Masuala ya UM

Tumepiga hatua lakini bado tuna kazi katika kutimiza haki za mtoto:Guterres

Tangu kupitishwa kwa mkataba wa haki za mtoto miaka 30 iliyopita pamoja na mafanikio makubwa yaliyopatikana kote duniani bado vita imesalia kuwa chanzo kubwa ya ukiukwaji wa haki za mtoto na bado kuna nchi hazijaridhia mkataba huo amesema Katibu Mkuu wa Umoja wa Mataifa Antonio Guterres. 

Hofu imegeuzwa mtaji hivi sasa duniani- Guterres

Mjadala mkuu wa Baraza Kuu la Umoja wa Mataifa, UNGA74 umeanza leo kwenye makao makuu ya umoja huo jijini New York, Marekani ambapo Katibu Mkuu Antonio Guterres amesema kuwa hofu imetanda duniani hivi sasa na ni jukumu la viongozi kuondoa hofu hiyo miongoni mwa wananchi wao.

Greta Thunberg ahoji uthubutu wa viongozi kusalia na maneno huku watu wakipoteza maisha

Leo katika ufunguzi wa  mkutano wa ngazi ya juu wa viongozi wa Umoja wa Mataifa kuhusu hatua dhidi ya mabadiliko ya tabianchi, Katibu Mkuu wa Umoja wa Mataifa, Antonio Gutrerres amesema hatakuwa mtamazaji aliye kimya kwa uhalifu ambao unaathiri hali ya sasa na  kuharibu haki kwa vizazi vijavyo kwa ajili ya mustakabali endelevu akiongeza kwamba viongozi wana haki ya kufanya kila wawezalo kukomesha janga la mabadiliko ya tabianchi kabla halijatukomesha.

Kutowashirikisha vijana kwenye tabianchi ni janga- Guterres

Kuelekea siku ya kimataifa ya amani ambayo huadhimishwa kila mwaka Septemba 21, leo katika maadhimisho kwenye Umoja wa Mataifa Katibu Mkuu wa Umoja huo, Antonio Guterres ametoa wito wa hatua madhubuti kuchukuliwa kukabiliana na changamoto kubwa za dunia ikiwemo mabadiliko ya tabianchi ili kudumisha amani kwa wote. 

Maoni ya wakuu wa nchi yanaweza kutofautiana lakini yakatatua changamoto zinazoikabili dunia-Balozi Modest Mero

Tukielekea wiki ya vikao vya mjadala mkuu wa Baraza Kuu la Umoja wa Mataifa vitakavyowakutanisha viongozi wa dunia katika makao makuu ya umoja  huo mjini New York Marekani kuanzia jumatatu ya wiki ijayo, Mwakilishi wa kudumu wa Tanzania katika Umoja wa Mataifa, Balozi Modest Mero amezungumza na Idhaa ya Kiswahili ya Umoja wa Mataifa na kueleza kuwa mijadala ya viongozi wakuu wa dunia itatawaliwa na changamoto kuu tano ambazo dunia nzima inakabiliana nazo hivi sasa.

Watano wamethibitika kufariki kutokana na kimbunga Dorian-OCHA

Kimbunga Dorian kikiendelea kuleta madhara huko visiwa vya Bahamas, ripoti zinasema kwamba watu watano wamethibitishwa kufariki dunia huku mashirika ya Umoja wa Mataif ana wadau wakiwa wamepeleka watendaji wake kufanya tathmini ya uharibifu. 

Pepo za matumaini zavuma Afrika lakini mizozo, tabianchi vyatia doa- Guterres

Akiwa huko Yokohama nchini Japan akihudhuria mkutano wa 7 wa Tokyo kwa ajili ya maendeleo ya Afrika, TICAD VII, Katibu Mkuu wa Umoja wa Mataifa Antonio Guterres amesema analiona bara la Afrika kama bara lililosheheni fursa ambako pepo za matumaini zinavuma kwa kasi kuliko wakati wowote ule. 

Jamhuri ya Afrika ya Kati sasa ni ya 3 duniani kwa kuwa na janga kubwa zaidi la kibinadamu

Watu wawili kati ya watu watatu nchini Jamhuri ya Afrika ya Kati, CAR wanahitaji msaada wa kibinadamu na hivyo kufanya janga hilo la kibinadamu kuwa la tatu kwa kubwa zaidi duniani baada ya Yemen na Syria, limesema shirika la mpango duniani la Umoja wa Mataifa, WFP

Siku ya kimataifa ya waathirika wa matendo ya vurugu yanayotokana na dini au imani yaadhimishwa kwa mara ya kwanza.

Katika kuadhimisha siku ya kimataifa ya kuadhimisha waathirika wa matendo ya vurugu yanayotokana na dini au imani, Katibu Mkuu wa Umoja wa Mataifa Antonio Guterres amesema ulimwengu unapaswa kupinga na kukataa wale ambao kwa mabavu na kwa uongo wanashawishi kujenga imani potofu, kuchochea mgawanyiko na kueneza hofu na chuki. 

Tushirikiane tulinde lugha za asili- Guterres

Lugha za asili zikiwa hatarini kutoweka, Katibu Mkuu wa Umoja wa Mataifa Antonio Guterres ametaka hatua zaidi kulinda lugha hizo na haki nyinginezo za kundi hilo.