Masuala ya UM

Umoja wa Mataifa (UM) unaadhimisha Siku Kuu ya kuzaliwa kwake

Ijumanne tarehe 24 Oktoba huadhimishwa kote duniani na watumishi wa kimataifa kuwa ni ‘Siku Kuu ya UM’ na mwaka huu ilisherehekea mwaka wa 61 tangu Mkataba wa UM kuidhinishwa rasmi kuwa ni chombo kamili cha kanuni za kimataifa.

Eritrea yashtumiwa kuharamisha mapatano ya kusitisha mapigano mipakani

KM Kofi Annan akijumuika na Baraza la Usalama wiki hii wametoa taarifa ya pamoja kuishtumu Eritrea kwa kupeleka vifaru 15 na pia wanajeshi karibu 1,500 kwenye lile Eneo la Muda la Usalama (TSZ) liliopo mipakani na Ethiopia.

KM apongeza maafikiano ya upatanishi katika Sudan

KM ameripotiwa kuyapongeza yale maafikiano ya upatanishi yaliofikiwa karibuni kati ya Serekali ya Sudan na kundi la waasi wa Eneo la Mashariki. Mapatano haya yaliongozwa na Serekali ya Eritrea na kutiwa sahihi mjini Asmara tarehe 14 Oktoba.

Ripoti ya KM juu ya hali katika Sahara ya Magharibi

Ripoti ya KM, iliyowasilishwa wiki hii kuhusu hali katika Sahara ya Magharibi imependekeza Baraza la Usalama kutoa mwito kwa Morocco na Chama cha Ukombozi wa Sahara ya Magharibi, Frente Polisario, wa kuwahimiza kushirki kwenye majadiliano yasio na shuruti, ya kutafuta suluhu ya kuridhisha na ya kudumu, itakayowawezesha wazalendo wa Sahara ya Magharibi hatimaye kutekelezewa haki ya kujiamulia wenyewe utawala halali.

KM kuanzisha rasmi mfuko wa ujenzi wa amani

Ijumatano KM Kofi Annan alishiriki kwenye kikao maalumu cha kuanzisha Mfuko wa Ujenzi wa Amani wa UM utakaotumiwa kuyasaidia yale mataifa yanayoibuka kutoka hali ya uhasama kurudisha amani kwenye maeneo yao na kujiepusha na hatari ya kuteleza tena kwenye mapigano, vurugu na machafuko.

Uchaguzi wa KM mpya wa Umoja wa Mataifa unanyemelea

Ijumatatu tarehe 09 Oktoba (2006) Baraza la Usalama linatazamiwa kupiga kura ya kumteua rasmi KM mpya atakayechukua nafasi ya KM Kofi Annana mnamo mwanzo wa 2007. Baada ya hapo Baraza la Usalama litatuma jina la KM mpya mbele ya Baraza Kuu kuidhinishwa na wawakilishi wa kimataifa.