Wahamiaji na Wakimbizi

Ukosefu wa ajira na makazi salama vyawaacha wafanyakazi wahamiaji hatarini Lebanon:IOM 

Shirika la Umoja wa Mataifa la uhamiaji IOM limesema ukosefu wa ajira endelevu na makazi salama kutokana na janga la corona au COVID-19 na athari zake za kiuchumi vimewaacha maelfu ya wafanyakazi wahamiaji nchini Lebanon katrika hatari kubwa ya usafirishaji haramu wa binadamu na ukatili.

Wadau waandaa mkutano wa kuchangisha fedha kusaidia warohingya

Wakati kunafanyika mkutano wa wahisani ili kusaidia wakimbizi wa kabila la Rohingya nchini Myanmar ambao wengine wamekimbilia nchi jirani ikiwemo Bangladesh, shirika la Umoja wa Mataifa la kuhudumia wakimbizi, UNHCR, linasisitiza umuhimu wa usaidizi wa kimataifa na kuongeza maradufu jitihada za kusaka suluhu kwa jamii ambayo haina utaifa na imekimbia makwao.

Kutoka kuwa mkimbizi hadi kuajiriwa na kampuni ya kutumia ndege zisizo na rubani 

Mkimbizi kutoka Jamhuri ya Kidemokrasia ya Congo, DRC amekuta ndoto zake zikitimia baada ya kupata mafunzo katika Chuo cha Afrika kinachofundisha masuala ya ndege hizo pamoja na uchambuzi wa data.

Maisha mapya Hispania ni kutimiza ndoto yangu na familia yangu:Mkimbizi Ghaith 

Kutana na mtoto mkimbizi kutoka Syria na familia yake wanaoishi nchini Lebanon, ambao mpango wa shirika la umoja wa Mataifa la kuhudumia wakimbizi UNHCR wa kuwapeleka wakimbizi nchi ya tatu unawapa fursa ya kwenda kuishi Hispania, hatua wanaiona ni mwanya wa kutimiza ndoto ya muda mrefu. Kulikoni?

UNHCR inatoa huduma ya afya ya akili kwa wakimbizi Kakuma, Kenya.  

Kama sehemu ya mapambano dhidi ya ugonjwa wa COVID-19 unaosababishwa na virusi vya corona, shirika la Umoja wa Mataifa la kuhudumia wakimbizi UNHCR, kwa kushirikiana na wadau wengine wa masuala ya kibinadamu wameamua kutoa huduma ya afya ya akili kwa wakimbizi katika Kambi ya wakimbizi ya Kakuma nchini Kenya.

Wakimbizi wa Kisomali waungana kusaidia wenyeji wao, wahamiaji na wasaka hifadhi Afrika Kusini. 

Nchini Afrika Kusini, jamii ya wakimbizi wa Kisomali wameamua kushirikiana na majirani zao raia wa Afrika Kusini kuwasaidia watu ambao wanahangaika na maisha katika kipindi hiki cha janga la COVID-19 nchini humo.

Mkimbizi atumia Yoga kuleta ustawi kwa wakimbizi wengine kambini Kakuma 

Msongo wa mawazo, kiwewe na matatizo mengine ya akili ni moja ya changamoto zinazowapata wakimbizi kutokana na mazingira wanamoishi au maisha waliyopitia. Kutana na Rita Brown, mkimbizi kutoka Uganda ambaye anatumia nguvu ya mazoezi ya viungo aina ya Yoga kuleta ustawi na uponyaji kwa wakimbizi walioko katika kambi ya wakimbizi ya Kakuma nchini Kenya.

UNHCR imelaani vikali mauaji ya wakimbizi wa ndani 25 Burkina Faso 

 Shirika la Umoja wa Mataifa la kuhudumia wakimbizi UNHCR leo limelaani vikali shambulio ambalo limekatili maisha ya wakimbizi wa ndani 25 nchini Burkina Faso. 

Tulichapwa viboko kwa fimbo na nondo,  asema manusura wa kuzama baharini Ghuba

Wafanyakazi wa shirika la uhamiaji la Umoja wa Mataifa, IOM wamesaidia mamlaka za Djibouti katika kusaka na kuzika mabaki ya wahamiaji wanane waliozama mwishoni mwa wiki na kisha miili yao kusombwa hadi fukweni wakati wakitoka Yemen .
 

Wahamiaji wakumbwa na mateso yasiyo ya kawaida baharini Mediteranea 

Mateso wanayopitia wahamiaji wanaojaribu kuvuka bahari ya Mediteranea ili kusaka hali bora Ulaya ni ya kutisha, imesema ofisi ya haki za binadamu ya Umoja wa Mataifa, hii leo.