Sheria na Kuzuia Uhalifu

Mkakati wa “Spotlight" unazaa matunda tuwekeze zaidi:UN

Mashirika ya Umoja wa Mataifa likiwemo la kuhudumia watoto UNICEF, la mpango wa maendeleo UNDP  na linaloshughulikia masuala ya wanawake UN Women leo yamezindua ripoti ya matokeo ya mkakati wa kukabiliana na ukatili wa kijinsia dhidi ya wanawake na wasichana ujulikanao kama “sportlight Initiative” kwa mwaka 2020 na 2021. 

Serikali zapaswa kusaidia watoto waliozaliwa baada ya mama zao kubakwa wakati wa vita : UN

Watoto waliozaliwa baada ya mama zao kubakwa katika mazingira ya vita na mama zao kunyanyapaliwa, kutengwa, na kunyimwa rasilimali, wanakabiliwa na ubaguzi kwa njia nyingi na katika nyanja nyingi, pamoja na kutengwa na jamii zao wenyewe

Mauaji ya waandamanaji Sudan ni ukiukwaji mkubwa wa haki za binadamu:Bachelet

Kamishna mkuu wa haki za binadamu wa Umoja wa Mataifa Michelle Bachelet leo amelaani vikali mauaji ya watu 39 nchini Sudan yaliyofanywa na vikosi vya ulinzi tangu kufanyika mapinduzi ya kijeshi nchini humo tarehe 25 Oktoba mwaka huu. 

Hali ya hatari iliyotangazwa Ethiopia inatumika vibaya: UN

Ofisi ya Umoja wa Mataifa ya haki za bindamu, OHCHR, imeelezea wasiwasi wake kufuatia vitendo vya ukamataji wa watu vilivyofanyika wiki iliyopita katika mji mkuu wa Ethiopia, Addis Ababa, na pia katika maeneo ya Gondar, Bahir Dar na mengineyo, huku polisi wakitumia vifungu vingi vya hali ya hatari iliyotangazwa tarehe 2 Novemba,2021 ili kukamata, kuwatafuta na kuwaweka kizuizini.

Zaidi ya watoto 45,000 waliokuwa kizuizini waachiliwa huru: UNICEF

Uchambuzi mpya uliotolewa leo na Shirika la Umoja wa Mataifa lakuhudumia watoto- UNICEF umeeleza kuwa zaidi ya watoto 45,000 wameachiliwa huru kutoka kizuizini na kurudishwa kwa familia zao wakiwa salama au kutafutiwa njia mbadala inayofaa kwa malezi ya watoto tangu kuanza kwa janga la COVID-19.

Tuna wasiwasi mkubwa na ukiukwaji wa haki unaoendelea DRC: OHCHR

Ofisi ya kamishna mkuu wa Haki za Binadamu  wa Umoja wa Mataifa OHCHR imesema hali katika maeneo ya Masisi na Lubero kwenye jimbo la Kivu Kaskazini nchini Jamhuri ya Kidemokrasia ya Congo DRC inatia wasiwasi mkubwa. 

Mlinda amani wa Nepal anayehudumu DRC ashinda tuzo ya Afisa wa Polisi Mwanamke

Mlinda amani wa Umoja wa Mataifa kutoka Nepal Sangya Malla anayehudumu katika ujumbe wa Umoja huo nchini Jamhuri ya Kidemokrasia ya Kongo -DRC, MONUSCO ameshinda tuzo ya Afisa Polisi Mwanamke wa Umoja wa Mataifa kwa mwaka 2021.

Moto waua watoto wakiwa shuleni nchini Niger

Watoto kadhaa wamekufa baada ya moto kuteketeza shule ya msingi katika mji wa Maradi nchini Niger limeeleza shirika la Umoja wa Mataifa la kuhudumia Watoto UNICEF nchini humo. 

Ingawa fursa za mtandao ni muhimu kwa watoto pia zina hatari kubwa:UNESCO

Katika kuadhimisha siku ya kimataifa ya kupinga ukatili na unyanyasaji mashuleni na mtandaoni, shirika la Umoja wa Mataifa la elimu sayansi na utamaduni UNESCO limeonya kwamba ingawa matumizi ya mtandao yanatoa fursa kubwa ya mawasiliano na kusoma pia yanawaweka watoto na vijana katika hatari kubwa ya ukatili na unyanyasaji.

Lazima kuwe na uwajibikaji katika ukiukwaji mkubwa wa haki Tigray:OHCHR Ripoti

Utafiti wa Pamoja uliofanywa na tume ya haki za binadamu nchini Ethiopia (EHRC) na ofisi ya haki za binadamu ya Umoja wa Mataifa (OHCHR) umebaini kwamba kuna sababu za msingi za kuamini kwamba pande zote katika mzozo wa Tigray nchini Ethiopia kwa kiasi fulani wamekiuka sheria za kimataifa za haki za binadamu, sheria za ubinadamu na sheria za wakimbizi, ukiukwaji ambao unaweza kuwa ni uhalifu wa kivita na uhalifu dhidi ya ubinadamu.