Sheria na Kuzuia Uhalifu

Juhudi za kimataifa kupiga vita utekaji nyara wa watoto Afrika

Majuzi wawakilishi wa mataifa zaidi ya 10 kutoka Afrika Mashariki na eneo la Maziwa Makuu walikusanyika mjini Kampala, Uganda kwenye mkutano wa Shirika la UM dhidi ya Jinai na Madawa ya Kulevya (UNODC), na walizingatia ratiba ya sheria imara dhidi ya biashara ya magendo ya kuteka nyara watu na watoto, na kuwavusha mipaka kutoka makwao na kuwapeleka kwenye maeneo mengineyo kuendeleza ajira haramu, ya lazima, inayotengua kabisa haki za kibinadamu.~~

Watuhumiwa watatu wa makosa ya vita Sierra Leone kupatikana na hatia ya mashtaka 11

Mahakama Maalumu juu ya Jinai ya Vita Sierra Leone imetoa hukumu yake ya kwanza wiki hii ambapo watuhumiwa watatu wa Jeshi la Baraza la Mapinduzi – yaani Alex Tamba Brima, Brima Bazzy Kamara na Santigie Borbor Kanu - walipatikana na hatia ya mashtaka 11 yanayohusikana na makosa ya vita na vile vile jinai dhidi ya utu. Hukumu juu ya adhabu ya watuhumiwa hawa itatolewa na Mahakama kati ya mwezi Julai.

Sudan yakubali vikosi vya mseto vya kimataifa kwa Darfur

Baada ya kufanyika mashauriano ya kiufundi, ya siku mbili, kwenye mji wa Addis Ababa, Ethiopia katika wiki hii, kati ya wawakilishi wa UM na wale wa kutoka AU, pamoja na wajumbe wa Serekali ya Sudan, kulidhihirika fafanuzi za kuridhisha juu ya yale masuala yaliokuwa yakikwamisha utekelezaji wa mpango wa kupeleka vikosi vya mseto kulinda amani katika jimbo la magharibi la Darfur. Baada ya kikao cha Addis Ababa kulitolewa taarifa ya pamoja kati ya Serekali ya Sudan na AU iliosema ya kuwa Sudan imeridhia na kuidhinisha ule mpango wa kupeleka vikosi vya mseto vya UM na AU kwenye jimbo la Darfur.

Jedwali ya kukamilisha kesi kwa wakati imeripotiwa rasmi na ICTR

Erik Mose, Raisi wa Mahakama ya Kimataifa juu ya Rwanda (ICTR), ametuma ripoti kwa Baraza la Usalama inayoelezea mpango wa matarajio ya kukamilisha kesi zake kwa wakati.

ICTR yafungua mashtaka, kwa mara ya awali, kwa ushahidi wa uongo

Mahakama ya ICTR, kwa mara ya kwanza tangu kuanzishwa, imefungua mashtaka kwa shahidi fulani aliyetoa ushahidi wa uwongo kwenye kesi ya aliyekuwa Waziri wa Ilimu wa Rwanda, Jean de Dieu Kamuhanda, ambaye alishtakiwa kushiriki kwenye mauaji ya halaiki yaliotukia nchini mwao katika 1994. Jina la mshtakiwa wa ushahidi wa uongo bado halijadhihirishwa rasmi hadharani.

UM walaani mauaji ya mhudumia misaada ya kiutu katika CAR

John Holmes, Makamu KM juu ya Masuala ya Kiutu na Mshauri wa Misaada ya Dharura amelaani vikali mauaji ya Elsa Serfass mfanyakazi wa shirika linalotoa huduma bure za afya la Medecins sans Frontiere, mauaji ambayo yalitukia katika eneo la kaskazini-magharibi ya Jamhuri ya Afrika ya Kati (CAR).

MONUC imechukizwa na mauaji ya mwanahabari wa Redio Okapi

Mwakilishi Maalumu wa KM katika JKK (DRC), William Swing ametoa taarifa yenye kulaani vikali mauaji ya Serge Maheshe mwanahabari wa Redio Okapi, steshini ambayo hudhaminiwa na UM pamoja na Shirika la Kiswiss la Taasisi ya Hirondelle.

Kesi ya Charles Taylor kuanzishwa mjini Hague

KM Ban amepongeza kuanzishwa kwa kesi ya aliyekuwa Raisi wa Liberia, Charles Taylor katika mji wa Hague, Uholanzi na Mahakama Maalumu ya Sierra Leone dhidi ya Jinai ya Vita. Taylor alituhumiwa kuongoza vitendo karaha viliokiuka sheria na kupalilia uhasama miongoni mwa vikundi vya kizalendo vilivyokuwa vimeshiriki kwenye vita vya wenyewe kwa wenyewe katika Sierra Leone.

UM walaani vikali ukatili na mauaji karaha yaliotukia DRC Mashariki

Shirika la UM juu ya Ulinzi wa Amani katika JKK (MONUC) limeripoti kutukia karibuni katika vijiji vya Nyabuluze na Mhungu, Kivu ya Kusini mashambulio yasiochokozwa, ambapo raia 19 waliuawa, wakiwemo watoto wadogo na wanawake. Wanamgambo wa Rasta pamoja na waasi wa kundi la Rwanda linaloitwa FDLR ndio wanaotuhumiwa kuendeleza vitendo hivi vilivyoharamisha mipaka ya kiutu.

Majambazi wavamia malori ya WFP Uganda

Shirika la UM juu ya Miradi ya Chakula Duniani (WFP) limeripoti kwamba majambazi fulani walishambulia, kwa kuvizia, msafara wa malori ya UM katika jimbo la Karamoja la Uganda kaskazini-mashariki na kumwua dereva, Richard Achuka, 41, tukio ambalo limeilazimisha WFP kusitisha kwa muda operesheni za kuhudumia waathiriwa wa ukame nusu milioni chakula kwenye eneo husika.