Amani na Usalama

Watetezi huru wa haki za binadamu waishtumu Thailand kwa kufukuza nchi watu wa makabila ya Hmong

Wataalamu wawili wanaowakilisha mashirika yanayotetea haki za binadamu wametangaza taarifa ya pamoja, iloilaumu vikali Serikali ya Thailand, kwa kuwahamisha kwa nguvu, wahamiaji 4,000 wa makabila ya Hmong na kuwarejesha kwenye taifa jirani la Laos, bila ya idhini yao.

Kamishna Mkuu wa Haki za Binadamu anasema "kashtushwa" na miripuko ya ghasia katika Iran

Navi Pillay, Kamishna Mkuu wa UM juu ya Haki za Binadamu kwenye taarifa aliotoa kwa vyombo vya habari Ijumatano alisema ya kuwa alishtushwa na kile alichokiita "mfumko wa vifo, majeraha na watu kukamatwa" katika Jamhuri ya KiIslam ya Iran.

UNAMID/Sudan waahidi ushirikiano kuimarisha usalama Darfur

Wawakilishi wa Shirika la Vikosi vya Mchanganyiko vya UM-UA kwa Darfur (UNAMID) pamoja na wawakilishi wa Serikali ya Sudan wameripotiwa kutiliana sahihi makubaliano ya jumla, kuhusu mradi wa utendaji, uliokusudiwa kuhakikisha watumishi wa UNAMID pamoja na mali zao, huwa watapatiwa usalama wanaostahiki kwenye jimbo la mvutano la Sudan Magharibi la Darfur.

Mkuu wa MONUC akumbusha, vikosi vya UM katika JKK huhami maelfu ya raia kila siku

Alan Doss, Mjumbe Maalumu wa KM kwa Jamhuri ya Kidemokrasi ya Kongo (JKK), na pia Mkuu wa Shirika la UM juu ya Ulinzi Amani katika JKK (MONUC) kwenye makala aliochapisha mapema wiki hii, katika gazeti la kila siku la Marekani linaloitwa The Washington Times, alieleza kwamba UM huchangisha pakubwa katika kuwatekelezea haki za kimsingi, takriban kila siku, kwa maelfu ya raia wanaoishi kwenye mazingira ya wasiwasi ya JKK.

UM wakusanyisha makabila yanayohasimiana Sudan Kusini kujadiliana amani

UM umeripoti hali ya wasiwasi inaendelea kuselelea kwenye jimbo la Sudan la Abyei, miaka mitano baada ya makundi yaliokuwa yakihasimiana yalipokubaliana kutia sahihi mapatano ya amani yaliosaidia kusitisha Mapigano ya Pili ya Wenyewe kwa Wenyewe ya katika Sudan.

EU imechangisha Yuro milioni 5.5 kuisaidia UNRWA kuimarisha afya bora kwa wakazi wa Tarafa ya Ghaza

Ijumatatu, Umoja wa Ulaya (EU) umetangaza kufadhilia msaada wa Yuro milioni 5.5 kulipa Shirika la UM Linalofarajia Misaada ya Kihali kwa WaFalastina wa Mashariki ya Karibu (UNRWA) uliokusudiwa kuhudumia miradi ya afya na mazingira safi kwenye Tarafa ya Ghaza.

Kuzorotwa kwa suluhu Ghaza, mwaka mmoja baada ya mapambano, kwahatarisha maisha ya umma, anasema KM

Tarehe ya leo, inakamilisha mwaka mmoja tangu majeshi ya Israel yalipovamia eneo la WaFalastina la Tarafa ya Ghaza, mnamo Disemba 27 mwaka 2008, ambapo kwa wiki tatu kuliendelezwa operesheni za kijeshi zilizopewa jina la "Operesheni ya Kumwaga Risasi".

UNAMID kujihusisha na huduma za kuwasaidia vijana Sudan kuelewana kwa amani

Vikosi vya Mchanganyiko vya UA-UM kwa Darfur (UNAMID) vimeripoti kuwa vitaisaidia Wizara ya Ilmu ya Sudan, kuandaa Mashindano ya 21 ya Taifa, ambapo wanafunzi 7,000 ziada, wanaowakilisha skuli za sekandari za kutoka majimbo 25 ya Sudan hushiriki kwenye mashindano ya kitaaluma na riadha.

BU lapitisha azimio kuidhinisha MONUC kutumia "nyenzo zote za lazima" kuwahami raia katika JKK

Ijumatano wajumbe wa Baraza la Usalama (BU), wanaowakilisha mataifa wanachama 15, walipitisha, kwa kauli moja, azimio lenye kuruhusu Vikosi vya Ulinzi Amani vya UM katika JKK (MONUC), kutumia "uwezo wote walionao", chini ya Mlango wa VII wa Mkataba wa UM, unaoruhusu kutumia nguvu, ili kuwapatia raia hifadhi wanayostahiki, dhidi ya mashambulio kutoka makundi yote yenye kuhatarisha usalama wao.