Wahamiaji na Wakimbizi

Makazi ya wakimbizi: 'Pengo kubwa' linaendelea kati ya mahitaji, na nafasi zilizopo

Ingawa wakimbizi takribani milioni 1.4 duniani kote wanakadiriwa kuwa katika uhitaji wa haraka wa kupatiwa makazi mapya katika nchi nyingine, ni wakimbizi 63,696 pekee ambao walipata fursa hiyo kupitia shirika la Umoja wa Mataifa la kuhudumia wakimbizi UNHCR kwa mwaka jana 2019 hiyo ikiwa ni asilimia 4.5 pekee kutokana na kuendelea kwa upungufu wa serikali kote duniani kutoa nafasi hizo.

UNHCR yakaribisha sheria mpya ya Tajikistan inayowapa hadhi wakimbizi na wasio na utaifa

Shirika la Umoja wa Mataifa la kuhudumia wakimbizi UNHCR, limekaribisha sheria mpya iliyopitishwa nchini Tajikistan ambayo inaruhusu raia wa kigeni na watu wasio na utaifa wanaoishi nchini humo kuhalalisha ukaaji wao kwa kupata vibali vya kuishi moja kwa moja ambavyo vitawawezesha pia baada ya miaka mitatu kuomba uraia wa Tajikistan.

Msaada umefika kwa maelfu ya manusura wa Kolom waliokimbilia mjini Abyei, Sudan Kusini

Shirika la Umoja wa Mataifa linaloshughulika na wahamiaji, IOM, hii leo mjini Abyei Sudan Kusini, wametoa taarifa ya kufikisha  misaada kwa manusura wa mashambulizi yaliyofanyika jumatano iliyopita katika mji wa Kolom, kilomita tisa kutoka mji wa Abyei.

Bachelet yupo Ituri DRC kujadili ghasia za kikabila

Kamishna Mkuu wa haki za binadamu wa Umoja wa Mataifa Michelle Bachelet amewasili Bunia, mji mkuu wa jimbo la Ituri nchini Jamhuri ya Kidemokrasia ya Congo, DRC leo asubuhi kwa saa za huko na kuwa na mazungumzo na Waziri wa Mambo ya haki za binadamu na wajumbe wa kamati ya usalama wa jimbo hilo ambalo hivi hivi karibuni limekuwa limegubikwa na changamoto za kiusalama kutokana na mapigano ya kati ya wahema na walendu.

Hatutokubali zahma ya Libya kuendelea:Guterres

Katibu Mkuu wa Umoja wa Mataifa Antonio Guterres leo ameuambia mkutano wa kimataifa kwa ajili ya Libya unaofanyika mjini Berlin Ujerumani kwamba zahma inayoendelea nchini Libya haitokubaliwa kuendelea na kwamba suluhu pekee ni kwa njia ya amani na majadiliano na si mtutu wa bunduki. 

Hali ya maelfu ya watoto wakimbizi na wahamiaji Libya inasikitisha:UNICEF

Dunia haipaswi kukubali hali mbaya na isiyoelezeka inayowakabili maelfu ya watoto wakimbizi na wahamiaji nchini Libya amesema mkurugenzi mtendaji wa shirika la Umoja wa Mataifa la kuhudumia watoto UNICEF.

Ripoti ya “Wamefuta ndoto za watoto wangu” yachapishwa nchini Syria

Ripoti ya tume ya uchunguzi ya Umoja wa Mataifa kuhusu Syria imesema katika Jamhuri ya kiarabu ya Syria, watoto   wameporwa utoto wao kwa kulazimishwa kushiriki katika vita ya kikatili na pia kumekuwa na ukiukwaji wa haki zao kutoka katika pande zote za mzozo huku wakibaki katika katika hatari ya dhuluma na unyanyasaji.

Wahamiaji elfu moja warejeshwa Libya baada ya kufunga safari kuvuka Mediterranea-IOM

Takriban wahamiaji elfu moja ikiwemo zaidi ya wanawake mia mbili na watoto wamerejeshwa katika pwani ya Libya tangu kuanza kwa mwaka huu limesema Shirika la uhamiaji la Umoja wa Mataifa, IOM.

UNHCR yakaribisha sheria mpya El Salvador kusaidia wakimbizi wa ndani

Shirika la Umoja wa Mataifa la kuhudumia wakimbizi la UNHCR, limekaribisha kupitishwa kwa sheria mpya nchini El Salvador, ya kuwasaidia na kuwalinda wakimbizi.

UNHCR yatunukiwa kombe la IOC kwa huduma kwa wakimbizi kupitia michezo

Kamati ya kimataifa ya Olimpiki IOC leo imelitunukia tuzo ya juu ya kikombe cha  Olimpiki shirika la Umoja wa Mataifa linalohudumia wakimbizi UNHCR kwa sababu ya kazi zake za kusaidia wakimbizi na jamii zinazowahifadhi kupitia michezo na kuchagiza maadili ya Olimpiki kote duniani.