Sheria na Kuzuia Uhalifu

Mwendesha Mashitaka Mkuu wa ICC azuru JAK

Luis Moreno-Ocampo, Mwendesha Mashitaka wa Mahakama ya Kimatifa juu ya Jinai ya Halaiki (ICC) ameelekea Jamhuri ya Afrika ya Kati wiki hii kukutana na waathiriwa wa makosa karaha ya jinai ya vita yalioendelezwa nchini katika kipindi cha baina ya miaka ya 2002 na 2003. Kadhalika, atakapokuwepo mjini Bangui, JAK Moreno-Ocampo atakutana, kwa mashauriano, na wawakilishi wa jumuiya za kiraia, wenyeji husika na watumishi wa serikali. Ziara hii inafuatia tangazo la mwezi Mei 2007 ambapo Mwendesha Mashitaka aliripoti kwamba ataanzisha uchunguzi maalumu kuambatana madai ya kuwa jinai ya vita iliendelezwa dhidi ya utu, hususan yale makosa yanayoambatana na udhalilishaji wa kijinsia. Uchunguzi unafanyika kufuatia ombi liliopokewa na Mahakama kutoka Serikali ya JAK.

Hapa na pale

Mnamo 2007 Shirika la Mfuko wa UM Kudhibiti Idadi ya Watu (UNFPA) limepokea mchango wa dola milioni 419 kutoka mataifa 181 kutumiwa katika kuongoza shughuli zake za mwaka, mchango ambao ulikiuka rikodi ya msaada uliopokewa miaka iliopita.

Kesi ya aliyekuwa raisi wa Liberia imeanza kusikilizwa tena mjini Hague

Kesi ya raisi wa zamani wa Liberia Charles Taylor imeanza kusikilizwa tena mapema wiki hii kwenye mji wa Hague, Uholanzi baada ya kuakhirishwa kwa muda wa miezi minne ili kuwasaidia mawakili wa mshitakiwa muda zaidi wa kutathminia kurasa 40,000 za ushahidi zilizoandaliwa na wanaoendesha mashtaka. Kesi inasimamiwa na Mahakama Maalumu juu ya Makosa ya Vita katika Sierra Leona (SCSL) ambayo husaidiwa na inaungwa mkono na UM. Taylor ametuhumiwa makosa 11 yanayoambatana na jinai ya vita - ikijumuisha mchango wake katika mauaji ya halaiki, ukataji wa viungo unaolemaza kwa wapiganaji, utumwa wa kiasherati na kijinsia, na pia ushirikishaji wa nguvu wa watoto wadogo kwenye mapigano. Tuhumza hizi zinahusikana na vurugu liliozuka katika Sierra Leone kwa muda wa miaka kumi, taifa ambalo ni jirani na Liberia. Taylor amekana makosa yote dhidi yake.

Vurugu lazuka upya Cote d'Ivoire

Shirika la UM juu ya Ulinzi wa Amani katika Cote d’Ivoire (UNOCI) limeshtumu hali ya kuzuka tena kwa vurugu karibuni kwenye eneo la Bouake, kaskazini ya nchi. Kwa mujibu wa taarifa ya UNOCI raia wasio hatia walikamatwa, na baadhi yao waliuawa kihorera, vitendo ambavyo UM umesisitiza vinakiuka kihakika haki za binadamu. Wenye madaraka walihimizwa kuchukua hatua za haraka ili kuhakikisha jinai hii inakomeshwa haraka, uhalifu ambao UNOCI unaamini unahatarisha usalama na amani ya taifa kijumla.