Malengo ya Maendeleo Endelevu

Mwaka 2018 ulikuwa ‘tamu na chungu’ sasa tumeazimia kutokata tamaa 2019 - Guterres

Kuelekea mwaka mpya wa 2019, Katibu Mkuu wa Umoja wa Mataifa António Guterres ametumia salamu zake za mwaka mpya akifanya tathmini ya mwaka 2018 na matarajio yake kwa mwaka mpya.

Bangladesh hakikisheni mnafanya uchaguzi huru na wa haki: UN

Kuelekea uchaguzi mkuu nchini Bangladesh unaotarajiwa kufanyika jumapili hii ya tarehe 30 mwezi huu wa Desemba, Katibu Mkuu wa Umoja wa Mataifa Antonio Guterres kupitia taarifa iliyotolewa hii leo mjini New York Marekani na msemaji wake, amewasihi wadau wote Bangladesh wahakikishe wanaweka mazingira yasiyo na vurugu, vitisho wala kulazimishwa, kabla, wakati na baada ya uchaguzi, ili kuwezesha uchaguzi wa amani, halali na unaohusisha watu wote.

Ethiopia yazindua mwongozo mpya wa kuwafikia wagonjwa wa Kifua kikuu.

Shirika la afya la Umoja wa Mataifa, WHO nchini Ethipoia, linasema linaazimia kufanikisha lengo lake la kuona ugonjwa wa kifua kikuu, TB, hausambai ifikapo mwaka wa 2035 na pia kuutokomeza kabisa ifikapo mwaka wa 2050 nchini humo.

Baraza la Usalama latoa wito kufanyike uchaguzi wa amani DRC

Baraza la Usalama la Umoja wa Mataifa limesema uchaguzi wa Desemba 23, mwaka huu 2018 ni ishara ya uhuru wa watu na serikali ya Jamhuri ya kidemokrasia ya Kongo, DRC na ni fursa muhimu katika historia kama uchaguzi wa kwanza unaozingatia demokrasia na ubadilishanaji wa mamlaka kwa amani DRC, na kwamba ni fursa ya kujenga msingi wa amani na kuweka mazingira kwa ajili ya maendeleo ya nchi hiyo.

Palestina inahitaji dola milioni 350 kushughulikia misaada ya kibinadamu: OCHA

Mpango mkakati wa msaada wa kibinadamu HRP wa mwaka 2019 umetoa ombi la dola milioni 350  ili kutoa huduma za msingi kama chakula, ulinzi, huduma za afya, malazi, maji na usafi kwa Wapalestina milioni 1.4 ambao wamebainika kuwa na mahitaji makubwa ya kibinadamu kwenye Ukanda wa Gaza na Ukingo wa Maghariki likiwemo eneo la Jerusalem Mashariki.

Cambodia kutibu unyafuzi kwa watoto kwa kutumia kitafunwa kinachotengenezwa nchini humo

Aina mpya ya biskuti yenye virutubisho ikiwemo samaki, Nutrix, imeanza kutengenezwa nchini Cambodia kwa lengo la kutibu utapiamlo miongoni wa watoto.

WHO yapongeza Thailand kwa sheria ya vifungashio vitupu vya Sigara

Serikali ya Thailand imechukua hatua thabiti zaidi ya kudhibiti uvutaji wa sigara kwa kuanzisha vikasha vya sigara visivvyokuwa na maandishi au picha yoyote, hatua ambayo imepongezwa na shirika la afya ulimwenguni, WHO.

Mama Katarina ni mfano wa jinsi nishati endelevu inavyobadili maisha-FAO

Nchini Tanzania mradi mpya wa shirika la chakula na kilimo duniani, FAO wa kuzalisha umeme kwa kutumia samadi ya wanyama, umekuwa mkombozi kwa wafugaji wa ng’ombe ambao kwa muda mrefu wamejikuta kiwango kikubwa cha maziwa kinaharibika kutokana na ukosefu wa majokofu ya kuhifadhi.

Posta yazinduka sasa nchi 9 kuanza mchakato wa kutoa huduma za kifedha

Shirika la posta duniani, UPU leo limetangaza mataifa 9 ambayo mashirika yake ya posta yataanza kunufaika na pogramu yake ya kusongesha huduma za kifedha kidijitali kwa njia ya posta.

Sasa popote ulipo unaweza kuona msitu wowote duniani bila gharama

Kitendo cha mtu kuweza kuona misitu au miti sasa inatarajiwa kuwa rahisi zaidi kutokana na teknolojia mpya ya kisasa iliyobuniwa kwa ushirikiano kati ya shirika la anga za juu la Marekani, NASA na shirika la chakula na kilimo duniani, FAO na wadau wengine wakiwemo Google.