Sheria na Kuzuia Uhalifu

Benki maarufu Afrika yaafikiana na UM kupiga vita pamoja maradhi maututi

Benki muhimu maarufu inayohudumia Afrika ya Standard Bank, Ijumatatu imetiliana sahihi na Taasisi ya Mfuko wa Kimataifa Dhidi ya UKIMWI, kifua kikuu na malaria – inayoungwa mkono na UM – yaani Taasisi ya Global Fund, makubaliano ya kutoa huduma, bila malipo, za kusimamia matumizi ya misaada ya kupambana na majanga hayo matatu ya maradhi maututi wanayopokea mataifa husika katika Afrika.

Kesi ya awali ya ICC inawashirikisha waathiriwa wa vita katika JKK

Ijumatatu kwenye mji wa Hague, Uholanzi Mahakama ya Kimataifa juu ya Jinai ya Halaiki (ICC) imeanza kusikiliza kesi ya Thomas Lubanga Dyilo, mtuhumiwa wa kwanza kukabidhiwa Mahakama tangu ilipoanza kazi zake. Kadhalika, kesi hii itawasilisha mara ya kwanza katika historia ya sheria ya kimataifa ambapo waathirika wa makosa ya jinai [ya vita] watashiriki kikamilifu kwenye kesi hiyo.

ICC imeanza kusikiliza mashtaka dhidi ya JP Bemba

Kuhusu habari nyengine, Mahakama ya Kimataifa juu ya Makosa ya Jinai ya Halaiki (ICC) leo imeanzisha kusikiliza mashtaka dhidi ya Jeane-Pierre Bemba, raia wa JKK, aliyetuhumiwa kushiriki kwenye makosa ya vita na jinai dhidi ya utu katika Jamhuri ya Afrika ya Kati (JAK) kuanzia 25 Oktoba, 2002 hadi 15 Machi, 2005. Anatuhumiwa kuongoza jeshi la mgambo la MLC liliofanyisha