Wahamiaji na Wakimbizi

UNHCR yafanikisha kuwapa hifadhi tena wakimbizi wa Mali waliofurushwa katika kambi Burkina Faso 

Shirika la Umoja wa Mataifa la kuhudumia wakimbizi UNHCR baada ya kuweka mazingira mazuri ya kurejea kwa wakimbizi wa Mali waliokuwa wamevikimbia vitisho na mashambulizi katika kambi mbili za nchini Burkina Faso, shirika hilo hivi karibuni liliratibu kuhamishwa kwa wakimbizi wapatao 1,211 kutoka Djibo kwenda kambi ya Goudoubo.

Hali ni tete Cabo Delgado, mashirika ya UN yahaha kunususu raia

Mashirika ya Umoja wa Mataifa yameripoti kuwepo kwa mashambulizi dhidi ya raia kwenye mji wa Palma jimboni Cabo Delgado nchini Msumbiji na kusababisha maelfu ya watu kukimbilia maeneo ya jirani ikiwemo mpakani na Tanzania.

Wasyria 9 kati ya 10 wanaishi kwenye umaskini, tuwasaidie – Guterres

Kupitia katika ujumbe wa video kwa Mkutano wa tano unaofanyika Brussels, Ubelgiji,  kuunga mkono Syria na ukanda huo, Katibu Mkuu wa Umoja wa Mataifa Antonio Guterres ametoa wito kwa wafadhili kusaidia kushughulikia mahitaji yanayoongezeka na kuongeza ahadi za kifedha na kibinadamu kuwasaidia Wasyria na "kupunguza mzigo mkubwa wa kifedha wa nchi ambazo zinahifadhi wakimbizi.” 

Ovale Citoyen ya Ufaransa wamenirudisha michezoni – Mkimbizi kutoka Syria.

Nchini Ufaransa, wanamichezo wa zamani wataalamu wa mchezo wa raga, kupitia taasisi yao ya Ovale Citoyen, wanatumia mchezo huo kama njia ya kujenga kujiamini na kuleta hali ya kijamii kati ya wakimbizi na watu waliotengwa.

UNHCR yaanzisha ATM za kusambaza maji katika masoko ya wakimbizi ya Dadaab

Shirika la Umoja wa Mataifa la kuhudumia wakimbizi, UNHCR limeanzisha mashine za kusambaza maji kwa mfumo wa ATM katika masoko yaliyoko katika kambi ya wakimbizi ya Dadaab. Kuanzishwa kwa vibanda vya maji ni sehemu ya Mpango wa Ujumuishaji wa Kijamii na Kiuchumi wa Garissa, GISEDP, unaoruhusu wakimbizi na jamii wenyeji kushirikiana katika mipango ya maendeleo endelevu.  

Kwa mamilioni ya raia wa Syria maisha ni karaha tupu msaada wa kimataifa wahitajika:UN

Maafisa wakuu wa Umoja wa Mataifa wametoa wito kwa jumuiya ya kimataifa kuongeza fedha za ufadhili wa mipango ya misaada kwa ajili ya mamilioni ya watu nchini Syria na ukanda mzima, ambao wanategemea msaada wa kuokoa maisha na na kuweza kujikimu baada ya miaka kumi ya vita. 

Kambi za wakimbizi Tigray zasambaratishwa- UNHCR

Shirika la Umoja wa Mataifa la kuhudumia wakimbizi, UNHCR hatimaye limeweza kuingia katika kambi za wakimbizi za Shimelba na Hitsats zilizoko jimbo la Tigray kaskazini mwa Ethopia, ikiwa ni mara ya kwanza tangu mwezi Novemba mwaka jana wa 2020 mapigano yalipoanza.

Chonde chonde Kenya hakikisheni uamuzi wowote kuhusu wakimbizi ni suluhu muafaka na endelevu:UNHCR  

Shirika la Umoja wa Mataifa la kuhudumia wakimbizi UNHCR limeisihi serikali ya Kenya kuhakikisha kwamba maamuzi yoyote itakayofanya kuhusu kambi za wakimbizi zilizoko nchini humo yanakuwa ni suluhu endelevu kwa wakimbizi hao.

Alphonso Davies msakata gozi wa Bayern FC  atangazwa kuwa balozi mwema wa UNHCR

Kutana na balozi mwema mpya wa shirika la Umoja wa Mataifa la kuhudumia wakimbizi UNHCR, si mwingine bali ni mwana kaandanda nyota Alphonzo Davies, anayesakata gozi kwenye timu ya FC Bayern Munich ya Ujerumani lakini pia ni mchezaji wa timu ya taifa ya Canada. Ametangazwa leo kufuatia mchango wake mkubwa kwa wakimbizi.

UNICEF yatiwa hofu na mustakabali wa watoto kufuatia moto Cox’s Bazar

Shirika la Umoja wa Mataifa la kuhudumia watoto, UNICEF limesema lina hofu kubwa juu ya mustakabali wa watoto wakimbizi wa kabila la Rohingya kufuatia moto mkubwa uliowaka katika kambi yao huko Cox’s Bazar siku ya Jumatatu ya tarehe 22 mwezi huu wa machi ambapo watu wamepoteza maisha na wengine wamejeruhiwa.