Habari Mpya

Hapa na pale

19 Oktoba 2007

Tarehe 16 Oktoba huadhimishwa na Shirika la UM juu ya Chakula na Kilimo (FAO) pamoja na aila nzima ya UM kuwa ni ‘Siku ya Chakula kwa Wote Duniani’. Siku hii hutumiwa kuwazindua walimwengu ya kwamba watu milioni 854 bado wanaendelea kuteswa na kusumbuliwa, kila siku, na tatizo sugu la njaa na ukosefu wa chakula, idadi ya waathiriwa ambayo inazidi kukithiri kwa sababu ya mifumo dhaifu ya kilimo, ugawaji usiotosheleza wa chakula, uwezo usiofaa wa kuhifadhia chakula, na vile vile kutokana na hali ya vurugu na mapigano, mazingira ambayo hukwamisha huduma za kilimo kwenye maeneo husika.

Juhudi za kupambana na VVU/UKIMWI Tanzania

18 Oktoba 2007

Mnamo mwaka 2000 jumuiya ya kimataifa ilikubaliana kuchukua hatua za pamoja ili kupunguza ufukara na umasikini duniani, angalau, kwa nusu, mwaka 2015 utakapowasili, hususan katika mataifa yanayoendelea.

Ripoti juu ya Taasisi ya Saratani ya Ocean Road (Makala ya Pili)

18 Oktoba 2007

Katika makala iliopita tulieleza kwamba ulimwengu hivi sasa unakabiliwa na tatizo la kufumka kwa maradhi ya saratani katika sehemu mbalimbali za dunia. Ugonjwa huu, tuliarifiwa, huua idadi kubwa ya watu ulimenguni kuzidi jumla ya vifo vinavyosababishwa na maradhi ya UKIMWI, kifua kikuu na malaria, vifo ambavyo hutukia kwa wingi zaidi katika nchi masikini.

Juhudi za UM kuboresha huduma za maendeleo Tanzania

11 Oktoba 2007

Kemal Dervis, Mkurugenzi Msimamizi wa Shirika la UM juu ya Miradi ya Maendeleo (UNDP) wiki hii alianza ziara ya siku 10 katika bara la Afrika kwa madhumuni ya kufufua tena zile juhudi za kuyakamilisha Maendeleo ya Milenia (MDGs) kwa wakati, hususan katika zile nchi ambazo bado zinazorota na kuwachwa nyuma katika kuitekeleza miradi ya kupunguza umaskini kwa nusu katika 2015.

Kamati za Baraza Kuu zaanza kujadilia ajenda za kikao cha 62

11 Oktoba 2007

Baraza Kuu la UM lina kamati sita ambazo zimegaiwa majukumu kadha wa kadha yanayohusiana na masuala ya kimataifa yenye kuhitajia suluhu ya kipamoja miongoni mwa jamii ya kimataifa.

Wahajiri wa IDPs wakithiri Kivu Kaskazini

11 Oktoba 2007

Ofisi ya UM juu ya Misaada ya Dharura (OCHA) imepokea ripoti zenye kuthibitisha kwamba idadi ya wahajiri wa ndani ya nchi (IDPs)inaendelea kuongezeka kwa wingi Kivu Kaskazini, baada ya kufumka kwa mapigano huko katika siku za karibuni.

Hali mipakani Ethiopia/Eritrea kumtia wasiwasi KM

11 Oktoba 2007

KM wa UM Ban Ki-moon amenakiliwa akisema kuwa anakhofia kuharibika kwa hali ya utulivu kwenye ile sehemu ya mpakanai kati ya Ehtiopia na Eritrea ijulikanayo kama Eneo la Usalama wa Muda (TSZ).

Mandalizi ya UNAMID Darfur yanatathminiwa na KM

11 Oktoba 2007

Ripoti ya KM kuhusu maendeleo katika juhudi za kuandaa vikosi vya mseto vya UM na Umoja wa Afrika (AU) vitakavyopelekwa Darfur, yaani Vikosi vya UNAMID, imebainisha kupwelewa kwa sasa kwa sababu ya kuzuka vizingiti katika kupata eneo la ardhi katika Darfur linalohitajika kujenga ofisi na makazi. Kadhalika ripoti ilisema Serekali ya Sudan bado inavuta wakati kuidhinisha ile orodha waliopelekwa ya wanajeshi wa mataifa yaliojitolea kujiunga na vikosi vya ulinzi wa amani vya UM katika Darfur vya UNAMID.

Silaha zinaendelea kumiminikia Darfur na kukiuka vikwazo vya UM

11 Oktoba 2007

Tume ya wataalamu waliodhaminiwa na UM madaraka ya kusimamia utekelezaji wa vikwazo vya silaha dhidi ya Sudan imeripoti kugundua kwamba silaha nzito, silaha ndogo ndogo na vifaa vyengine vya kivita bado vinaendelea kupelekwa jimbo la Darfur. Vitendo hivi vinaendelezwa na Serekali ya Sudan pamoja na makundi ya waasi, hali ambayo inaharamisha vikwazo vya Baraza la Usalama dhidi ya silaha kupelekwa kwenye eneo hili la Sudan magharibi.

Mjumbe wa KM kwa Darfur aandaa mazungumzo ya upatanishi Khartoum

11 Oktoba 2007

Wiki hii Mjumbe Maalumu wa KM kwa Darfur, Jan Eliasson alikuwa na mazungumzo na viongozi mbalimbali wa hadhi ya juu wa Serekali ya Sudan, pamoja na viongozi wa mataifa jirani ikiwa katika juhudi za kimataifa za kukamilisha matayarisho ya mkutano mkuu ujao wa kurudisha amani katika Darfur, kikao ambacho kinatarajiwa kufanyika Libya tarehe 27 Oktoba (2007).