Sheria na Kuzuia Uhalifu

Kesi ya jinai ya vita ya Raisi wa zamani wa Liberia kuakhirishwa

Kesi ya makosa ya jinai ya vita dhidi ya aliyekuwa raisi wa Liberia, Charles Taylor imeakhirishwa hadi mwakani na Mahakama Maalumu kwa Sierra Leone baada ya majaji wa Mahakama kuamua kuwapa mawakili wanaomtetea mshitakiwa muda zaidi wa kupitia na kudurusu kwa makini ushahidi.

Kuongezeka kwa ghasia dhidi ya vyombo vya habari huko Somalia

Kwa mara nyingine vyombo vya habari huru huko Somalia vyapoteza waandishi habari wawili mwishoni mwa wiki iliyopita. Ali Iman Sharmarke muanzilishi na mwenyekiti wa kituo mashuhuru cha redio na televisheni pamoja na mwandishi habari wa kipindi mashuhuri Mahad Ahmed Elmi wa kituo hicho hicho, waliuliwa karibu wakati mmoja huko Mogadishu.

Ethopia: mkuu wa haki za binadam wa UM apongeza kuachiliwa huru wafungwa wa kisiasa.

Kamishna mkuu wa haki za binadam wa UM amekaribisha msamaha na kuachiliwa hivi karibuni zaidi ya viongozi wa kisiasa na wakereketwa 30 huko Ethopia na kuhimiza kuwepo na utaratibu wa haki kwa madarzeni ya washtakiwa ambao baado kesi zao hazi kumalizika.

Sierra Leone: Mahakama inayoungwa mkono na UM yatoa hukumu ya kwanza

Mahakama maalum juu ya Sierra Leone inayoungwa mkono na UM imetoa hukumu yake ya kwanza wiki hii, ya vifungo virefu vya jela kwa viongozi watatu wa zamani wa waasi.

Hapa na pale

. Walinda amani wa Jordan katika kikosi cha UM huko Ivory Coast wametoa madawa kwa taasisi ya elimu huko mjini Cocody kama sehemu ya juhudi zao za huduma za dhaura kusaidia taifa hilo lililogawika mapande mawili. Kamanda wa kikosi chao Kanali Ali Bairat alisema msaada huo una lengo la kusaidia kupambana na malaria na ni sehemu ya shughuli za huduma za dharura zinazofanywa na wajumbe wa amani kutoka Jordan, ili kusadia kupunguza maafa kwa raia wa kawaida. ~

UNHCR na IMO yatoa mwito kupunguza vifo baharini

Shirika la wakimbizi la Umoja wa Mataifa UNHCR na shirika la kimataifa la safari za baharini IMO, yameungana kutoa mwito wa kuchukuliwa hatua zaidi kuzuia vifo vinavyo tokea miongoni mwa watu wanaosafiri kwa maboti katika safari za hatari kabisa kuvuka bahari ya Mediterranean, Ghuba ya aden na kwengineko kujaribu kutafuta maisha bora.

UNICEF yapongeza Misri kupiga marufuku kukeketwa wasichana

Shirika la watoto la umoja wa mataifa UNICEF limepongeza hatua kadhaa zilizochukuliwa na Misri wiki iliyopita kuondowa mila ya kukeketwa wasichana, baada ya kufariki kwa msichana mwenye umri wa miaka 12 kutokana na kukeketwa.

Juhudi za kimataifa kupiga vita utekaji nyara wa watoto Afrika

Majuzi wawakilishi wa mataifa zaidi ya 10 kutoka Afrika Mashariki na eneo la Maziwa Makuu walikusanyika mjini Kampala, Uganda kwenye mkutano wa Shirika la UM dhidi ya Jinai na Madawa ya Kulevya (UNODC), na walizingatia ratiba ya sheria imara dhidi ya biashara ya magendo ya kuteka nyara watu na watoto, na kuwavusha mipaka kutoka makwao na kuwapeleka kwenye maeneo mengineyo kuendeleza ajira haramu, ya lazima, inayotengua kabisa haki za kibinadamu.~~

Watuhumiwa watatu wa makosa ya vita Sierra Leone kupatikana na hatia ya mashtaka 11

Mahakama Maalumu juu ya Jinai ya Vita Sierra Leone imetoa hukumu yake ya kwanza wiki hii ambapo watuhumiwa watatu wa Jeshi la Baraza la Mapinduzi – yaani Alex Tamba Brima, Brima Bazzy Kamara na Santigie Borbor Kanu - walipatikana na hatia ya mashtaka 11 yanayohusikana na makosa ya vita na vile vile jinai dhidi ya utu. Hukumu juu ya adhabu ya watuhumiwa hawa itatolewa na Mahakama kati ya mwezi Julai.

Sudan yakubali vikosi vya mseto vya kimataifa kwa Darfur

Baada ya kufanyika mashauriano ya kiufundi, ya siku mbili, kwenye mji wa Addis Ababa, Ethiopia katika wiki hii, kati ya wawakilishi wa UM na wale wa kutoka AU, pamoja na wajumbe wa Serekali ya Sudan, kulidhihirika fafanuzi za kuridhisha juu ya yale masuala yaliokuwa yakikwamisha utekelezaji wa mpango wa kupeleka vikosi vya mseto kulinda amani katika jimbo la magharibi la Darfur. Baada ya kikao cha Addis Ababa kulitolewa taarifa ya pamoja kati ya Serekali ya Sudan na AU iliosema ya kuwa Sudan imeridhia na kuidhinisha ule mpango wa kupeleka vikosi vya mseto vya UM na AU kwenye jimbo la Darfur.