Masuala ya UM

Husisheni wadau kutoka kila nyanja mnapojadili kuhusu teknolojia ya intaneti-Guterres

Akihutubia mkutano wa jukwaa la usimamizi wa intaneti,IGF,unaofanyika hii leo mjini Paris Ufaransa,  Katibu Mkuu wa Umoja wa Mataifa Antonio Guterres amesema, katika miaka 13 tangu mkutano wa kimataifa uliofanyika Tunisia mwaka 2005, dunia ya kidijitali imebadilika kwa kasi, fursa mpya zimefunguka na hivyo masuluhisho ya kidijitali yanabadili maisha ya watu na kwamba yanaweza kusongesha mbele kazi ya kufanikisha malengo ya maendeleo endelevu, SDGs.

Tunahitaji ushirikiano wa kimataifa sasa kuliko wakati mwingine wowote:Guterres

Ushirikiano wa kimataifa unahitajika duniani kuliko wakati mwingine wowote ili kukabiliana na changamoto kubwa zinazoikibali dunia hivi sasa kwa pamoja.

 

Uganda yajihadhari kabla ya shari kwa kuchanja wahudumu wa afya dhidi ya Ebola:WHO

Kufuatia mlipuko wa Ebola nchini Jamhuri ya Kidemokrasia ya Kongo, DRC, mara mbili tangu mei mwaka huu, shirika la afya duniani WHO kwa kushirikiana na serikali ya Uganda wameanza kuchukua hatua ya kuwachanja wahudumu wa afya kuepusha kusambaa kwa ugonjwa huo ambapo tayari watu 180 wamethibitishwa kufariki dunia kutokana na Ebola. 

Tupunguze kiwango cha uchafuzi wa hewa kwa theluthi mbili ifikapo 2030-WHO

Mkutano wa kwanza wa kimataifa kuhusu uchafuzi wa hali ya hewa na afya umemalizika kwa shirika la afya ulimwenguni, WHO kupendekeza kupunguzwa kwa theluthi mbili kwa kiwango cha uchafuzi wa hali ya hewa ifikapo mwaka 2030.

Guterres aongoza kumbukizi ya waliouawa Pittsburg

Jijini New York Marekani hii leo Katibu Mkuu wa Umoja wa Mataifa Antonio Guterres ameungana na viongozi wengine wa dini na wakazi wa jiji hilo kukumbuka watu 11 waliopoteza maisha katika shambulio la mwishoni mwa wiki kwenye sinagogi moja huko Pittsburg, jimboni Pennyslvania nchini Marekani.

Nyaraka za kulinda miji tunazo, tuchukue hatua- Guterres

Leo ni siku ya miji duniani ambapo Katibu Mkuu wa Umoja wa Mataifa Antonio Guterres kupitia ujumbe wake alioutoa kuiadhimisha siku hii, ametoa wito kwa dunia nzima kufanya kazi pamoja kujenga miji endelevu na stahimilivu ambayo inawapatia watu wote usalama na fursa. Taarifa zaidi na John  Kibego

Tusipofanikiwa Afrika, hatutafanikiwa popote pale- Bi. Espinosa

Mijadala kuhusu Afrika ikitamatishwa hii leo kwenye makao makuu ya Umoja wa Mataifa, hii leo Umoja wa Mataifa na Muungano wa Afrika wamefanya mjadala wa wazi kuhusu utekelezaji wa ubia mpya wa maendeleo barani Afrika, NEPAD sambamba na ushirikiano wa kimataifa. Taarifa zaidi na Assumpta Massoi.

WFP yasaka suluhu la uhaba wa chakula na utapiamlo, Uganda

Shirika la mpango wa chakula la Umoja wa Mataifa WFP kwa ubia na Mamlaka ya Jiji Kuu la Kampala (KCCA), wameanzisha juhudi za kushughulikia tatizo la uhaba wa chakula na utapiamlo unaoongezeka katika wilaya ya Kampala ambayo ni sehemu ya kati mwa mji mkuu wa Uganda. 

Mashirika ya UN yaendelea kutoa msaada kwa manusura wa tetemeko Indonesia

Kwa mujibu wa shirika la Umoja wa Mataifa la kuhudumia wakimbizi UNHCR, limefikisha mahema 435 ya dharura katika eneo la Balikpapan ili yagawiwe kwa familia ambazo zimeachwa bila makazi na zahma ya tetemeko na tsunami kwenye jimbo la Sulawesi.

UN na AU wazingatie vipaumbele ili kufikia malengo tuliyojiwekea- Guterres

Umoja wa Mataifa umesema bado una imani na uongozi wa Afrika katika kutatua matatizo ya bara hilo na kwamba Umoja wa Mataifa una nia ya dhati kutumia fursa zilizopo sasa kufanya kazi kwa karibu zaidi na Muungano wa Afrika, AU.