huu ni cha 62, na wajumbe kutoka Mataifa Wanachama kadha wa kadha waliwasilisha sera zao za kitaifa kuhusu hatua wanazochukua kukabiliana na matatizo yanayosumbua walimwengu.~~Raisi mpya wa Baraza Kuu, Srgjan Kerim, kutoka Jamhuri ya Yugoslavia ya Zamani ya Macedonia pamoja na KM wa UM, Ban Ki-moon walijumuika na viongozi mbalimbali wa Nchi Wanachama kuzingatia taratibu za kuchukuliwa kipamoja kustawisha uhusiano mwema wa kimataifa.

Tume ya Ushirikiano wa Tamaduni za Kimataifa yakutana Makao Makuu

Kundi la Marafiki wa Tume ya Ushirikiano wa Kitamaduni, iliyobuniwa shirika na serekali za Uturuki na Uspeni, ilikutana kwenye kikao maalumu wiki hii kwenye Makao Makuu ya UM kilichohudhuriwa na mawaziri.

Naibu KM wa UM anasailia matatizo ya kimataifa na Redio ya UM

Wiki hii wasikilizaji Idhaa ya Kiswahili ya Redio ya UM ilibahatika kupata fursa ya kufanya mahojiano maalumu na Naibu KM wa UM, Asha-Rose Migiro kwenye studio zetu. Naibu KM Migiro alisailia mada kadha wa kadha zinazoambatana na shughuli za UM, ikijumuisha utekelezaji wa Malengo ya Milenia ya Maendeleo (MDGs)katika mataifa masikini, suala la Darfur, mageuzi katika UM, udhibiti wa mabadailiko ya hali ya hewa na kadhalika.

Kikao cha 62 cha Baraza Kuu chafunguliwa rasmi

Kikao cha 61 Cha Baraza Kuu la UM kilimalizika rasmi tarehe 17 Septemba na Raisi wa kikao kiko hicho, Shekha Haya Rashed Al Khalifa wa Bahrain, kwenye risala ya kuaga, aliyahimiza mataifa wanachama kuendelea kushauriana, ili kusaidia kuimarisha uelewano mwema wa kitamaduni kati ya jamii mbalimbali za kimataifa.

KM ameashiria kuwepo 'mwamko wa daraja ya juu' katika Baraza Kuu la mwaka huu

KM wa UM Ban Ki-moon naye vile vile alifanyisha mkutano maalumu, mwanzo wa wiki, na waandishi habari wa kimataifa waliopo Makao Makuu ambapo alisailia mada kadha zinazoambatana na mijadala ya kikao cha 62 cha Baraza Kuu.

Katibu Mkuu ameitisha mkutano wa aina ya pekee kuimarisha maendeleo Afrika

Ripoti ya mwezi Juni (2007) ya Shirika la UM juu ya Miradi ya Maendeleo (UNDP) ilibainisha mataifa ya Afrika yaliopo kusini ya Sahara bado yamepwelewa sana kwenye juhudi za maendeleo, kwa ujumla, na hakuna dalili haya yatafanikiwa kuyakamilisha, kwa wakati, yale Malengo ya Maendeleo ya Milenia (MDGs) ya kupunguza kwa nusu, kabla ya 2015, umasikini, njaa, maradhi na kutojua kusoma na kuandika.

'Jukumu la polisi katika kutunza amani ni lazima litambuliwe': asema Mkuu wa Polisi wa UNMIS

Kai Vittrup, Kamishna wa Polisi wa Shirika la UM juu ya Ulinzi wa Amani Sudan (UNMIS) ameliambia Shirika la Habari la UM kwamba Mataifa yote Wanachama ya UM yanawajibika kutambua jukumu muhimu la kazi za polisi wa kimataifa katika uendeshaji wa operesheni za amani za UM. Kamishna Vittrup aliyahimiza Mataifa Wanachama yaridhie pendekezo la kupeleka raia polisi wa vyeo vya juu, katika Darfur kusaidia operesheni zijazo za ulinzi wa amani za UM.

Hapa na pale

Tarehe 10 Septemba iliadhimishwa na UM kuwa ni ‘Siku ya Kuzuia Vitendo Karaha vya Kujiua Duniani’, hasa ilivyokuwa takwimu za wataalamu wa kimataifa zimethibitisha kuwa katika kila nukta 30 mtu mmoja huwa anajiua ulimwenguni kwa sababu kadha wa kadha.

Ziara ya Katibu Mkuu wa Umoja wa Mataifa Sudan

KM wa UM Ban Ki-moon wiki hii alifanya ziara ya siku nne nchini Sudan, ikiwa miongoni mwa juhudi za kimataifa, kuleta hatima ya mgogoro na vurugu liliolivaa jimbo la magharibi la Darfur. Kadhalika, KM alichukua fursa ya kujionea binafsi aina ya mazingira yatakayovikabili vikosi mseto vya UM na Umoja wa Afrika wa AU vitkavyopelekwa Darfur mwakani.~