Msaada wa Kibinadamu

Baraza la Usalama kuridhia kuanzishwa ofisi ya kuimarisha amani Burundi

Baraza la Usalama limepitisha, kwa kauli moja, azimio la kuanzisha ofisi maalumu mpya nchini Burundi (Bureau Integre des Nations Unies au Burundi, BINUB)itakayopewa dhamana ya kusaidia kujenga utulivu wa kudumu nchini baada ya Shirika la UM juu ya Ulinzi wa Amani (ONUB) kukamilisha operesheni zake mwisho wa mwaka (31 Disemba 2006).

Wahamiaji wa Burundi katika Tanzania kupatiwa makazi mapya Marekani

Shirika la UM juu ya Huduma za Wahamiaji (UNHCR) limeripoti kuwa Serekali ya Marekani ipo tayari kuwapatia makazi mapya wale wahamiaji 13,000 wa Burundi pamoja na wazawa wao ambao wanayoyoma kwenye kambi za wahamiaji nchini Tanzania tangu 1972 pale walipokimbia mauaji ya halaiki nchini mwao.

UM waomba msaada wa dharura kunusuru maisha ya wahamiaji wa Usomali katika Kenya

UM umetoa ombi la dharura uitakayo jamii ya kimataifa kufadhilia dola milioni 35 ili kukidhia mahitaji ya kihali kwa wahamiaji 35,000 wa Usomali waliopo Kenya hivi sasa ambao asilimia kubwa yao ni wafugaji walioathirika na hali ya uhasama uliozuka makwao ikichanganyika na ukame.

WFP inahitajia msaada wa dharura wa dola milioni 44 kuhudumia walioathirika na ukame Kenya

Shirika la UM juu ya Miradi ya Chakula Duniani (WFP) limeripoti kuwa linahitajia kufadhiliwa, haraka iwezekanavyo, na wahisani wa kimataifa msaada wa dola milioni 44 ili kuhudumia operesheni zake nchini Kenya katika kiezi sita ijayo na kunusuru maisha ya umma ulioathirika na ukame. Ijapokuwa idadi ya watu wanaohitajia msaada wa chakula imeteremka kwa sasa, kutokana na mvua za karibuni, hata hivyo WFP bado itahitajia kupatiwa msaada wa kununua nafaka, chakula cha dharura ambacho hupendelewa zaidi na waathiriwa wa ukame.

Umoja wa Mataifa unaadhimisha Siku ya Amani ya Kimataifa

Alkhamisi, tarehe 21 Septemba iliadhimishwa na Umoja wa Mataifa (UM), kote duniani, kuwa ni Siku ya Amani ya Kimataifa. Katibu Mkuu Kofi Annan alijumuika kwenye Makao Mkuu mjini New York na watu mashuhuri kadha walioteuliwa na UM kuwa wajumbe wa kuendeleza mbele kampeni ya kuimarisha amani ulimwenguni, akiwemo pia Daktari Jane Goodall, kwenye tafrija za kuiadhimisha Siku hiyo. Daktari Goodall ni mtafiti wa wanyama pori na mtetezi wa hifadhi za mazingira, na ni mtu maarufu Afrika Mashariki ambapo alifanyia tafiti zake muhimu kadha wa kadha juu ya tabia za wanyama pori hususan masokwe.

Baraza la Usalama kupeleka jeshi la kulinda amani nchini Sudan

Baraza la Usalama, limekubali kupeleka jeshi la kulinda amani la Umoja wa mataifa la zaidi ya wanajeshi elfu 17 katika jimbo lenye ghasia la Darfur huko Sudan, ifikapo mwisho wa mwaka huu.

Baraza la Usalama lapitisha azimio juu ya mapigano kati ya Israel na Lebanon

Juhudi za kidiplomasia zinaendelea katika Baraza la Usalama na katika miji mikuu ya nchi mbali mbali kujaribu kutafuta suluhisho la kusitisha mapigano kati ya Israel na wapiganaji wa Hezbollah huko Lebanon.

Amani itapatikana Afrika Magharibi kwa kuwapokonya silaha wapiganaji

Baraza la usalma la Umoja wa Mataifa wiki hii limesema upokonaji silaha na kuwarudisha katika maisha ya kawaida wapiganaji wa zamani na kukomesha tatizo kubwa la biashara haramu ya silaha ndogo ndogo ni hatua muhimu kabisa ambazo nchi za Afrika ya Magharibi zinabidi kuchukua ikiwa amani itadumishwa katika eneo hilo.

WFP kufadhiliwa yuro milioni 105 na Kamisheni ya Ulaya

Shirika la UM juu ya Miradi ya Chakula Duniani (WFP) limepokea msaada wa yuro milioni 105 kutoka Kamisheni ya Ulaya zitakazotumiwa kusaidia huduma za kugawa chakula kwa umma muhitaji wa kimataifa katika 2006.

UNEP yafanyisha warsha wa kudhibiti mazingira Sudan.

Shirika la UM juu ya Hifadhi ya Mazingira (UNEP) wiki hii lilifanyisha warsha wa siku mbili mjini Khartoum, Sudan kuwapatia fursa wataalamu wahusika kubadilishana mawazo na fikra za kutunza na kuimarisha mazingira maumbile ya taifa,