Masuala ya UM

Taarifa sahihi za tabianchi zaokoa wakulima na wafugaji nchini Zambia

Nchini Zambia mradi wa kuwawezesha wakulima na wafugaji kupata taarifa sahihi kuhusu hali ya hewa, umewajengea upya imani baada ya mabadiliko ya tabianchi kuleta misukosuko katika shughuli zao za kilimo na ufugaji. 

AfCFTA ni muarobaini kwa kuunganisha Afrika- Kenya

Mkutano wa mwaka wa kamisheni ya Umoja wa Mataifa kwa Afrika, ECA ukiendelea huko Kigali, Rwanda kwa kuangazia utekelezaji wa makubaliano ya eneo huru la biashara barani Afrika, AfCFTA, Kenya imezungumzia sababu za kupatia kipaumbele eneo hilo huru la biashara.

 

TV bado haijapoteza dira licha ya teknolojia mpya:UN

Televisheni bado ni chombo muhimu cha mawasiliano duniani licha ya kuzuka kwa teknolojia mpya ambazo zimechukua nafasi kubwa ya maisha ya watu, limesema shirika la Umoja wa Mataifa la elimu , sayansi na utamaduni, UNESCO. 

Tukishirikishwa tuna mchango katika kutatua changamoto za dunia:Kijana Ajwang

Vijana wanaoshiriki jukwaa la Umoja wa Mataifa la muungano wa ustaarabu mjini New York Marekani wametoa wito wa ujumuishwaji wa vijana katika utafutaji wa suluhu ya changamoto zinazoikabili dunia hivi sasa ikiwemo kujihusisha katika vitendo vya uvunjivu wa Amani na itikadi kali.

Leo ni siku kubwa kwa watoto kote duniani.

Wakati dunia ikiadhimisha siku ya mtoto duniani, Millie Bobby Brown ametangazwa kuwa balozi mwema mpya wa Shirika la kuhudumia watoto UNICEF.  Mtoto huyu wa umri wa miaka 14 anakuwa mtu mdogo zaidi kuwa na wadhifa huo wa balozi mwema wa UNICEF. 

 

Stahamala ni zaidi ya kuvumiliana kwa kutofautiana- UNESCO

Leo ni siku ya kimataifa ya stahamala ambapo Umoja wa  Mataifa umetumia fursa ya leo kueleza kuwa stahamala si suala la kuvumiliana kwa sababu ya kutofautiana bali ni utayari wa kuheshimu na kukubali watu wengine kwa kuzingatia haki sawa za kibinadamu.

Machafuko yakiendelea Gaza UN yahaha kurejesha utulivu.

Wakati machafuko yakiendelea kushika kasi upya kwenye Ukanda wa Gaza , Umoja wa Mataifa unasema unafuatilia haki kwa karibu huku mratibu maalumu wa Umoja wa Mataifa kwenye ukanda huo Nickolay Mladenov akishirikiana na pande zote kujaribu kurejesha utulivu.

Husisheni wadau kutoka kila nyanja mnapojadili kuhusu teknolojia ya intaneti-Guterres

Akihutubia mkutano wa jukwaa la usimamizi wa intaneti,IGF,unaofanyika hii leo mjini Paris Ufaransa,  Katibu Mkuu wa Umoja wa Mataifa Antonio Guterres amesema, katika miaka 13 tangu mkutano wa kimataifa uliofanyika Tunisia mwaka 2005, dunia ya kidijitali imebadilika kwa kasi, fursa mpya zimefunguka na hivyo masuluhisho ya kidijitali yanabadili maisha ya watu na kwamba yanaweza kusongesha mbele kazi ya kufanikisha malengo ya maendeleo endelevu, SDGs.

Tunahitaji ushirikiano wa kimataifa sasa kuliko wakati mwingine wowote:Guterres

Ushirikiano wa kimataifa unahitajika duniani kuliko wakati mwingine wowote ili kukabiliana na changamoto kubwa zinazoikibali dunia hivi sasa kwa pamoja.

 

Uganda yajihadhari kabla ya shari kwa kuchanja wahudumu wa afya dhidi ya Ebola:WHO

Kufuatia mlipuko wa Ebola nchini Jamhuri ya Kidemokrasia ya Kongo, DRC, mara mbili tangu mei mwaka huu, shirika la afya duniani WHO kwa kushirikiana na serikali ya Uganda wameanza kuchukua hatua ya kuwachanja wahudumu wa afya kuepusha kusambaa kwa ugonjwa huo ambapo tayari watu 180 wamethibitishwa kufariki dunia kutokana na Ebola.