Wahamiaji na Wakimbizi

Machafuko yakiendelea Gaza UN yahaha kurejesha utulivu.

Wakati machafuko yakiendelea kushika kasi upya kwenye Ukanda wa Gaza , Umoja wa Mataifa unasema unafuatilia haki kwa karibu huku mratibu maalumu wa Umoja wa Mataifa kwenye ukanda huo Nickolay Mladenov akishirikiana na pande zote kujaribu kurejesha utulivu.

Ukosefu wa amani DRC ni kidonda moyoni mwangu-mkimbizi Lubunga

Mpango wa shirika la wakimbizi duniani, UNHCR wa kuwapatia wakimbizi walioko Tanzania hifadih katika nchi ya tatu umeendelea kuleta tija kwa wakimbizi wakiwemo wale kutoka Jamhuri ya Kidemokrasia ya Congo, DRC ambao sasa wanapazia jinsi walivyonufaika. 

Veterani wa vita ya pili ya Dunia. Mtetezi wa wakimbizi.

Kutana na Mzee Harry Smith, anayetambulika kuwa muasi mzee kuliko wote duniani. Ni askari mpiganaji  wa vita ya pili ya Dunia. Hivi sasa ni mtetezi wa maslahi ya wakimbizi. 

Machafuko yanayoendelea Hudaydah ni changamoto kwa raia na watoa misaada:UNHCR/WFP

Mashirika ya Umoja wa Mataifa, lile la kuhudumia wakimbizi, UNHCR na la mpango wa chakula duniani, WFP leo yameelezea hofu yake dhidi ya kuendelea kwa machafuko kwenye mji wa Hudaydah nchini Yemen na kusema yanaweka njia panda mustakabali wa raia, wakimbizi na operesheni za wahudumu wa misaada ya kibinadamu.

 

 Idadi ya wakimbizi na wahamiaji wa Venezulea yafikia milioni 3

Shirika la Umoja wa Mataifa la kuhudumia wakimbizi UNHCR na lile la uhamiaji, IOM, yametangaza leo kwamba idadi ya wakimbizi na wahamiaji kutoka Venezuela sasa imefikia milioni 3. Grace Kaneiya na taarifa kamili

Sabuni imenikomboa na kusaidia wakimbizi wenzangu Kakuma :Havyarimana

Kutana na Innocent Havyarimana, mkimbizi kutoka Burundi anayeishi katika kambi ya wakimbizi ya Kakuma nchini Kenya, ni mjasiriliamali anayetengeneza aina 10 za sababuni na kuziuza kambini hapo kwa wakimbizi wenzie na jamii zinazowahifadhi. Hivi sasa biashara yake inashamiri na kuleta tija kwake, familia yake na wakimbizi wenzie kwa msaada mkubwa wa shirika la Umoja wa Mataifa la kuhudumia wakimbizi , UNHCR. Flora Nducha na taarifa kamili.

Wakimbizi halali Uganda ni milioni 1.1; yasema UNHCR

Kazi ya kuhakiki wakimbizi na wasaka hifadhi nchini Uganda kwa kutumia alama za vidole na macho imekamilika kwa kubaini wakimbizi hewa 300,000 na pia kugundua kuwepo kwa wakimbizi waliotoka kambi ya Kakuma nchini Kenya. Assumpta Massoi na taarifa kamili.

Maisha ya maelfu ya raia wa DRC hatarini baada ya kutimuliwa Angola:UN

Kamishina Mkuu wa Haki za binadamu wa Umoja wa Mataifa ametoa wito kwa serikali ya Angola kusitisha mara moja zoezi la kuwarejesha kwa nguvu maelfu ya raia wa Jamhuri ya Kidemokarasia ya Congo DRC, hadi pale itakapohakikishwa kwamba kujeresheshwa huko kunazingatia utawala wa sheria na haki za binadamu za wahamiaji.

Nchi zisiweke rehani haki za wahamiaji kwa madai ya hofu ya usalama:UN

Wakati msafara wa mamia ya raia wa Amerika ya Kati ukiripotiwa kuvuka mpaka na kuingia Mexico mwishoni mwa wiki, mtaalamu wa Umoja wa Mataifa kuhusu haki za binadamu za wahamiaji, Felipe Gonzalez, ametoa wito kwa nchi kutoziweka rehani haki za binadamu za wahamiaji hao kwa  sababu ya hofu ya masuala ya usalama.

Makamanda walichagua wanawake wa kuwaoa, wasiochaguliwa walibakwa na wapiganaji- Ripoti

Ripoti mpya ya Umoja wa Mataifa imeorodhesha mateso kwa raia wa kawaida katika  eneo la Equatoria Magharibi nchini Sudan Kusini ambapo watu 900 walitekwa na wengine 24,000 walilazimishwa kukimbia makazi  yao kutokana na  kuongezeka kwa ghasia kati ya mwezi Aprili na Agosti mwaka huu kabla ya makubaliano ya amani nchini humo.