Sheria na Kuzuia Uhalifu

Licha ya ahadi, Burundi yaendelea kukiuka haki za binadamu na kufunga malngo wa demokrasia: HRC

Tume ya Umoja wa Mataifa ya uchunguzi kuhusu hali ya haki za binadamu nchini Burundi imesema licha ya ahadi za awali za Rais Évariste Ndayishimiye za kuboresha haki za binadamu nchini mwake na kurejesha utawala wa sheria, bado hakuna hatua zozote zilizochukuliwa kutimiza ahadi hizo, huku jukwaa la kidemokrasia likiendelea kufungwa na ukiukwaji mkubwa wa haki za binadamu ukitamalaki tangu Rais huyo achukue madaraka Juni 2020.

Tuhuma za ukatili wa kingono zawafungasha virago walinda amani wa Gabon huko MINUSCA

Sekretarieti ya Umoja wa Mataifa imechukua uamuzi wa kukirudisha nyumbani kikosi chote cha Gabon kilichokuwa kikihudumu kwenye mpango wa Umoja wa Mataifa wa ulinzi wa amani nchini Jamhuri ya Afrika ya Kati CAR ujulikanao kama -MINUSCA kufuatia madai ya unyanyasaji wa kijinsia na kingono (SEA). 

Ninalaani utwaaji wowote wa serikali kwa mtutu wa bunduki - Antonio Guterres 

Kufuatia taarifa za wanajeshi wa Guinea kumshikilia Rais wa nchi hiyo Bwana Alpha Conde na kutangaza kuipindua serikali, Katibu Mkuu wa Umoja wa Mataifa Antonio Guterres ametuma ujumbe kupitia katika ukurasa wake wa Twitter akitoa wito wa kuachiliwa kwa Rais Conde.

Raia 50 wauawa Mali, Guterres asema ni ukiukwaji wa sheria za kimataifa

Katibu Mkuu wa Umoja wa Mataifa Antonio Guterres amelaani vikali mashambulio yaliyofanywa dhidi ya raia tarehe 8 Agosti mwaka huu 2021 katika mkoa wa Gao nchini Mali ambapo raia takribani raia hamsini waliripotiwa kuuawa na kadhaa kujeruhiwa. 

Katibu Mkuu UN alaani mauaji ya wafanyakazi wa misaada Tigray na kutaka hatua zichukuliwe

Katibu Mkuu wa Umoja wa Mataifa Antonio Guterres amelaani vikali mauaji ya wafanyakazi watatu wa shirika la Misaada la madaktari wasio na mipaka MSF yaliyofanyika huko Tigray nchini Ethiopia na kutaka wahusika wa mauaji hayo wakamatwe na kuchukuliwa hatua stahiki. 

Tutumie takwimu za kisayansi kupambana na matumizi ya Dawa za Kulevya: Guterres

Katibu Mkuu wa Umoja wa mataifa Antonio Guterres ameziasa nchi wanachama kuhakikisha zinatumia takwimu zinazotolewa na wanasayansi katika kufanya maamuzi yao ili kuokoa maisha ya wananchi wengi zaidi akitolea mfano namna sayansi ilivyoweza kuleta afueni kwenye mapambano ya janga la Corona au COVID-19.

Mwendesha Mashtaka Mkuu Mpya wa ICC aapishwa Rasmi

“Naapa kwamba nitatekeleza majukumu yangu kwa Mamlaka yangu ya Mwendesha Mashtaka Mkuu wa Mahakama ya Kimataifa ya Kamosa ya Jinai kwa heshima, uaminifu, bila upendeleo na kwa dhamiri, nitaheshimu usiri kwenye kufanya uchunguzi na kuendesha mashtaka” kiapo cha Mkuu mpya wa ICC

 

Mambo 5 unayopaswa kufahamu kuhusu ICAO: Shirika la Umoja wa Mataifa la Anga

Katika kujibu kile kinachoelezwa kuwa tukio la ndege ya kibiashara kulazimishwa kutua katika Mji Mkuu wa Belarus, Minsk, Shirika la Umoja wa Mataifa la Usafiri wa Anga, ICAO, liliitisha mkutano wa dharura wa kidiplomasia siku ya Alhamisi. Je ICAO inasema nini kuhusu tukio hilo, na ina nguvu gani?

ICC yamfunga jela kamanda wa waasi nchini Uganda 

Mahakama ya kimataifa ya makosa ya jinai, ICC imemhukumu kifungo cha miaka 25 jela kamanda wa zamani wa kikundi cha waasi cha Lord’s Resistance Army, LRA nchini Uganda, Dominic Ongwen. Hukumu hiyo dhidi ya Ongwen mwenye  umri wa miaka 45, imetolewa leo huko The Hague Uholanzi kufuatia kamanda huyo wa zamani kupatikana na hatia ya makosa 61tarehe 4 mwezi Februari mwaka huu. 

Guterres amelaani vikali shambulio la kujitoa muhanga Afghanistan

Katibu Mkuu wa Umoja wa Mataifa Antonio Guterres amelaani vikali shambulio la kujitoa muhanga lililofanyika jana Ijumaa katika katika eneo la Puli-e-Alam, jimbo Logar nchini Afghanistan.