Masuala ya UM

Hapa na Pale

KM BanKi-moon amepongeza taarifa ya Serikali ya Zimbabwe kuondosha vikwazo dhidi ya operesheni za ndani ya nchi za mashirika yasio ya kiserkali na yale mashirika ya binafsi ya kujitolea. Alisema KM maendeleo haya ya kutia moyo yatasaidia kuhakikisha misaada ya kiutu ya kimataifa itagawiwa umma wa Zimbabwe bila upendeleo ili kunusuru maisha na kuwapatia kinga boraya afya.~

Hapa na pale

KM amelaani mashambulio mawili ya mabomu ya kujitolea mhanga yaliofanyika Alkhamisi katika mji wa Wah, Pakistan, tukio ambalo lilisababisha idadi kubwa ya vifo na majeruhi wingi wa kiraia. Alirudia msimamo wake juu ya vitendo vya kigaidi, vya kihorera, ambavyo alisisitiza ni vya kulaumiwa na na anavipinga kihakika. KM alituma mkono wa huzuni kwa aila ya waathiriwa, Serikali na umma wa Pakistan.

UM inawakumbuka watumishi wajasiri na mashujaa walioshambuliwa Baghdad miaka mitano iliopita

Ijumanne asubuhi kulifanyika taadhima maalumu Makao Makuu za kuhishimu kumbukumbu ya shambulio la ofisi za UM katika Hoteli ya Canal mjini Baghdad, ambapo mnamo tarehe 19 Agosti 2003, miaka mitano nyuma, lori liliobebeshwa mabomu liliegezwa kwenye majengo ya UM na kuripuliwa.

Hapa na Pale

Ofisi ya UM Geneva imeripoti Antonio Guterres, Kamishna Mkuu wa Shirika la UM juu ya Huduma za Wahamiaji (UNHCR) anatazamiwa kuelekea Georgia na Shirikisho la Urusi wiki ijayo kufanya tathmini ya operesheni za kuhudumia misaada ya kiutu kwenye sehemu zilizoathirika na mapigano ya karibuni. Kadhalika, Guterres atakutana kwa ushauriano na serikali za mataifa mawili hayo juu ya mahitaji yanayotakiwa kutoka mashirika ya kimataifa ili kukidhi haja za waathiriwa wa vurugu la eneo lao.~

Hapa na Pale

KM ametoa taarifa yenye kubainisha wasiwasi alionao juu ya kupwelewa kwa huduma za misaada ya kihali Zimbabwe kutokana na vikwazo vilioekewa mashirika yasio ya kiserikali na wenye madaraka mnamo Juni 2008.

UM na Iraq wametiliana sahihi mkataba mpya wa ushirikiano

UM umetiliana sahihi na Serikali ya Iraq mkataba wa ushirikiano wa kihistoria uliofafanua namna UM utakavyohusishwa, katika miaka mitatu ijayo, kwenye juhudi za kufufua shughuli za ujenzi wa Iraq baada ya utulivu kuridishwa kitaifa, na katika kukuza maendeleo na kukidhi mahitaji ya kiutu kwa umma kijumla.

Hapa na Pale

Wajumbe wa kamati mbili za kufuatilia utekelezaji wa Maafikiano ya Djibouti kuhusu Amani Usomali wametangaza kwamba watakutana mwisho wa wiki katika Djibouti, kwa mara nyengine tena, kuzingatia masuala ya kurudisha utulivu na amani nchini.

Wataalamu wa mazao wakutana Vienna kutahminia taratibu mpya za kukithirisha mavuno

Mashirika ya UM juu ya Chakula na Kilimo (FAO) na pia Matumizi ya Amani ya Nishati ya Nyuklia (IAEA) yametayarisha warsha maalumu mjini Vienna, Austria ambao unafanyika kuanzia tarehe 12 Agosti mpaka 15, kuzingatia taratibu mpya za kurekibisha uzalishaji wa mimea, mpango unaotarajiwa kukuza mavuno kwa wingi kusaidia nchi masikini. Kama inavyoeleweka katika miezi ya karibuni makumi milioni ya umma wa kimataifa wanakhofiwa huenda wakazama kwenye janga la njaa na ufukara kwa sababu ya mgogoro wa chakula na nishati ulimwenguni.

KM ahimiza vijana wahusishwe kudhibiti athari za hali ya hewa katika Siku ya Kimataifa kwa Vijana

UM unaadhimisha tarehe 12 Agosti kuwa ni \'Siku ya Kimataifa kwa Vijana\'. Risala ya KM kuiheshimu siku hiyo imetilia mkazo zaidi umuhimu wa kuwahusisha vijana kwenye juhudi za kupiga vita na kudhibiti bora athari za mabadiliko ya hali ya hewa duniani, madhara ambayo vile vile huzusha matatizo ya njaa.

Hapa na Pale

KM ameripoti kuchukizwa hadi na ripoti aliyopokea kuhusu matokeo ya upelelezi wa Ofisi ya UM Kuchunguza Makosa ya Huduma za Ndani, ambayo ilifichua ushahidi unaojitosheleza kuhusu vitendo vya makansdamizo ya kijinsia yalioendelezwa siku za nyuma na moja ya vikosi vya Bara Hindi vilivyoambatishwa na Majeshi ya Ulinzi wa Amani ya UM katika JKK (MONUC).