Habari Mpya

Nchi mbili za Afrika zachaguliwa kuingia Baraza la Usalama la Umoja wa Mataifa

Nchi za Ghana na Gabon kutoka Afrika zimechaguliwa hii leo kuingia kwenye Baraza la Usalama la Umoja wa Mataifa kwa miaka miwili kuanzia januari 1, 2022 pamoja na nchi nyingine tatu. 
 

Chanjo zinapaswa kuzingatiwa kama "bidhaa za umma ulimwenguni" - Guterres 

Akiongea kupitia video huko London, Uingereza, Katibu Mkuu wa Umoja wa Mataifa António Guterres amesema hakuna njia nyingine ya kushinda virusi vinavyoenea katika nchi zinazoendelea "kama moto wa nyikani" na hatari za kubadilika, isipokuwa kwa njia ya usawa, chanjo kwa watu wengi, na kuongeza kuwa chanjo zinahitajika "kupatikana na za bei nafuu kwa wote ” 

Baba alimkimbia mama kwa madai kwamba hawezi zaa mtoto kama mimi-Mwaura

Mazingira ambayo nimekulia mimi yalikuwa ya sintofahamu kwa sababu ya suala nzima kwamba nimezaliwa tofauti katika familia yangu, watu wa familia yangu walikuwa na tetesi kuelewa kwa nini nilizaliwa nilivyo na babangu alimkimbia mama kwa madai kwamba hawezi zaa mtoto kama mimi.

Uwekezaji katika sayansi duniani waongezeka, lakini nchi zatofautiana

Uwekezaji wa fedha katika sayansi duniani kote yaliongezeka kwa asilimia 19 kati yam waka 2014 na 2018, sambamba na ongezeko la idadi ya wanasayansi ambalo ni kwa asilimia 12.7, imesema ripoti mpya ya shirika la Umoja wa Mataifa la Elimu, Sayansi na Utamaduni, UNESCO iliyozinduliwa leo huko Paris nchini Ufaransa.

Ghasia Cabo Delgado, wanaokimbilia Tanzania waendelea kurejeshwa

Nchini Msumbiji katika mji wa pwani wa Palma jimboni Cabo Delgado bado wananchi wanaripoti kusikia milio ya risasi kila uchao, nyumba zao zikitiwa moto na hivyo kulazimika kukimbia maeneo mengine ndani ya nchi yao au hata kuvuka mpaka na kuingia Tanzania, hali inayoendelea kutia hofu kubwa shirika la Umoja wa Mataifa la kuhudumia wakimbizi, UNHCR kuhusu usalama wao.
 

Watu 350,000 wanakabiliwa na baa la njaa Tigray, msaada wahitajika haraka kunusuru maisha:UN

Takwimu mpya na za kusikitisha zilizotolewa leo zimethibitisha ukubwa wa dharura ya njaa inayolighubika jimbo la Tigray nchini Ethiopia ambako watu milioni 4 wanakabiliwa na njaa kali na wengine 350,000 tayari wanakubwa na baa la njaa.

COVID-19 yashika kasi Afrika, chanjo ni haba, Uganda hali si  hali

Idadi ya wagonjwa wa Corona au COVID-19 inavyoendelea kuongezeka kwa wiki tatu mfululizo barani Afrika huku chanjo ikisalia kuwa haba, mataifa 47 kati ya 54 barani humo yanaelekea kutofikia lengo la kutokuwa yamepatia chanjo angalau asilimia 10 ya wananchi wake ifikapo mwezi Septemba mwaka huu. 

Ajira za utotoni zafikia milioni 160, zaidi ya nusu ni watoto wa miaka 5 mpaka 11

Kwa mara ya kwanza katika kipindi cha miongo miwili, ajira za utotoni zimeongezeka na kufikia watoto milioni 160 na huenda takwimu hizo zikapanda kwa mwaka ujao wa 2022 iwapo hatua za haraka hazitachukuliwa kuwalinda watoto.

Sitopumzika hadi mangariba wote watakapoacha ukeketaji: mwanaharakati Ifrah 

Kutana na mkimbizi kutoka Somalia muathirika wa ukeketaji ambaye hakuacha athari za jinamizi hilo kusambaratisha ndoto zake za kuhakikisha hatopumzika hadi pale mangariba wote watakapobwaga manyanga na kuacha ukatili huo nchini Somalia na kwingineko duniani.

Mradi wa kunusuru kaya maskini mijini huko Ethiopia waondoa unyonge kwa familia 

Nchini Ethiopia mpango wa kusaidia kaya maskini kwa kuzipatia fedha, sasa unaongezwa kiwango cha fedha kutoka dola 13 kwa mwezi hadi dola 21 kwa mwezi baada ya shirika la Umoja wa Mataifa la kuhudumia watoto, UNICEF na wadau kuingia makubaliano ya kusaidia serikali katika mpango huo kwa miezi sita ijayo.