Masuala ya UM

Utabiri wa DESA juu ya hali ya uchumi duniani kwa 2009

Idara ya UM juu ya Masuala ya Kiuchumi na Jamii (DESA) asubuhi iliwasilisha rasmi, ripoti ya katikati ya mwaka, yenye mada isemayo “Hali ya Uchumi Duniani na Matumaini kwa 2009”. Ripoti ilibashiria uchumi wa ulimwengu kwa mwaka huu utateremka kwa asilimia 2.6, baada ya huduma za kiuchumi kupanuka kwa asilimia 2.1 katika 2008, na baada ya kupanuka, vile vile, kwa karibu asilimia 4 kila mwaka katika kipindi cha baina ya 2004 na 2007.

KM amemchagua raisi mstaafu wa Marekani kuwa Mjumbe Maalumu kwa Haiti

Raisi mstaafu wa Marekani, W. J. Clinton ameteuliwa na KM leo hii, kuwa Mjumbe Maalumu wa UM kwa Haiti.

Operesheni za kuwarejesha wahamiaji wa Burundi zaihusisha UNHCR

Mapema wiki hii, Shirika la UM juu ya Huduma za Wahamiaji (UNHCR) Ijumatatu lilishiriki kwenye juhudi za kuwarejesha Burundi wahamiaji 529, kutoka kambi ya Kigeme, iliopo kwenye Wilaya ya Nyammgabe katika Rwanda kusini.

Orodha fupi ya mikutano rasmi kwenye Makao Makuu

Kwenye Makao Makuu ya UM, Ijumatatu ya leo, kumefanyika mkutano makhsusi wa Kamati Maalumu ya Kisiasa na Ufyekaji wa Ukoloni (au Kamati ya Nne). Vile vile wawakilishi wa kimataifa wamehudhuria kikao cha 17 cha Kamati juu ya Maendeleo ya Kusarifika.