Habari Mpya

UNEP yasisitiza umuhimu wa kuboresha hewa Afrika kusini ya Sahara

Achim Steiner, Mkurugenzi Mkuu wa Shirika la UM juu ya Hifadhi ya Mazingira (UNEP) katika mkutano wasiku nne uliofanyika mjini Nairobi, Kenya wiki hii kusailia suala la kuboresha hewa katika miji ya Afrika ametilia mkazo umuhimu wa kubuni ushirikiano mpya ili kukabili tatizo hilo kwa mafanikio.

WFP kufadhiliwa yuro milioni 105 na Kamisheni ya Ulaya

Shirika la UM juu ya Miradi ya Chakula Duniani (WFP) limepokea msaada wa yuro milioni 105 kutoka Kamisheni ya Ulaya zitakazotumiwa kusaidia huduma za kugawa chakula kwa umma muhitaji wa kimataifa katika 2006.

Katibu Mkuu ahudhuria kikao cha wahisani wa kimataifa kwa Darfur mjini Brussels.

KM Kofi Annan wiki hii alihudhuria kikao maalumu cha wahisani wa kimataifa waliokusanyika katika mji wa Brussels, Ubelgiji kuzingatia uwezekano wa kuchangia msaada maridhawa kufadhilia operesheni za amani za AMIS, yaani vikosi vya ulinzi wa amani vya Umoja wa Afrika (AU) katika Darfur, Sudan.

Hali ya mgogoro katika Mashariki ya Kati.

Alkhamisi KM Kofi Annan aliwakilisha mbele ya Baraza la Usalama, katika kikao cha hadhara, ripoti maalumu kuhusu hali katika Mashariki ya Kati, taarifa ambayo inaelezea matokeo ya juhudi za ujumbe wa maofisa watatu wa vyeo vya juu wa UM, waliozuru Mashariki ya Kati karibuni, kwa madhumuni ya kutafuta taratibu za kuridhisha kusitisha mapigano haraka na kuwasilisha suluhu inayokubalika na wote wahusika na mgogoro huo.~

Tume ya Wataalamu imeonya vikwazo dhidi ya JKK (DRC) bado vinaendelea kuharamishwa.

Tume ya Wataalamu wanaohusika na vikwazo dhidi ya JKK (Congo-DRC) wamedhihirisha ripoti mpya yenye kuthibitisha kuharamishwa vikwazo vya silaha vinavyoendelezwa na wageni pamoja na raia katika Congo-DRC.

Afisa wa Shirika la MONUC anabashiria uchaguzi utakuwa shwari katika JKK.

Peter Swarbrick, Afisa wa Shirika la MONUC anayehusika na mipango ya kupokonya silaha kwa waliokuwa wapiganaji katika JKK ameripoti ya kwamba wale wapiganaji wa kigeni wanaokadiriwa 8,000 ambao walisalia nchini baada ya vita vya wenyewe kwa wenyewe kumalizika,

UNESCO yashtumu mauaji ya mwandishi habari mzalendo katika JKK.

Koichiro Matsuura, Mkurugenzi Mkuu wa Shirika la UM juu ya Elimu, Sayansi na Utamaduni (UNESCO) ameshtumu vikali mauaji yaliyofanyika mwanzo wa mwezi ya mwandishi habari wa JKK (Congo-DRC), Bapua Mwamba.

Mwakilishi Maalumu wa KM kwa Usomali anahimiza viongozi wa Usomali kushirikiana kuleta amani nchini.

Mwakilishi Maalumu wa KM kwa Usomali, Francois Lonseney Fall amewanasihi viongozi wa Serikali ya mpito ya Usomali(TFG) pamoja na wale wanaowakilisha Baraza Kuu la Mahkama za Kiislamu kuheshimu maafikiano ya kusitisha mapigano,

UNEP yafanyisha warsha wa kudhibiti mazingira Sudan.

Shirika la UM juu ya Hifadhi ya Mazingira (UNEP) wiki hii lilifanyisha warsha wa siku mbili mjini Khartoum, Sudan kuwapatia fursa wataalamu wahusika kubadilishana mawazo na fikra za kutunza na kuimarisha mazingira maumbile ya taifa,

UNEP yazingatia hifadhi ya mikoko katika Bahari ya Pasifiki.

Shirika la UNEP limetangaza kwamba utafiti ulioendelezwa karibuni kuhusu hali ya mikoko katika Bahari ya Pasifiki umethibitisha ya kuwa kunahitajika kuchukuliwa hatua za haraka za pamoja, kimataifa, kuhifadhi uchumi wa mfumo muhimu wa ikolojia ya eneo hilo. Mabadiliko ya hali ya hewa yalionekana kukithirisha kima cha usawa wa bahari na kuhatarisha mazingira maumbile ya eneo.