Wahamiaji na Wakimbizi

Mkataba wa wakimbizi watimiza miaka 70 leo 

Ikiwa leo ni miaka 70 tangu kusainiwa kwa mkataba wa kimataifa wa wakimbizi mwaka 1951, wanufaika wa nyaraka hiyo wanashukuru kwa kuwa bila nyaraka hiyo maisha yao yangalikuwa ya tabu .

Hatuna matumaini ya maisha yetu na watoto wetu - Wakimbizi Sudan kusini  

Video ya ujumbe wa Umoja wa Mataifa wa kulinda amani nchini Sudan Kusini, UNMISS inaonesha msururu wa watu na virago vyao, wengi wao wanawake na watoto, wakiwasili katika makazi ya muda yaliyoanzishwa kwenye eneo la ujumbe huo wiki chache zilizopita baada ya kuibuka kwa machafuko huko Tambura, jimboni Equatoria Magharibi. 

Nimejifungua wiki 3 sasa, bado natokwa damu, hospitali hakuna dawa- Mkimbizi Sudan Kusini

Mashirika ya kibinadamu yakiongozwa na shirika la Mpango wa Chakula la Umoja wa Mataifa, WFP, yanaendelea kutoa msaada wa chakula kwa wakimbizi wa ndani waliokimbia makazi yao Equatoria Magharibi Sudan Kusini kufuatia mashambulizi ya silaha.

UNHCR yawajengea nyumba wakimbizi wa ndani DRC

Machafuko yanaendelea Jimbo la Kivu kaskazini nchini Jamhuri ya kidemokrasia Kongo, DRC yanasababisha kila uchwao wananchi wa eneo hilo kuyakimbia makazi yao kwenda kuishi mikoa ya jirani.

Msaada wa fedha kwa wakimbizi wazidisha amani baina ya wakimbizi na wenyeji Uganda 

Uganda nchi inayoongoza kuhifadhi wakimbizi wengi zaidi barani Afrika, imeshuhudia kuongezeka kwa mahusiano mema baina ya wakimbizi na wananchi waliowakaribisha baada ya Shirika la Umoja wa Mataifa la Mpango wa chakula WFP, kuanza kutoa msaada wa kifedha kwa wakimbizi hali inayowawezesha wakimbizi kununua bidhaa kutoka kwa wanajamii pamoja na wao wenyewe kufungua biashara zao.

Idhini ya kuvusha misaada ikikoma Julai 10, Wasyria watakuwa hatarini zaidi - OCHA 

Ofisi ya Umoja wa Mataifa ya uratibu wa misaada ya kibinadamu, OCHA, imeonesha wasiwasi wake kuwa ifikapo tarehe 10 mwezi huu wa Julai,  kushindwa kuongeza idhini iliyowekwa na Baraza la Usalama la UN ya kuvusha misaada ya kibinadamu kutaongeza viwango vya mateso kwa raia ambavyo ambavyo havijaonekana katika kipindi cha miaka 10 ya mgogoro wa Syria.

Twatamani kurejea nyumbani lakini hali ni muhali- Wakimbizi Chad

Miaka kadhaa baada ya kukimbia vijiji vyao nchini Chad kufuatia mashambulizi yaliyofanywa na vikundi vilivyojihami maelfu ya wakimbizi wa ndani na wakimbizi kutoka nchi jirani bado wanashindwa kurejea makwao na wanajaribu kujenga maisha yao katika jamii zilizowakaribisha nchini humo.

Mungu anatuambia tusipoteze matumaini nami sijapoteza yangu: Mkimbizi Mihret

Mihret Gerezgiher mwenye umri wa miaka 25 ni mkimbizi kutoka Ethiopia lakini sasa anaishi katika makazi  ya wakimbizi  ya Tunaydbah Mashariki mwa Sudan. Alilazimika kukimbia na nguo alizovaa tu na kuacha kila kitu machafuko yaliposhika kasi jimboni kwake Tigray Novemba 2020, unyama alioushuhudia anasema bado unampa jinamizi kila alalapo

Asanteni Amerika ya Kusini kwa kuwafanya wakimbizi ni sehemu ya wananchi wenu 

Kamishna Mkuu wa shirika la Umoja wa Mataifa la kuhudumia wakimbizi, UNHCR, Filippo Grandi amehitimisha ziara yake ya wiki moja ya kutembelea nchi zilizoko Amerika ya Kusini na kuzishukuru nchi hizo kwa kazi kubwa ya kuhifadhi wakimbizi ambapo takwimu zinaonesha wamehifadhi zaidi ya robo ya wakimbizi wote duniani.

UNHCR yaitisha mkutano na wadau kuijadili suluhu ya Venezuela

Venezuela, moja kati ya Mataifa ambayo wananchi wake wanalikimbia kwa wingi takwimu kwenda kuomba hifadhi mataifa mengine ambapo takwimu za hivi karibuni zinaonesha takribani robo ya wananchi wake wamekimbia hali ambayo imeshafanya Shirika la Wakimbizi la Umoja wa Mataifa kuitisha mkutano hii leo kutafuta suluhu ya kudumu. Tuungane na Leah Mushi kwa undani wa taarifa hii