Sheria na Kuzuia Uhalifu

MONUC imethibitisha askari watoto wanaendelea kuajiriwa DRC, kinyume na kanuni za kimataifa

Shirika la UM juu ya Ulinzi wa Amani katika Jamhuri ya Kidemokrasia ya Kongo (MONUC)limethibitisha kwenye ripoti yake iliobainishwa wiki hii, ya kuwa askari watoto, wenye umri mdogo, bado wanaendelea kushinikizwa kusema uongo kuhusu umri wao na hadhi yao ya kiraia, ili wapate fursa ya kujiandikisha na jeshi jipya la muungano la taifa. TRukio hili limeshuhudiwa kujiri katika jimbo la Kivu Kaskazini.

KM akariri mwito wa kuimarisha ushirikiano na Afrika, na kusifu mchango wa Ufaransa katika Afrika

Alkhamisi Mshauri wa KM juu ya Masuala ya Kisiasa, Tuliameni Kalomoh aliwasilisha risala maalumu ya KM Ban Ki-moon kwenye Mkutano Mkuu wa siku tano juu ya hatua za kuimarisha uhusiano kati ya Afrika na Ufaransa uliofanyika kwenye mji wa Cannes, Ufaransa. Viongozi wa kutoka mataifa kadha ya Afrika pamoja na Ufaransa walihudhuria mkusanyiko huo.

Mtaalamu wa haki za kibinadamu kwa Usomali kuitaka serekali kuachia huru waandishi watatu wa habari

Ghanim Alnajjar, Mtaalamu anayehusika na Haki za Kibinadamu katika Usomali amependekeza na kuawahimiza wenye madaraka Usomali kuwaachia huru, halan, wale waandishi habari watatu wa Kisomali walioshikwa karibuni na kuwekwa kizuizini. Alisema kitendo hiki kinatia wasiwasi na alikumbusha ya kwamba ni muhimu kwa vyombo vya habari kuwa na uwezo wa kueneza ripoti zao bila kuhofu wenye madaraka, msimamo ambao ukitekelezwa kama unavyotakikana ni kadhia itakayosaidia pakubwa kurfufua uslama na amani katika Usomali.

Naibu KM mpya aahidi usimamizi wa kazi za UM kwa nidhamu za fungamano

Ijumatatu, Februari 05 (2007) Asha-Rose Migiro, aliyekuwa Waziri wa Mambo ya Nje na Maendeleo wa Tanzania aliapishwa rasmi kuwa Naibu KM mpya wa UM. Baada ya Bi Migiro kuapishwa na kutia sahihi waraka za UM alijulishwa na KM Ban Ki-moon na waandishi habari wa kimataifa waliopo Makao Makuu ya Umoja wa Mataifa. Naibu KM Migiro aliwaambia wanahabari hawo kwamba atajitahidi kama awezavyo kuziongoza kazi za UM kwa nidhamu iliyoungana, na kwa taratibu zinazoeleweka kwa masilahi na natija za taasisi hii pekee ya kimataifa.

Mataifa Wanachama yakutana mjini Paris kuzingatia ukomeshaji wa matumizi ya watoto katika mikwaruzano ya vita

Mnamo mwanzo wa wiki wawakilishi kutoka mataifa wanachama 58 walikutana kwa siki mbili katika mji wa Paris, Ufaransa kwenye mkutano uliopitisha itifaki ya kukomesha, kote ulimwenguni, tabia karaha na vitimbi haramu vya kuajiri kwa nguvu watoto wanaolazimishwa kushiriki katika vita na mapigano.

WFP yashtumu mashambulio dhidi ya misfara yake nchini Chad

Shirika la UM juu ya Miradi ya Chakula Duniani (WFP) limeshtumu vikali utekaji nyara na mashambulio yaliyofanyika mwisho wa wiki iliopita, dhidi ya misafara ya magari matupu 48 yaliokuwa yakirejea katika mji wa Khufra, Libya ya kusini kutokea Chad ya Mashariki. Haya ni mashambulio ya tatu dhidi ya misafara ya WFP katika miezi miwili iliopita.

ICTR imeamua kuendeleza kifungo cha maisha kwa aliyekuwa Waziri wa Fedha Rwanda

Mahakama ya UM juu ya Rwanda (ICTR) iliopo Arusha, Tanzania imeamua kuendeleza kifungo cha maisha dhidi ya Emmanuel Ndindabahizi, aliyekuwa Waziri wa Fedha wa Rwanda.

Watuhumiwa wanne wa jinai ya jinsia warudishwa Bangladesh kutoka Sudan

Shirika la UM juu ya Huduma za Amani katika Sudan (UNMIS)limethibitisha kwenye ripoti iliyotoka majuzi kwamba wanajeshi wanne wa Bangladesh, waliotuhumiwa makosa ya kijinsiya katika eneo la Juba, Sudan walilazimika kurejeshwa makwao miezi michache iliopita.

UM utaendelea kuisaidia Burundi kujenga amani, aahidi KM Ban

Wanajeshi wa UM juu ya ulinzi wa amani nchini Burundi walifunga shughuli zao mnamo tarehe 31 Disemba 2006.

UNICEF yatangaza ombi la misaada ya kuhudumia Chad

Shirika la UM juu ya Maendeleo ya Watoto (UNICEF) wiki hii limetangaza ombi maalumu lenye kuwahimiza wahisani wa kimataifa kufadhilia msaada wa dharura wa dola milioni 9 kukidhia mahitaji ya mamia elfu ya wahamiaji waliopo kwenye maeneo ya mashariki na kusini ya Chad.