Sheria na Kuzuia Uhalifu

UM wachukizwa na kusikitishwa na mauaji ya Benazir Bhutto

KM wa UM Ban Ki-moon aliripotiwa akisema kama alishtushwa na kughadhibiwa, halkadhalika, baada ya kuarifiwa kwamba kiongozi wa Chama cha PPP, na aliyekuwa Waziri Mkuu wa Pakistan, Benazir Bhutto, aliuawa Alkhamisi kwa bomu la kujitolea mhanga.

MONUC yawataka wapiganaji waasi kusalimisha silaha

Shirika la UM juu ya Ulinzi wa Amani katika Jamhuri ya Kidemokrasi ya Kongo (MONUC) limetoa mwito uliowahimiza wapiganaji waasi kusitisha mapigano na kusalimisha silaha, na kuchukua fursa hiyo ya baadaye kujiunganisha na mpango wa kitaifa utakaowachanganyisha, kwa utartaibu ulio halali, na maisha ya kawaida ya jamii nchini.

Aliyetoa ushahidi bandia mbele ya Mahakama ya ICTR kuhukumiwa kifungo cha miezi tisa

Mahakama ya UM juu ya Rwanda (ICTR) imemhukumu kifungo cha miezi tisa jela yule shahidi aliyetambuliwa kwa alama ya jina la GAA, ambaye alituhumiwa kutoa ushahidi usio sahihi mble ya mahakama baada ya kula kiapo.

Mwendesha Mashitaka wa ICC ameishtumu Sudan kukataa ushirikiano na Mahakama

Luis Moreno Ocampo, Mwendesha Mashitaka wa Mahakama ya UM juu ya Jinai ya Halaiki (ICC) aliwaambia wajumbe wa Baraza la Usalama kwenye kikao cha hadhara kwamba kwa muda wa miezi 10 sasa Serikali ya Sudan imeshindwa kutekeleza pendekezo la Baraza la Usalama la kuwakamata raia wawili wa Sudan, Ahmad Harun na Ali Kushayb, na kuwapeleka Mahakamani Hague, Uholanzi baada ya raia hawa kutuhumiwa makosa ya jinai ya vita katika Darfur.

Mahakama ya ICTR yaamua hukumu iliopita iendelezwe kwa watuhumiwa watatu

Korti ya Rufaa ya Mahakama ya Kimataifa juu ya Rwanda (ICTR) imeidhinisha kuendelzwa ile hukumu iliotolewa kabla dhidi ya watu watatu waliokuwa wakurugenzi wa vyombo vya habari Rwanda katika 1994, ambao walituhumiwa kuchochea mauaji ya halaiki dhidi ya raia wenye asili ya KiTutsi.

Na kwa habari za hapa na pale

Mkurugenzi mkuu wa idara ya chakula duniani WFP Bi Josette Sheeran, ameonya kwamba wakazi maskini wa mashambani barani Afrika wanakabiliwa na kimbunga kikubwa cha nyongeza za bei za chakula, mabadiliko ya hali ya hewa na muengezeko wa idadi ya watu.

Ripoti ya UNESCO kuzingatia athari za mapigano katika ilimu

Utafiti ulioendelezwa na Shirika la UM juu ya Ilimu, Sayansi na Utamaduni (UNESCO) kuhusu namna huduma za ilimu zinavyoathirika kutokana na mapigano imeonesha wanafunzi, walimu na vile vile wanazuoni mara nyingi hushambuliwa kihorera na makundi yanayohasimiana, kwa makusudi bila ya kisingizio.

Mkuu anayehudumia misaada ya kiutu kupigwa marufuku Sudan kusini

Wael al-Haj Ibrahim, mkuu wa operesheni za misaada ya kiutu Sudan amelazimishwa na Gavana wa jimbo la Darfur Kusini kuondoka kwenye eneo hilo baada ya kushtumiwa kukiuka sheria isiyobainishwa rasmi hadharani.

Makamanda waasi katika Ituri, DRC wahamishwa Kinshasa na UM

Shirika la Ulinzi wa Amani la UM katika JKK (MONUC) limeripoti kufanikiwa kuwahamishia kwenye mji wa Kinshasa wale makamanda 16 waliokuwa wakiongoza makundi ya waasi katika eneo la Ituri. Kitendo hiki, ilisema MONUC, ni hatua kubwa katika kurudisha utulivu wa kijamii na kuimarisha amani kwenye jimbo la uhasama la kaskazini-mashariki ya nchi.

Ongezeko la harakati za kijeshi mipakani Ethiopia/Eritrea kutia wasiwasi jamii ya kimataifa

Ripoti ya karibuni ya KM wa UM kuhusu hali mipakani kati ya Ethiopia na Eritrea, yaani kwenye ile sehemu ya Pembe ya Afrika ijulikanayo kama Eneo la Usalama wa Muda (TSZ), imeonekana kuwa ni ya wasiwasi mkubwa.