Wahamiaji na Wakimbizi

Uhamiaji Afrika si karaha bali ni faida:UNCTAD

Kuuchukulia uhamiaji kama ni tatizo si fikra nzuri , kwani unahamiaji una faida nyingi, kwa wahamiaji wenyewe lakini pia kwa jamii zinazowahifadhi, iwe katika masuala ya kiuchumi, utamaduni na hata maendeleo kwa mujibu wa Kamati ya Umoja wa Mataifa ya biashara na maendeleo UNCTAD

Benki ya Dunia yaishika mkono Bangladesh ili iboreshe huduma kwa warohingya

Benki ya Dunia imechukua hatua kusaidia Bangladesh kuimarisha huduma za afya  ili nchi hiyo iweze kukabiliana na mahitaji ya wakimbizi wa Rohingya waliosaka hifadhi eneo la Cox’s Baz ar nchini humo.

Nchini Lebanon, Profesa wa hisabati ameweza kugundua kipaji cha mtoto mkimbizi kutoka Syria.

Mtoto huyo Abdel Razzaq mwenye umri wa miaka 12 aligunduliwa kipaji hicho na Profesa Abbas Maana  kupitia mradi wa kufundisha watoto unaondeshwa na shirika la kiraia la Teach For Lebanon.

Mboni ya jicho kumwezesha mwanamke kupokea pesa zake- WFP

Mashirika mawili ya Umoja wa Mataifa yamebuni mbinu mbadala za kuwasaidia wanawake wakimbizi wa Syria kupokea fedha zao za ujira moja kwa moja badala ya kupitishia kwenye akaunti za benki. Taarifa zaidi na Grace Kaneiya.

ILO yaleta matumaini kwa watu wenye ulemavu Jordan

Nchini Jordan mradi wa shirika la kazi duniani ILO wa kujenga stadi za kutengeneza picha umeleta matumaini sio tu kwa wenyeji bali pia kwa wakimbizi wa Syria. Taarifa zaidi na John Kibego.

Japo haiwasahaulishi madhila Radio yawahabarisha wakimbizi wa Rohingya

Mawasiliano ya radio ni muhimu sana kwa jamii yoyote, kwani mbali ya kuburudisha pia huelimisha na kufikisha tarifa muhimu kwa jamii husika, vivyohivyo kwa wakimbizi wa Rohingya walio kambini kwenye makazi ya Katupalong nchini Bangladesh. Kwa mujibu wa shirika la Umoja wa Mataifa la kuhudumia wakimbizi UNHCR mawasiliano ni muhimu sana hasa jamii kama ya Rohingya wanaoishi kambini. 

Mzigo wa wakimbizi wa Rohingya ni jukumu letu sote:Guterres

Mzingo wa zahma ya wakimbizi wa Rohingya sio jukumu la serikali ya Bangladesh pekee bali unapaswa kuwa ni jukumu la dunia nzima. Wito huo umetolewa leo na Katibu Mkuu wa Umoja wa Mataifa Antonio Guterres kwenye kikao cha Baraza la Usalama kuhusu hali ya wakimbizi wa Rohingya, kilichofanyika kwenye makao makuu ya Umoja wa Mataifa mjini New York Marekani.

 

IOM yaomba msaada kwa wahamiaji waliotimuliwa katika migodi ya dhahabu, Chad

Shirika  la Uhamiaji la  Umoja wa Mataifa,  IOM linaomba jamii ya kimataifa liipatie dola zaidi ya 500,000 ili kutoa msaada wa kibinadamu au kurejesha nyumbani maelfu ya wahamiaji walioathiriwa na hatua ya serikali ya Chad, ya  kusitisha shughuli zote za uchimbaji huko Miski na Kouri Bougri, ambayo ni miongoni mwa machimbo makubwa zaidi ya dhahabu nchini  humo.

Mapigano Kivu Kaskazini ‘mwiba’ kwa harakati dhidi ya Ebola- UNHCR

Nchini Jamhuri ya Kidemokrasia ya Congo, DRC, mapigano yanayoendelea katika jimbo la Kivu Kaskazini yanatishia harakati za kukabiliana na ugonjwa wa Ebola uliolipuka jimboni humo mwezi uliopita. John Kibego na taarifa kamili.

Msaada watakiwa kuitikia mahitaji ya wakimbizi na wahamiaji wa Venezuela: UNHCR, IOM

Mashirika ya Umoja wa Mataifa likiwemo lile la kuhudumia wakimbizi (UNHCR) na lile la uhamiaji, IOM,  wametoa wito wa pamoja kwa jamii ya kimataifa kutoa misaada zaidi ili kuitikia mahitaji ya wakimbizi na wahamiaji wa Venezuela katika nchi mbali mbali za ukanda wa Amerika Kusini.