Msaada wa Kibinadamu

Naibu KM mpya aahidi usimamizi wa kazi za UM kwa nidhamu za fungamano

Ijumatatu, Februari 05 (2007) Asha-Rose Migiro, aliyekuwa Waziri wa Mambo ya Nje na Maendeleo wa Tanzania aliapishwa rasmi kuwa Naibu KM mpya wa UM. Baada ya Bi Migiro kuapishwa na kutia sahihi waraka za UM alijulishwa na KM Ban Ki-moon na waandishi habari wa kimataifa waliopo Makao Makuu ya Umoja wa Mataifa. Naibu KM Migiro aliwaambia wanahabari hawo kwamba atajitahidi kama awezavyo kuziongoza kazi za UM kwa nidhamu iliyoungana, na kwa taratibu zinazoeleweka kwa masilahi na natija za taasisi hii pekee ya kimataifa.

Maelfu wanahitajia misaada ya kihali kusini Afrika baada ya mafuriko haribifu

Shirika la WFP limeripoti mafuriko haribifu yametanda karibuni kusini ya Afrika na kuathiri maisha na usalama wa makumi elfu ya watu waliojikuta wamenaswa na kuinuka kwa kina cha maji katika maeneo yao,hali ambayo imeangamiza mazao, nyumba na kuchukua maisha ya darzeni za watu.

Mataifa Wanachama yakutana mjini Paris kuzingatia ukomeshaji wa matumizi ya watoto katika mikwaruzano ya vita

Mnamo mwanzo wa wiki wawakilishi kutoka mataifa wanachama 58 walikutana kwa siki mbili katika mji wa Paris, Ufaransa kwenye mkutano uliopitisha itifaki ya kukomesha, kote ulimwenguni, tabia karaha na vitimbi haramu vya kuajiri kwa nguvu watoto wanaolazimishwa kushiriki katika vita na mapigano.

Mjumbe wa UM juu ya Haki za Watoto Walionaswa kwenye Uhasama kuzuru Sudan

Mjumbe Maalumu wa UM juu ya Hifadhi ya Watoto kwenye Mazingira ya Uhasama na Vita, Radhika Coomaraswamy anatazamiwa kuzuru Sudan mwisho wa wiki kwa kuitikia mwaliko wa Serekali ya Sudan.

EU kufadhilia dola milioni 1.3 WFP kuhudumia chakula wahamiaji wa Sahara ya Magharibi

Shirika la UM juu ya Miradi ya Chakula Duniani (WFP) limepokea kutoka idara inayohusika na misaada ya kiutu ya Umoja wa Ulaya (EU) msaada wa dola milioni 1.3 ulikusudiwa kuhudumia wahamiaji wa Sahara ya Magharibi waliopo Algeria.

Didier Drogba ameteuliwa kuwa balozi mfadhili wa UNDP

Didier Drogba, mchezaji mashuhuri wa mpira kutoka Cote d’Ivoire anayechezea timu ya Chelsea ya Uingereza, na kuongoza kwa kufunga magoli mengi zaidi kushinda wachezaji wengine Ulaya hivi sasa, ameteuliwa na Shirika la UM juu ya Miradi ya Maendeleo (UNDP) kuwa Balozi Mfadhili, atakayesaidia kwenye zile juhudi za kuhamasisha umma wa kimataifa kujumuisha mchango wao maridhawa, ili kukamilisha, kwa wakati, yale Malengo ya Maendeleo ya Milenia (MDGs).

UM yashiriki kikamilifu kuhudumia umma muathiriwa na mafuriko Afrika Mashariki

Hivi majuzi, Afrika Mashariki ilikabiliwa na tatizo la mafuriko ya kihistoria yaliotukia baada ya mvua kali kunyesha mwisho wa mwaka 2006. Maafa haya yalisababisha uharibifu mkubwa wa hali na mali, hususan, miongoni mwa wale wahamiaji waliopo mipakani kati ya Kenya na Usomali.

Huduma za Umoja wa Mataifa katika kufufua utulivu na amani Usomali

Mapema wiki hii UM ulipeleka tume maalumu ya ukaguzi, kwenye mji wa Mogadishu, Usomali kwa mara ya kwanza tangu Serekali ya Mpito kuchukua madaraka. Dhamira ya ujumbe huo ni kutathminia mahitaji ya misaada ya kiutu kwa raia wa Usomali.

Waathiriwa wa ukame 500,000 Uganda kuhudumiwa chakula na WFP

Shirika la UM juu ya Miradi ya Chakula Duniani (WFP) limeanzisha operesheni za kuwahudumia chakula watu 500,000 muhitaji wa eneo la Karamoja, katika Uganda ya kaskazini-mashariki.

ICTR imeamua kuendeleza kifungo cha maisha kwa aliyekuwa Waziri wa Fedha Rwanda

Mahakama ya UM juu ya Rwanda (ICTR) iliopo Arusha, Tanzania imeamua kuendeleza kifungo cha maisha dhidi ya Emmanuel Ndindabahizi, aliyekuwa Waziri wa Fedha wa Rwanda.