Masuala ya UM

Hakuna nchi iliyo na kinga dhidi ya njaa, lazima tuchukue hatua sasa:UN 

Katibu Mkuu wa Umoja wa Mataifa ameliambia Baraza la usalama la Umoja wa Mataifa kwamba vita vinapozuka, watu wanakabiliwa na njaa, na kwamba asilimia 60 ya watu wasio na lishe bora duniani wanaishi katika maeneo yaliyoathiriwa na migogoro huku akikumbusha kuwa "Hakuna nchi iliyo na kinga dhidi ya njaa,"  

Zaidi ya wahamiaji 1000 kutoka Afrika Mashariki wamekufa au kutoweka

Shirika la Umoja wa Mataifa la uhamiaji IOM limesema zaidi ya wahamiaji 1,000 wamefariki dunia au kutoweka tangu mwaka 2014 walipokuwa wakijaribu kuondoka Afrika Mashariki na Pembe ya Afrika. 

Walionyanyaswa kijinsia washukuru Mfuko wa UN kufadhili miradi yao Kavumu, DRC  

Miaka sita iliyopita, yaani mwaka 2016, Katibu Mkuu wa Umoja wa Mataifa aliunda Mfuko wa kufadhili miradi inayolenga kusaidia waathirika wa unyanyasaji wa kijinsia na hata watoto waliozaliwa kutokana na ukatili wa kingono uliofanywa na baadhi ya wafanyakazi wa Umoja wa Mataifa wakiwemo walinzi wa amani au watu wengine wanaohusika na shughuli za Umoja wa Mataifa katika mataifa mbalimbali. 

Guterres alaani mauaji ya itikadi kali ya kibaguzi kwenye duka kubwa mjini Buffalo nchini Marekani.

Katibu Mkuu wa Umoja wa Mataifa António Guterres Jumapili ametoa wito wa kujitolea zaidi ili kuhakikisha maelewano na utangamano katika jamii siku moja baada ya watu 10 kuuawa, na watatu kujeruhiwa, katika shambulio la ubaguzi wa rangi kwenye duka kubwa huko Buffalo, New York. 

Nawatakia heri katika siku ya Vesak

Katibu Mkuu wa Umoja wa Mataifa Antonio Guterres ametuma salamu za heri kwa mamilioni ya waumini wa madhehebu ya Budha duniani wanaoadhimisha siku ya Vesak hii leo.

Buriani Sheikh Khalifa Bin Zayed Al Nahyan: Guterres

Katibu Mkuu wa Umoja wa Mataifa Antonio Guterres ametuma salamu zake za rambirambi kwa familia ya kifalme, kwa Serikali na watu wa umoja wa nchi za Falme za Kiarabu UAE kwa kuondokewa na rais wao Sheikh Khalifa Bin Zayed Al Nahyan. 

Kampeni ya ‘Be Seen Be Heard’ yaani ‘Onekana Sikika’ yazinduliwa kuwapa sauti vijana ulimwenguni 

Vijana wana haki ya kujumuishwa katika maamuzi ya kisiasa yanayowahusu, hata hivyo, vikwazo vingi vinazuia ushiriki wao. 

Wahisani watoa dola milioni 38 kunusuru meli iliyo hatarini kupasuka baharí ya Sham karibu na Yemen

Takribani dola milioni 38 zimechangishwa ili kunusuru meli ya kuhifadhi mafuta, FSO Safer iliyo hatarini kuzama na kuvujisha mafuta au kulipuka kando mwa pwani ya Yemen. 

Ingawa hatua zimepigwa Afrika kukabili COVID-19, lakini bado kuna changamoto:UNITAID

Bara la afrika limepiga hatua kubwa katika vita dhidi ya janga la COVID-19, idadi ya wagonjwa na vifo inapungua lakini bado kuna changamoto kubwa kuhusu janga hilo limesema shirika la Umoja wa Mataifa la kufanikisha upatikanaji wa dawa na tiba kwa gharama nafuu UNITAID ambalo linajikita katika kutafuta suluhu za kibunifu za kuzuia, kutambua na kutibu magonjwa kwa haraka zaidi katika nchi za kipato cha kati na cha chini.

Programu ya UNICEF Uganda yamuepusha mtoto ‘Sarah’ kujiua

Shirika la Umoja wa Mataifa la kuhudumia watoto, UNICEF nchini Uganda linaendesha programu ya waelimishaji rika ambayo imesaidia watoto kadhaa wa kike akiwemo Sara kuacha kujiua baada ya kubakwa na kupewa ujauzito na hatimaye kurejea shuleni kusoma huku akilea mtoto wake na kuwa na matarajio makubwa kwa siku za usoni