Masuala ya UM

HAPA NA PALE

UM umetangaza kuwa sasa hivi unaweza kuthibitisha kihakika kwamba maiti 17 zimeonekana karibu na eneo lilipotukia ajali ya ndege iliokodiwa na UM , nje ya mji wa Bukavu, katika mashariki ya Jamhuri ya Kidemokrasi ya Kongo JKK). UM unajitayarisha, kwa sasa, kuendeleza shughuli za kuchunguza utambulisho wa mabaki ya maiti. Miongoni mwa waathiriwa hao walikuwemo raia wanne wa Kongo pamoja na raia mmoja wa Kanada, watumishi wa Shirika la UM juu ya Miradi ya Maendeleo (UNDP).

Mkutano wa DPI/NGO Paris unazingatia mchango wa makundi ya kiraia kuimarisha haki za binadamu

Kikao cha 61, cha kila mwaka, kilichoandaliwa shirika na Idara ya Habari ya UM (DPI) na mashirika yasio ya kiserikali (NGOs) kimefunguliwa rasmi hii leo kwenye Makao Makuu ya Shirika la UM juu ya Elimu, Sayansi na Utamaduni (UNESCO) mjini Paris, Ufaransa. Hii ni mara ya kwanza mkutano huu kufabnyika nje ya Makao Makuu ya UM.

Hapa na pale

Ijumatano, KM Mdogo na Mshauri wa UM juu ya Misaada ya Daharura, John Holmes alikamilisha ziara ya siku tatu Ethiopia. Ijumanne, Holmes alizuru eneo la wenyeji wa asli ya Kisomali, sehemu ya nchi iliodhurika sana na ukame, pamoja na bei kubwa ya chakula na mgogoro unaozidi kuendelea katika eneo lao. Kwenye kituo cha ukaguzi juu ya hadhi za wahamiaji, Holmes akikutana na wenyeji raia wa Kisomali na Kiethiopia waliokata tama ya maisha na ambao walitaka kusaidiwa kihali, halan. Alikumbusha Holmes ya kuwa ukosefu wa misaada ya kiutu umewalazimisha wahamiaji wingi wa Kiethiopia kutafuta hifadhi ya kisiasa, kwa matumaini ya kupatiwa chakula, makazi na huduma za afya.

Hapa na Pale

Raisi wa Baraza la Usalama kwa mwezi Septemba atakuwa ni Mwakilishi wa Kudumu wa Burkina Faso ambaye atawasilisha ajenda ya mwezi ya shughuli za Baraza Ijumatano.

Taarifa fupi za habari kwa Ijumatatu[Ofisi za UM Makao Makuu zilifungwa 01/09/2008]

Ijumatatu, Septemba mosi Jaji Navanethem Pillay ameanza rasmi madaraka mapya ya Kamishna Mkuu wa UM juu ya Haki za Binadamu (OHCHR) ambapo ataongoza taasisi inayoendelea kukua yenye watumishi 1,000 wanaohudumia utekelezaji wa haki za binadamu katika nchi 50 ulimwenguni. Bi Pillay ni mwanasheria wa kutoka Afrika Kusini ambaye mwezi Julai aliteuliwa kuongoza ofisi ya UM juu ya haki za binadamu, kufuatia pendekezo la KM Ban Ki-moon. Tangu 2003, Jaji Pillay alitumikia Mahakama ya Kimataifa juu ya Jinai ya Halaiki (ICC) iliopo Hague, Uholanzi – mahakama ya kwanza huru, ya kudumu, iliobuniwa na jumuiya ya kimatraifa kushughulikia kesi zinazohusu mauaji ya kuangamiza halaiki ya watu, makosa ya vita na jinai dhidi ya utu. Kabla ya hapo Pillay alikuwa Jaji na pia Raisi wa Mahakama ya Kimataifa juu ya Rwanda (ICTR) ambayo alijiunga nayo kuanzia 1995.

Hapa na Pale

KM BanKi-moon amepongeza taarifa ya Serikali ya Zimbabwe kuondosha vikwazo dhidi ya operesheni za ndani ya nchi za mashirika yasio ya kiserkali na yale mashirika ya binafsi ya kujitolea. Alisema KM maendeleo haya ya kutia moyo yatasaidia kuhakikisha misaada ya kiutu ya kimataifa itagawiwa umma wa Zimbabwe bila upendeleo ili kunusuru maisha na kuwapatia kinga boraya afya.~

Hapa na pale

KM amelaani mashambulio mawili ya mabomu ya kujitolea mhanga yaliofanyika Alkhamisi katika mji wa Wah, Pakistan, tukio ambalo lilisababisha idadi kubwa ya vifo na majeruhi wingi wa kiraia. Alirudia msimamo wake juu ya vitendo vya kigaidi, vya kihorera, ambavyo alisisitiza ni vya kulaumiwa na na anavipinga kihakika. KM alituma mkono wa huzuni kwa aila ya waathiriwa, Serikali na umma wa Pakistan.

UM inawakumbuka watumishi wajasiri na mashujaa walioshambuliwa Baghdad miaka mitano iliopita

Ijumanne asubuhi kulifanyika taadhima maalumu Makao Makuu za kuhishimu kumbukumbu ya shambulio la ofisi za UM katika Hoteli ya Canal mjini Baghdad, ambapo mnamo tarehe 19 Agosti 2003, miaka mitano nyuma, lori liliobebeshwa mabomu liliegezwa kwenye majengo ya UM na kuripuliwa.

Hapa na Pale

Ofisi ya UM Geneva imeripoti Antonio Guterres, Kamishna Mkuu wa Shirika la UM juu ya Huduma za Wahamiaji (UNHCR) anatazamiwa kuelekea Georgia na Shirikisho la Urusi wiki ijayo kufanya tathmini ya operesheni za kuhudumia misaada ya kiutu kwenye sehemu zilizoathirika na mapigano ya karibuni. Kadhalika, Guterres atakutana kwa ushauriano na serikali za mataifa mawili hayo juu ya mahitaji yanayotakiwa kutoka mashirika ya kimataifa ili kukidhi haja za waathiriwa wa vurugu la eneo lao.~

Hapa na Pale

KM ametoa taarifa yenye kubainisha wasiwasi alionao juu ya kupwelewa kwa huduma za misaada ya kihali Zimbabwe kutokana na vikwazo vilioekewa mashirika yasio ya kiserikali na wenye madaraka mnamo Juni 2008.