Habari Mpya

Bei ya chakula ulimwenguni imepanda kwa mwezi wa saba mfululizo kufikia mwezi Desemba

Takwimu za bei ya vyakula zilizotolewa hii leo mjini Roma Italia na shirika la chakula na kilimo la Umoja wa Mataifa, FAO, zinaonesha bei ya chakula ulimwenguni ilipanda kwa miezi saba mfululizo hadi mwezi  Desemba mwaka jana, ikiongozwa na bidhaa za maziwa na mafuta ya mbogamboga.

Mapato ya fedha yasihatarishe maisha ya abiria na wafanyakazi wa ndege za kiraia- Mtaalamu

Mtaalamu maalum wa haki za binadamu wa Umoja wa Mataifa Agnès Callamard  amesema kanuni za ulinzi wa ndege za kiraia zinazoruka kwenye maeneo ya mizozo ya kijeshi zisiwe na utata wowote na ziwe wazi ili kulinda maisha ya abira na wafanyakazi wa ndege hizo.
 

Waachieni huru waliokamatwa Hong Kong- OHCHR

Ofisi ya Umoja wa Mataifa ya haki za bindamu, OHCHR, imeelezea wasiwasi wake kufuatia kukamatwa kwa wanaharakati wa kisiasa, wasomi na waliokuwa wabunge, wajumbe wa wilaya na mawakili kwenye jimbo maalum la Hong Kong SAR na kutoa wito waachiliwe huru haraka. 

Sanduku la maoni shuleni, lamuokoa mtoto msichana dhidi ya ndoa.

Nchini Ethiopia ambako asilimia 40 ya wasichana wanaolewa kabla ya kufikia umri wa miaka 18, msichana Tsigist Wudu Chekol ilikuwa kidogo tu awe miongoni mwa hao lakini akaponea chupuchupu na sasa ni mwanachama wa kikundi cha wasichana katika shule anayosoma, kinachopambana kuhakikisha katika jamii hakuna mtoto anayeolewa kabla ya wakati.

Chonde chonde DRC sitisheni uhasama na kuwawajibisha wauaji wa raia:Guterres

Katibu Mkuu wa Umoja wa Mataifa  Antonio Guterres amerejea wito wake wa kusitisha uhasama kimataifa na kuyataka makundi yote yenye silaha kuweka silaha hizo chini na kujiunga katika mchakato wa amani, baada ya raia zaidi ya 20 kuuawa nchini Jamhuri ya Kidemokrasia ya Congo DRC.

Tumeshtushwa na kulaani kilichotekea leo Washington DC: UN

Katibu Mkuu wa Umoja wa Mataifa Antonio Guterres amesema ameshtushwa na hali iliyoendelea leo mjini Washington DC nchini Marekani na kuwataka viongozi wa kisiasa kuwaasa wafuasi wao kujizuia na ghasia.

Mazingira hatarishi na mizozo kizuizu cha kufikia ajenda ya 2030-UN

Katibu Mkuu wa Umoja wa Mataifa Antonio Guterres amesema kushughulikia mazingira hatarishi na mzozo ni nguzo muhimu kwa ajili ya amani na usalama huku akisema mambo hayo pia ni kizuizi kikubwa katika kutekeleza ajenda ya mwaka 2030 ya maendeleo endelevu.

Umoja wa Mataifa wawaaga kwa heshima walinda amani waliopoteza maisha CAR 

Umoja wa Mataifa kupitia mpango wake wa kuweka utulivu nchini Jamhuri ya Afrika ya Kati, MINUSCA umewaaga kwa heshima  walinda amani kutoka Burundi, Bangladesh, na Cameroon ambao walipoteza maisha yao hivi karibuni wakiwa kazini.

Lishe ya WFP iliniokoa, sasa natumikia WFP kusaidia wengine- Liberee Kayumba

Wahenga walinena ukishikwa shikamana, na ndivyo anavyofanya Liberee Kayumba ambaye ni manusura wa mauaji ya kimbari ya Rwanda dhidi ya Watutsi yaliyofanyika mwaka 1994, anasema yuko hai leo hii sababu ya msaada wa chakula wa shirika la Umoja wa Mataifa la mpango wa chakula WFP , ambao ulimuhamasisha baadaye kujiunga na shirika hilo kusaidia wakimbizi wa Burundi kama alivyosaidiwa.

UNHCR inaendela kupokea na kuandikisha wakimbizi kutoka Ethiopia wanaoingia Sudan

Shirika la Umoja wa Mataifa la kuhudumia wakimbizi, UNHCR linaendelea kuandikisha wakimbizi wapya katika mpaka wa Sudan na Ethiopia ambapo takriban wakimbizi 800 wamevuka kutoka eneo la Tigray nchini Ethiopia na kuingia mashariki mwa Sudan katika siku chache za mwaka huu wa 2021.